Ref. No. 3480/47-9395

الجواب

بسم اللہ الرحمن الرحیم: ۔       نماز کے دوران اگر مذی کا قطرہ یا پیشاب کا قطرہ نکل جائے تو وضو ٹوٹ جائے گا۔ اور نماز بھی فاسد ہوجائے گی۔ استنجا کرنے کے بعد دوبارہ وضو کرکے نماز پڑھنی ضروری ہے۔واللہ اعلم بالصواب

دارالافتاء

دارالعلوم وقف دیوبند

Ref. No. 3429/47-9320

الجواب

بسم اللہ الرحمن الرحیم: ۔         اگر کپڑے پر کوئی اس طرح کا نشان نہیں ہے  تو بلاوجہ شک و شبہ میں پڑنا درست نہیں ہے۔ اس طرح تو پھر کسی بھی چیز پر اعتماد نہیں کیاجاسکتاہے۔ اس لئے اگر کوئی ناپاکی لگی ہوئی نہیں ہے اور نہ ہی آپ نے اپنی آنکھوں سے کچھ دیکھاہے تو بلاوجہ شبہ میں نہ پڑیں۔ اپنے وسوسہ اور وہم سے باہر نکلیں اور اس کو پاک شمار کرکے اس میں نماز وغیرہ پڑھ سکتے ہیں۔

واللہ اعلم بالصواب

دارالافتاء

دارالعلوم وقف دیوبند

Ref. No. 3317/46-9182

الجواب

بسم اللہ الرحمن الرحیم:۔  محض شک کی بنائ پر کوئی عمل نہ کریں۔ جب تک یقین نہ ہو شک کے مطابق عمل کرنے سے انسان وہم اور وسوسہ کے مرض میں مبتلا ہوجائیں گی۔ اس لئے آپ کی فجر کی نماز بھی درست ہے اور روزہ بھی صحیح ہے۔خیال رہے کہ روزہ کے صحیح ہونے کے لئے پاکی شرط نہیں ہے ۔ اورتری  کے تعلق سے مذی، ودی، پسینہ یا پیشاب ہونے کے بھی احتمالات ہیں ، ان تمام صورتوں میں غسل کی ضرورت نہیں ہوتی ہے۔ اس لئے  آپ کو جس وقت  تری کے منی ہونے کا یقین یا غالب گمان ہو اسی صورت میں غسل کریں ورنہ وضو کرکے نماز پڑھ لیا کریں۔

"وإن رأى بللاً إلا أنه لم يتذكر الاحتلام، فإن تيقن أنه (مذي) لا يجب الغسل؛ لأن سبب خروج المني ههنا لم يوجد، فلا يمكن أن يقال بأنه مني ثم رق لطول المدة، بل هو مذي حقيقة، والمذي لا يوجب الغسل وإن شك أنه مني أو مذي، قال أبو يوسف رحمه الله: لا يوجب الغسل حتى يتيقن بالاحتلام، وقالا يجب الغسل، هكذا ذكر شيخ الإسلام رحمه الله." المحيط البرهاني في الفقه النعماني (1 / 85)

واللہ اعلم بالصواب

دارالافتاء

دارالعلوم وقف دیوبند

Ref.  No.  3079/46-4949

الجواب

بسم اللہ الرحمن الرحیم:۔  جس وقت سے کنویں کی  ناپاکی کا علم ہوا اس وقت سے ہی اس کو ناپاک شمار کیاجائے گا، اس لئے  ناپاکی کا علم ہونے سے پہلے  جو کپڑے  اس کنویں کے پانی سے دھلے گئے وہ سب پاک شمار ہوں گے۔ البتہ اگر نجاست گرنے کا وقت یقینی طور پر معلوم ہوجائے  تو پھر اس وقت سے اس کو ناپاک شمار کیاجائے گا ۔اوراس ناپاک پانی سے وضو یا غسل کرکے، یا اس سے کپڑے دھو کرجتنی نمازیں پڑھی ہیں ان کا اعادہ بھی ضروری  ہوگا ۔

