Ref. No. 1345/42-730

الجواب وباللہ التوفیق

بسم اللہ الرحمن الرحیم:۔ اللہ تعالی کے علاوہ کسی اور کی قسم کھانا جائز نہیں ہے۔  اس طرح کی قسم منعقد بھی نہیں ہوگی، اور جب قسم ہوئی ہی نہیں تو اس کو توڑنے پر کوئی کفارہ بھی لازم نہیں ہوگا۔ البتہ  اگر کوئی گناہ کا کام نہ ہو بلکہ جائز کام ہو اور اس میں  کسی چیز کا وعدہ ہو  تو بطور وعدہ پورا کرنے کے اس کام کو کرنا جائز ہوگا۔ اور وعدہ پورا کرنا بھی قرآن کا حکم ہے۔  اس لئے اگر کوئی کسی بات کے لئے ایسی قسم کھالے تو گرچہ قسم کھانا غلط ہے مگر اس کام کو کرنے میں کوئی گناہ نہیں ہے۔ جیسے ماں سے بیٹے نے کہا کہ آپ کے سر کی قسم میں اس جمعرات کو ضرور آؤں گا۔ تو گرچہ یہ قسم جائز نہیں ہے لیکن اس ضمن میں جو والدہ  سے جمعرات کو آنے کا وعدہ ہے  اس کو پورا کرنا چاہئے۔  

قال: ومن حلف بغير الله تعالى لم يكن حالفا كالنبي والكعبة، لقوله - عليه الصلاة والسلام - " من كان منكم حالفا فليحلف بالله أو ليذر" (شامی ، کتاب الایمان 3/712) "عن عبداللہ ابن عمر  عن النبی ﷺ انہ قال :"من کان حالفاً فلیحلف بالله أو لیصمت". ( بخاری ومسلم) "وعنہ قال : قال رسول الله ﷺ :  من حلف بغیر الله فقد أشرک".( الترمذی)

واللہ اعلم بالصواب

دارالافتاء

دارالعلوم وقف دیوبند

Ref. No. 1573/43-1236

بسم اللہ الرحمن الرحیم:۔ عام جگہوں اور عام حالات میں فقہ اسلامی کے مطابق سودوقمار پر مشتمل معاملہ ہونے کی وجہ سے لائف انشورنس ناجائز ہے۔ البتہ جس جگہ فساد کا قوی اندیشہ ہو وہاں لائف انشونس کی عارضی اجازت ہوگی۔ تاہم جب انشورنس کے پیسے ملیں گے  تو اس وقت زائد رقم بلانیت ثواب  صدقہ کرنا واجب ہوگا۔

﴿يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ﴾ (سورالبقرة:278)

عن جابر قال: لعن رسول الله -صلى الله عليه وسلم- آكل الربا وموكله وكاتبه وشاهديه وقال هم سواء (مسلم، باب لعن آكل الربا ومؤكله (5/ 50) الرقم  4177، بیروت)

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:مذکورہ صورت میں ایمان و نکاح باقی ہے۔ (۱) البتہ یہ عمل فوراً ترک کر کے توبہ کرنی چاہئے، (۲) حرام کو بار بار کرنے سے ایمان میں خطرہ ضرور پیدا ہو جاتا ہے۔

(۱) ولا نکفر مسلما بذنب من الذنوب وإن کانت کبیرۃ إذا لم یستحلہا، ولا نزیل عنہ إسم الإیمان، ویجوز أن یکون مؤمناً فاسقاً غیر کافر۔ (أبو حنیفۃ -رحمہ اللّٰہ-، شرح الفقہ الأکبر، ’’الکبیرۃ لا تخرج المؤمن عن الإیمان‘‘: ص: ۱۱۷)

(۲) والفسق لیس في معنی الکفر فلا یلحق بہ في الإحباط۔ (أبو حنیفۃ -رحمہ اللّٰہ-، شرح الفقہ الأکبر، ’’مسألۃ في التوبۃ وشرائطہا وفیہا أبحاث جلیلۃ‘‘: ص: ۲۶۱)

والکبیرۃ لا تخرج العبد المؤمن من الإیمان ولا تدخل لہ في الکفر۔ (علامہ سعد الدین تفتازاني، شرح العقائد النسفیۃ، ’’مبحث الکبیرۃ‘‘: ص: ۱۰۶)

دار الافتاء

دار العلوم وقف دیوبند

Ref. No. 2472/45-3745

بسم اللہ الرحمن الرحیم:۔ ساس کی نگاہ داماد کی شرمگاہ پر پڑی ہے یا نہیں، یہ امر مشکوک ہے، اور اگر نگاہ پڑی  تو بھی بغیر شہوت کے پڑی ہوگی، اس لئے محض شک کی بناء پر حرمت ثابت نہیں ہوگی، اور زید کی بیوی بدستور بیوی رہےگی، اور اس سے  زید کےنکاح پر کوئی اثر نہیں پڑے گا۔

"وناظرة إلى ذكره  .... والعبرة للشهوة عند المس والنظر لا بعدهما وحدها فيهما تحرك آلته أو زيادته به يفتى، وفي امرأة ونحو شيخ كبير تحرك قبله أو زيادته.

