Ref. No. 3023/46-4816

الجواب

بسم اللہ الرحمن الرحیم:۔  جب تک صریح لفظوں میں طلاق کا تلفظ نہ ہو یا طلاق کے  مناسب  لفظ میں طلاق کی  نیت نہ کی جائے، صرف طلاق کا وہم یا وسوسہ آنے سے طلاق واقع نہیں ہوتی ہے۔ اس لئے آپ کی بیوی پر کوئی طلاق واقع نہیں ہوئی۔

واللہ اعلم بالصواب

دارالافتاء

دارالعلوم وقف دیوبند

Ref. No. 3021/46-4825

الجواب

بسم اللہ الرحمن الرحیم:۔  ۱۔ حدیث   شریف سے صرف یہ ثابت ہے کہ جس جانور پر نبی کریم صلی اللہ علیہ و سلم نے معراج فرمائی تھی، وہ قد و قامت میں گدھے سے بڑا اور خچر سے چھوٹا تھا جس کی رفتار منتہائے نظر تک ایک قدم کا رکھنا تھی اور بس ، لہٰذا زید کا مذکورہ عقیدہ غلط ہے اور گمراہی پر مبنی ہے۔ اس لئے اس عقیدہ کی بناء پر اس کو راہ حق سے بھٹکاہوا اور گمراہ یا فاسق کہاجائے گا، ایسی لغو باتوں سے احتراز لازم ہے۔۲۔  بتوں پر پانی چڑھانا شرکیہ عمل ہے، اور شرکیہ عمل کو انجام دینے والاخواہ کچھ بھی نیت کرے، وہ ایمان سے خارج  ہوجائے گا۔ ایسے شخص پر توبہ واستغفار کے ساتھ تجدید ایمان  وتجدید نکاح بھی لازم ہوگا۔ خیال رہے کہ شرکیہ اعمال میں نیت کا اعتبار نہیں ہے، ایک مسلمان پر لازم ہے کہ وہ شرکیہ اعمال سے بالکلیہ براءت کا اظہار کرے اور کسی بھی شرکیہ عمل میں قطعا شرکت نہ کرے اور دنیا کے مفاد پر آخرت کو ترجیح دے اوراس ضمن میں  ہونے والے نقصان کو برداشت کرے۔ اگر آج شرکیہ اعمال سے نہیں رکے گا تو دھیرے دھیرے ان عمال کی قباحت دل سے نکل جائے گی اور آخرت کا بڑا نقصان کربیٹھے گا۔ اس لئے شریعت مطہرہ  میں شرکیہ اعمال کو نیک نیتی کے ساتھ کرنے کی بھی قطعا  گنجائش نہیں ہے۔ ۳۔مسلمان کےلیےہولی کھیلنااسی طرح کفار،مشرکین اوربےدین لوگوں کے  مذہبی  رسومات ، تہواروں اوران کے کفریہ وشرکیہ اعمال پرمشتمل تقریبات  ومحافل  میں شریک ہونا،یاان کے امتیازی علامات کواستعمال کرنا ،یا ان کی طرح شکل وصورت بنانا یہ تمام افعال  تشبہ بالکفار کی وجہ سے حرام و ناجائز  ہیں ۔۴۔  اہل سنت والجماعت کے نزدیک تعزیہ بنانا بدعت ، نا جائزو حرام  ہے، اور ناجائز امور میں کسی کی اعانت بھی حرام و ناجائز ہے۔ علماء اور مفتیان کرام تحریروتقریر کے ذریعہ لوگوں کر متنبہ کرتے رہیں اور اس کی قباحت پر روشنی ڈالتے رہیں اور اصل سنت کیا ہے اس کو بھی لوگوں کے مابین عام کریں۔ لوگوں کی ملامت اور طنزیہ جملوں کی پرواہ کئے بغیر پُرزور انداز میں برابر رسوم و بدعات کے خلاف  مناسب طریقہ پر آواز اٹھاتے رہیں۔