فلا نحكم بنجاسته بالشك على الأصل المعهود إن ‌اليقين ‌لا ‌يزول بالشك." (بدائع الصنائع، كتاب الطهارة ،فصل في بيان المقدار الذي يصير الماء نجساّ،ج :1 ،ص :73 ،ط:رشيدية)

واللہ اعلم بالصواب

دارالافتاء

دارالعلوم وقف دیوبند

Ref. No. 2939/45-4619

الجواب

بسم اللہ الرحمن الرحیم:۔ مصنوعی ہاتھ  کو  ہر بار اتار کر  اصل  ہاتھ اور پاؤں کا  جتنا حصہ وضو میں دھونا فرض ہے اس کو دھونا ضروری ہوگا، صرف مسح کرنے سے وضو درست نہیں ہوگا۔اس لئے امام صاحب جس طرح فجر میں مصنوعی ہاتھ کو اتار کر بقیہ ہاتھ دھوتے ہیں، اسی طرح باقی نمازوں میں بھی ان کو اتار کر ہی وضو کریں۔ اگر وضو نہیں ہوا تو نماز بھی نہیں ہوگی۔ ان کو صحیح مسئلہ سمجھادیاجائے۔  

ولو قطعت يده أو رجله فلم يبق من المرفق والكعب شيء سقط الغسل ولو بقي وجب، كذا في البحر الرائق. وكذا غسل موضع القطع، هكذا في المحيط.وفي اليتيمة: سئل الخجندي عن رجل زمن رجله بحيث لو قطع لايعرف هل يجب عليه غسل الرجلين في الوضوء؟ قال: نعم. كذا في التتارخانية". (الھندیۃ، الفصل الاول فی فرائض الوضوء، کتاب الطہارۃ ، جلد 1 ص:5 ط: دار الفکر)

واللہ اعلم بالصواب

دارالافتاء

دارالعلوم وقف دیوبند

Ref. No. 2937/45-4617

الجواب

بسم اللہ الرحمن الرحیم:۔  وضو کے بعد اعضاء پر موجود وضو کا پانی پاک ہے، اس کا بدن پر لگنا ، کپڑے پر لگنا یا مسجد میں گرنا کوئی بری بات نہیں ہے۔  اس کو ناپاک سمجھنا یا ناپاک پانی جیسا سلوک کرنا غلط ہے۔

واللہ اعلم بالصواب

دارالافتاء

دارالعلوم وقف دیوبند

Ref. No. 2867/45-4581 بسم اللہ الرحمن الرحیم:۔ جس ہاتھ میں چوٹ لگی ہے، اور اس پر پلاسٹر لگاہوا ہے اس پر مسح کرکے نماز درست ہوجائے گی، اور ان کی اقتداء میں نماز پڑھنا بھی درست ہے۔ایسی مجبوری میں ایک ہاتھ سے نیت باندھنا بھی جائز ہے، اس لئے ان کے پیچھے تراویح کی نماز پڑھی جاسکتی ہے۔ "(وصح اقتداء متوضئ) لا ماء معه (بمتيمم) ولو مع متوضئ بسؤر حمار مجتبى (وغاسل بماسح) ولو على جبيرة. (قوله: ولو على جبيرة) الأولى قوله في الخزائن: على خف أو جبيرة، إذ لا وجه للمبالغة هنا أيضاً، لأن المسح على الجبيرة أولى بالجواز، لأنه كالغسل لما تحته. على أنه استبعد في النهر شمول ماسح له فجعله مفهوماً بالأولى: أي فيدخل دلالة لا منطوقاً، تأمل". (الدر المختار وحاشية ابن عابدين (رد المحتار) (1/ 588) ویجوز المسح علی الجبائر وإن شدہا علی غیر وضوء لأنہ علیہ السلام فعل ذلک وأمر علیاً بہ۔ ولأن الحرج فیہ فوق الحرج في نزع الخف فکان أولی بشرع المسح ۔ (الہدایۃ ۱/۴۴۔۴۶، باب المسح علی الخفین) واللہ اعلم بالصواب دارالافتاء دارالعلوم وقف دیوبند