(قوله: وناظرة) أي بشهوة ... (قوله: وفي امرأة ونحو شيخ إلخ) قال في الفتح: ثم هذا الحد في حق الشاب، أما الشيخ والعنين فحدهما تحرك قلبه أو زيادته إن كان متحركاً لا مجرد ميلان النفس، فإنه يوجد فيمن لا شهوة له أصلاً كالشيخ الفاني، ثم قال: ولم يحدوا الحد المحرم منها أي من المرأة، وأقله تحرك القلب على وجه يشوش الخاطر قال ط: ولم أر حكم الخنثى المشكل في الشهوة، ومقتضى معاملته بالأضر أن يجري عليه حكم المرأة". (الدر المختار وحاشية ابن عابدين (رد المحتار) (3/ 33):

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:اللہ کے خوف سے اللہ کے اوامر کو بجا لا نے اور اللہ کی منہیات کو ترک کردینے کا نام تقوی ہے۔(۱)

(۱) {وَإِنْ تَصْبِرُوْا وَتَتَّقُوْا فَإِنَّ ذٰلِکَ مِنْ عَزْمِ الْأُمُوْرِہ۱۸۶} (سورۃ آل عمران: ۱۸۶)
{ ٰٓیأَیُّھَا الَّذِیْنَ أٰمَنُوا اتَّقُوا اللّٰہَ حَقَّ تُقٰتِہٖ وَلَا تَمُوْتُنَّ إِلَّا وَأَنْتُمْ مُّسْلِمُوْنَہ۱۰۲} (سورۃ آل عمران: ۱۰۲)
وقال أبو نعیم روي عن ابن مسعود رضي اللّٰہ عنہ: مرفوعاً أیضاً ہو أن یطاع فلا یعصی ویشکر فلا یکفر ویذکر فلا ینسیٰ، وقال البغوي: قال ابن مسعود رضي اللّٰہ عنہ وابن عباس ہو أن یطاع فلا یعصي ہذا إجمال ما ذکر … إلی … فمقتضیٰ ہذہ الآیۃ وجوب اکتساب کمالات الولایۃ۔ (محمد ثناء اللّٰہ پاني پتي، تفسیر المظہري، ’’سورۃ آل عمران: ۱۰۲‘‘: ج ۲، ص: ۱۰۸)

فتاوی دارالعلوم وقف دیوبند ج2ص167

الجواب وباللّٰہ التوفیق:اگر ان صفات کی نسبت کرنے میں غلو سے کام لے اور نبی کے حاضر وناظر وعالم الغیب ہونے اور اللہ کے عالم الغیب وحاضر ناظر ہونے میں کوئی فرق نہ کرے  تو اسلام سے خارج ہے، اور اگر دونوں میں فرق کرتا ہے اور تاویل کرتا ہے، تو اس کو اسلام سے خارج نہیں کہا جائے گا۔ (۱)

(۱) لا یفتی بکفر مسلم أمکن حملہ علی محمل حسن۔ (ابن عابدین، الدر المختار مع رد المحتار، ’’کتاب الجہاد:  باب المرتد، مطلب في حکم من شتم دین مسلم‘‘: ج ۶، ص: ۳۶۷)

ولا نکفر مسلماً بذنب من الذنوب وإن کانت کبیرۃ إذا لم یستحلہا ولا نزیل عنہ اسم الإیمان ونسمیہ مؤمناً حقیقۃ۔ (أبو حنیفۃ، شرح الفقہ الأکبر، ’’بحث في أن الکبیرۃ لا تخرج المؤمن عن الإیمان‘‘: ص: ۱۱۷)