عن أنس بن مالك أن رسول الله - صلى الله عليه وسلم - قال * أتيت بالبراق و هو دابة أبيض طويل فوق الحمار و دون البغل يضع حافره عند منتهى طرفه قال فركبته حتى أتيت بيت المقدس اھ (الصحیح لمسلم : ۱/۹۱)۔

(وَیَقْضِی مَا تَرَکَ مِنْ عِبَادَةٍ فِی الْإِسْلَام) لِأَنَّ تَرْکَ الصَّلَاةِ وَالصِّیَامِ مَعْصِیَةٌ وَالْمَعْصِیَةُ تَبْقَی بَعْدَ الرِّدَّةِ الخ (رد المحتار علی الدر المختار :۲۵۱/۴، کتاب الجہاد، باب المرتد،ط: دار الفکر، بیروت ، معارف القرآن :۵۲۰/۱، سورہ بقرہ، آیت نمبر ۲۱۸) ۔

قال الله تعالى: {ولن ترضى عنك اليهود ولا النصارى حتى تتبع ملتهم قل إن هدى الله هو الهدى ولئن اتبعت أهواءهم بعد الذي جاءك من العلم ما لك من الله من ولي ولا نصير۔ (سورۃ البقرۃ)"يكفر بوضع قلنسوة المجوس على رأسه على الصحيح إلا لضرورة دفع الحر والبرد وبشد الزنار في وسطه إلا إذا فعل ذلك خديعة في الحرب وطليعة للمسلمين.....وبخروجه إلى نيروز المجوس لموافقته معهم فيما يفعلون في ذلك اليوم وبشرائه يوم النيروز شيئا لم يكن يشتريه قبل ذلك تعظيما للنيروز لا للأكل والشرب وبإهدائه ذلك اليوم للمشركين ولو بيضة تعظيما لذلك لا بإجابة دعوة مجوسي حلق رأس ولده وبتحسين أمر الكفار اتفاقا

(الھندیۃ، کتاب السير:مطلب في موجبات الكفر أنواع منها ما يتعلق بالإيمان والإسلام،ج:2،ص:267،268،ط:رشيدية)

امداد الفتاوی میں ہے: "تعزیہ کے ساتھ جو معاملات کیے جاتے ہیں، ان کا معصیت و بدعت بلکہ بعض کا قریب بہ کفر و شرک ہونا ظاہر ہے، اس لیے اس کا بنانا بلا شک ناجائز ہوگا اور چوں کہ معصیت کی اعانت معصیت ہے، اس لیے اس میں باچھ یعنی چندہ دینا یا فرش و فروش و سامان روشنی سے اس میں شرکت کرنا سب ناجائز ہوگا اور بنانے والا اور اعانت کرنے والا دونوں گناہ گار ہوں گے۔(امداد۔ج۴۔ص۸۰)

Ref. No. 3019/46-4810

الجواب

بسم اللہ الرحمن الرحیم:۔ بینک میں سیونگ اکاؤنٹ کھولنا جائز ہے، تاہم سودی پیسے جو اس میں ہر تین ماہ پر آتے ہیں ان کو اپنے استعمال میں لاناجائز نہیں ہے، ان کا حساب کرکے ان کو نکال کر فقراء پر بلانیت ثواب صدقہ کرنا واجب ہے۔

"والحاصل: أنه إن علم أرباب الأموال وجب رده عليهم، وإلا فإن علم عين الحرام لايحل له ويتصدق به بنية صاحبه   (شامی، كتاب البيوع، باب البيع الفاسد 5/ 99 ط: سعید)