Ref. No. 2855/45-4498 الجواب بسم اللہ الرحمن الرحیم:۔ وقفہ وقفہ سے نکلنے والا خون بھی اگر اتنی مقدار میں ہے کہ اگر ایک ساتھ نکلتا تو بہنے کے قابل ہوجاتا تو ایسی صورت میں وضو ٹوٹ جائے گا، ایک ہی مجلس میں خون کا اپنی جگہ سے نکل کر بہنا یا سیلان کی مقدار کو پہونچنا شرط نہیں ہے۔ وينقضه) خروج منه كل خارج (نجس) بالفتح ويكسر(منه) أي من المتوضئ الحي معتادا أو لا، من السبيلين أو لا (إلى ما يطهر) بالبناء للمفعول: أي يلحقه حكم التطهير.ثم المراد بالخروج من السبيلين مجرد الظهور وفي غيرهما عين السيلان ولو بالقوة، لما قالوا: لو مسح الدم كلما خرج ولو تركه لسال نقض وإلا لا، كما لو سال في باطن عين أو جرح أو ذكر ولم يخرج."(شامی، 134/1) واللہ اعلم بالصواب دارالافتاء دارالعلوم وقف دیوبند

Ref. No. 2854/45-4497 الجواب بسم اللہ الرحمن الرحیم:۔ اعضائے وضو کو دھونے میں اس قدر گیلا کرنا کافی ہے کہ ایک یا دو قطرے ٹپک جائیں، اس لئے کوشش ہو کہ گرم پانی کی تھوڑی مقدار سے وضو کرلیا جائے، اور باقی پانی پینے کے لئے بچالیاجائے، اور اگر پانی صرف پینے کے بقدر ہی ہو، تو پھر زمین کی جنس سے کسی چیز پر تیمم کیاجاسکتاہے۔ جو چیز جلانے سے نہ جلے، پگھلانے سے نہ پگھلے وہ زمین کی جنس سے ہے۔ ایک طریقہ یہ بھی ہے کہ جب ایسے علاقہ میں جانے کا ارادہ ہو تو مٹی کا ایک ٹکڑا اپنے ساتھ لے جائے، تاہم اگر وضو کے لئے پانی نہ ہو اور تیمم کے لئے مٹی یا اس کے جنس کی کوئی چیز میسر نہ ہو تو ایسی صورت میں نماز کے وقت میں تشبہ بالمصلین کرے یعنی نمازیوں کی طرح ہیئت اختیار کرے البتہ قرآن کی تلاوت نہ کرے ، بعد میں اس نماز کی قضا کرے، گرچہ امام ابوحنیفہ رحمہ اللہ کے قول کے مطابق ایسی صورت میں نمازکو موٴخر کرنے کی گنجائش ہے۔(الدر المختار مع رد المحتار: 1/252، سعید) واللہ اعلم بالصواب دارالافتاء دارالعلوم وقف دیوبند

الجواب وباللّٰہ التوفیق:استنجا بائیں ہاتھ سے کرنا چاہیے، دائیں ہاتھ سے بلا عذر استنجا کرنا مکروہ اور خلاف سنت ہے۔(۲)

(۲) و کرہ بعظم و طعام و وروث و آجر و خذف و زجاج و شيء محترم کخرقۃ دیباج و یمین ولا عذر بیسراہ۔ (ابن عابدین، الدر المختار مع ردالمحتار، ’’کتاب الطہارۃ، باب الأنجاس، مطلب: إذا دخل المستنجي في ماء قلیل،‘‘ ج۱، ص:۵۵۲)؛ و یکرہ الإستنجاء بالید الیمنی (عالم بن العلاء، تاتارخانیہ، ’’نوع منہ في سنن الوضو آدابہ،‘‘ ج۱، ص:۲۱۱)، و یکرہ الاستنجاء بالعظم… و ھکذا بالیمین، ھکذا في التبیین۔ و إذا کان بالیسری عذر یمنع الاستنجاء بھا، جاز أن یستنجي بیمینہ من غیر کراھۃ۔ (جماعۃ من علماء الہند، الفتاویٰ الہندیہ، ’’کتاب الطہارۃ، الباب السابع: في النجاسۃ و أحکامھا، الفصل الثالث، في الاستنجاء،‘‘ ج۱، ص:۱۰۵)
 

فتاوی دارالعلوم وقف دیوبند ج3 ص88