فتاوی دارالعلوم وقف دیوبند ج2ص264

الجواب وباللّٰہ التوفیق:ٹرین کے باتھ روم میں لوگ کھڑے ہوکر بھی پیشاب کرتے ہیں اور بیت الخلا میں پورے طور پر نکاسی نہ ہونے سے گندہ پانی جمع ہو جاتا ہے؛ اس لیے غالب گمان یہ ہے کہ یہ پانی ناپاک ہے لہٰذا اگر یہ ناپاک پانی کپڑے پر لگ جائے یا بدن کے کسی حصہ یا پیروں میں لگ جائے، تو اس کا دھونا اور پاک کرنا ضروری ہوگا، اٹیچی میں اگر پانی اندر چلا گیا اور کپڑا گیلا ہو گیا، تو کپڑا ناپاک ہو جائے گا اور اس کا دھونا ضروری ہوگا تاہم اگر بیت الخلا صاف ہے اور غالب گمان ہے کہ پانی پاک ہے، تو پھر اس سے بدن اور کپڑے ناپاک نہ ہوں گے اگرچہ پانی کے پاک ہونے میں شک ہو۔
اور اگر پانی باہر کے واش بیسن میں بھر کر بہہ پڑے، تو وہ پانی گرچہ گندہ ہے، مگر ناپاک نہیں ہے، اس کے لگنے سے کپڑے اور بدن ناپاک نہ ہوں گے۔
’’عن أبي أمامۃ الباہلي قال: قال رسول اللّٰہ صلی اللّٰہ علیہ وسلم إن الماء لا ینجسہ شيء إلا ما غلب علی ریحہ وطعمہ ولونہ‘‘(۱)
’’وینبغي حمل التیقن المذکور علی غلبۃ الظن والخوف علی الشک أو الوہم کما لا یخفی‘‘(۱)
’’قالوا لو ألقی عذرۃ أو بولا في ماء فانتفخ علیہ ماء من وقعہا لا ینجس ما لم یظہر لون النجاسۃ أو یعلم أنہ البول وما ترشش علی الغاسل من غسالۃ المیت مما لا یمکنہ الامتناع عنہ مادام في علاجہ لا ینجسہ لعموم البلویٰ بخلاف الغسلات الثلاث إذا استنقعت في موضع فأصابت شیئا نجستہ‘‘(۲)

(۱) أخرجہ ابن ماجۃ، في سننہ، ’’أبواب الطھارۃ: باب الحیاض‘‘: ج ۱، ص: ۵۲۱۔رقم:۱۹۰۳ (کتب خانہ نعیمیہ دیوبند)
(۱) ابن عابدین، الدر المختار مع رد المحتار، ’’کتاب الطہارۃ: باب المیاہ‘‘: ج ۱، ص: ۱۸۶۔
(۲) ابن نجیم، البحر الرائق، ’’کتاب الطہارۃ: النجس المرئي یطہر بزوال عینہ‘‘: ج ۱، ص: ۲۴۸۔
 

فتاوی دارالعلوم وقف دیوبند ج3 ص67

الجواب وباللّٰہ التوفیق:وضو کرنے کے بعد اگر سر کے بالوں کو مونڈوا لیا، تو اس سے وضو پر کوئی فرق نہیں آئے گا اور سر پر دوبارہ مسح کرنا لازم نہیں ہوگا، بلا مسح کے اعادہ کے نماز پڑھ سکتے ہیں۔
’’ومسح الرأس ثم حلق الشعر حیث لا یلزمہ إعادۃ المسح لأن الشعر من الرأس خلقۃ فالمسح علیہ مسح علی الرأس‘‘ (۱)

(۱) ابن نجیم، البحر الرائق، ’’کتاب الطہارۃ: باب ما ینقض المسح علی الخفین‘‘: ج ۱، ص: ۱۸۶۔
 

فتاوی دارالعلوم وقف دیوبند ج3 ص197

الجواب وباللّٰہ التوفیق:بحالت جنابت موئے زیر ناف دور کرنا جائز ہے؛(۲)   لیکن خلاف اولیٰ ہے، حضرت تھانوی رحمۃ اللہ علیہ نے ’’امداد الفتاویٰ‘‘ میں یہ جزئیہ نقل فرمایا ہے ’’حلق الشعر حالۃ الجنابۃ مکروہ وکذا قص الأظافیر کذا في الغرائب‘‘ (۳)
نیز حضرت مفتی عزیز الرحمن رحمۃ اللہ علیہ نے کہا کہ اس مکروہ سے ’’مکروہ تنزیہی‘‘ یعنی خلاف اولیٰ مراد ہے۔

(۲)قال عطاء: یحتجم الجنب و یقلم أظفارہ و یحلق رأسہ و إن لم یتوضأ۔ (أخرجہ البخاري، في صحیحہ، ’’کتاب الغسل، باب للجنب یخرج و یمشي في السوق وغیرہ‘‘ ج ۱، ص:۴۲مکتبہ نعیمیہ، دیوبند)
(۳) جماعۃ من علماء الھند، الفتاویٰ الہندیہ، ’’کتاب الکراہیۃ، الباب التاسع عشر في الختان ،‘‘ج۵، ص:۴۱۴
 

فتاوی دارالعلوم وقف دیوبند ج3 ص288