واللہ اعلم بالصواب

دارالافتاء

دارالعلوم وقف دیوبند

Ref. No. 3018/46-4811

الجواب

بسم اللہ الرحمن الرحیم:۔ اسلام میں نکاح ایک پاکیزہ رشتے کا نام ہے،اسلام نے اس کی پائداری پر زور دیا ہے، اور اس کے لیے باہمی الفت ومحبت اور دونوں کو ایک دوسرے کے حقوق کی ادائیگی کی تلقین کی ہے لیکن اگر کسی وجہ سے میاں بیوی کے درمیان نااتفاقی ہونے لگے تو پہلے دونوں خاندان کے بزرگ کو صلح کرانے کی کوشش کرنی چاہیے؛ کیوںکہ اسلام میں طلاق ناپسندیدہ فعل ہے اور بلا ضرورت اسکا استعمال درست نہیں ہے۔ پھر بھی اگر نباہ کی کوئی صورت نہ بن سکے اور فتنہ وفساد کا اندیشہ ہو تو ایک طلاق صریح دے کر دونوں کو الگ ہو جانے کا حکم ہے۔  ایک طلاق کے بعد اگر دوبارہ ساتھ رہنا چاہیں تو عدت میں رجوع کے ذریعہ اور عدت کے بعد نکاح کے ذریعہ دونوں ساتھ رہ سکتے ہیں۔  ایک ساتھ تین طلاق دینا شرعاً گناہ ہے اور ملکی قانون کے مطابق قابل مواخذہ جرم ہے۔

شوہر نے جب تین طلاقیں دیدیں تو تینوں واقع ہوگئیں،وقوع طلاق کے لئے  بیوی کا سننا ضروری نہیں ہے۔ شوہرنے جتنی طلاقیں زبان سے نکالی ہیں وہ ساری واقع ہوں گی۔  طلاق کے بعد میاں بیوی اجنبی ہوجاتے ہیں، ان کا آپس میں ملاقات کرنا اور ایک دوسرے کو دیکھنا بھی حرام ہوجاتاہے۔ طلاق ہوجانے کے بعد  شریعت نے فوری طور پر الگ ہوجانے کا حکم  دیا ہے، اس سلسلہ میں بڑوں کی بات قطعا غیرمعتبر اور اللہ کے حکم کو بدلنے والی بات ہے۔  جو لوگ اللہ کے حکم کے  خلاف کریں گے یا اس میں تعاون کریں گے سب کے سب گنہگار ہوں گے۔اس لئے  جن بڑوں نے یہ مشورہ دیا ان پر اور جھوٹے گواہوں پر اور شوہر سمیت جو لوگ اس فیصلہ سے راضی تھے سب پر توبہ واستغفار لازم ہے۔ 

واللہ اعلم بالصواب

دارالافتاء

دارالعلوم وقف دیوبند

Ref. No. 3010/46-4803

In the name of Allah the most Gracious the most Merciful

The answer to your question is as follows:

 All Shias are not infidels, but those whose beliefs are in accordance with the beliefs of the people of Islam are Muslims, and those who do not hold the beliefs of the people of Islam are called infidels. Among the Shias those who are out of faith, their beliefs are clearly against the Qur'an and Sunnah. They believe that Hazrat Jibreel betrayed the revelation; they believe that the Qur'an is distorted and the Qur'an is not safe. How can they be called Muslims with these beliefs?  Ahle-Sunnat consider these shia kafir. And the Shias who do not hold these beliefs are yet Muslims.

However, it is also worth noting that these people hide their blasphemous beliefs as taqiyyah, and say that doing taqiyyah, - lying and hiding their blasphemous beliefs - is not only permissible but is part of their worship and religion. The belief of the Shias about Imamat is also a revolt against seal of the Prophet and it is an open conspiracy against Islam, and it is also disbelief.

When you read about them, you will realize how different their beliefs are from the beliefs of Ahle-Sunnat. Therefore, marriage with them is not permissible. Yes, the Shias whose beliefs are in accordance with the basic beliefs of the people of Islam and but they disagree on a few things, they are not infidels, but they will definitely be called the misguided due to these wicked things, therefore marriage with such people will be permitted in Sharia, however. For the sake of expediency, they have been forbidden to marry; otherwise there is a threat and fear of corruption after marriage.

And Allah knows best

Darul Ifta

Darul Uloom Waqf Deoband