الجواب وباللّٰہ التوفیق:اللہ کے خوف سے اللہ کے اوامر کو بجا لا نے اور اللہ کی منہیات کو ترک کردینے کا نام تقوی ہے۔(۱)

(۱) {وَإِنْ تَصْبِرُوْا وَتَتَّقُوْا فَإِنَّ ذٰلِکَ مِنْ عَزْمِ الْأُمُوْرِہ۱۸۶} (سورۃ آل عمران: ۱۸۶)
{ ٰٓیأَیُّھَا الَّذِیْنَ أٰمَنُوا اتَّقُوا اللّٰہَ حَقَّ تُقٰتِہٖ وَلَا تَمُوْتُنَّ إِلَّا وَأَنْتُمْ مُّسْلِمُوْنَہ۱۰۲} (سورۃ آل عمران: ۱۰۲)
وقال أبو نعیم روي عن ابن مسعود رضي اللّٰہ عنہ: مرفوعاً أیضاً ہو أن یطاع فلا یعصی ویشکر فلا یکفر ویذکر فلا ینسیٰ، وقال البغوي: قال ابن مسعود رضي اللّٰہ عنہ وابن عباس ہو أن یطاع فلا یعصي ہذا إجمال ما ذکر … إلی … فمقتضیٰ ہذہ الآیۃ وجوب اکتساب کمالات الولایۃ۔ (محمد ثناء اللّٰہ پاني پتي، تفسیر المظہري، ’’سورۃ آل عمران: ۱۰۲‘‘: ج ۲، ص: ۱۰۸)

فتاوی دارالعلوم وقف دیوبند ج2ص167

الجواب وباللّٰہ التوفیق:علم لدنی یا وہبی اس علم کو کہتے ہیں، جو بغیر سیکھے اللہ تعالیٰ اپنی رحمت خاصہ سے عطا فرمادیتے ہیں اور جو علم سیکھا جائے، خواہ مدارس سے یا خانقاہوں سے یا کسی پیر ومرشد سے وہ علم کسبی کہلاتا ہے۔ (۱)

(۱) {فَوَجَدَا عَبْدًا مِّنْ عِبَادِنَآ أٰتَیْنٰہُ رَحْمَۃً مِّنْ عِنْدِنَا وَعَلَّمْنٰہُ مِّنْ لَّدُنَّا عِلْمًاہ۶۵} (سورۃ الکہف: ۶۵)
یا موسیٰ اني علی علم من علم اللّٰہ علمنیہ لا تعلمہ وأنت علی علم من علم اللّٰہ علمک اللّٰہ علماً لا أعلمہ۔ (محمد ثناء اللّٰہ پاني پتي، تفسیر المظہري، ’’تحت تفسیر آیۃ: ۶۵‘‘: ج ۵، ص: ۳۹۶)
ثم إن الذي أمیل إلیہ أن موسیٰ علیہ السلام علم بعلم الحقیقۃ المسمیٰ بالعلم الباطني والعلم اللدني إلا أن الخضر أعلم بہ منہ، وللخضر علیہ السلام سواء کان نبیاً أو رسولاً علماً بعلم الشریعۃ المسمیٰ بالعلم الظاہر إلا أن موسیٰ علیہ السلام أعلم بہ منہ فکل منہما أعلم من صاحبہ من وجہ۔ (علامہ آلوسي، روح المعاني، ’’سورۃ کہف‘‘۶۵: ج ۹، ص: ۴۷۸)
فإن حصل بواسطۃ البشر فہو کسبي، وإلا فہو العلم اللدني الخ۔ (ملا علي قاري، مرقاۃ المفاتیح، ’’کتاب العلم، الفصل الأول‘‘: ج ۱، ص: ۲۶۱، رقم: ۱۹۸)

فتاوی دارالعلوم وقف دیوبند ج2ص168

Ref. No. 2782/45-4347

بسم اللہ الرحمن الرحیم:۔ رفع یدین کرنے والوں کی وجہ سے رفع یدین نہ کرنے والوں کی نماز میں کوئی فرق نہیں آئے گا، سب کی نماز درست ہوجائے گی۔

واللہ اعلم بالصواب

دارالافتاء

دارالعلوم وقف دیوبند

 

الجواب وباللّٰہ التوفیق:بہت خوش آئند خواب ہے، اللہ تعالیٰ ان سے راضی ہیں اور ان کو خوشیاں میسر ہیں، تاہم آپ ایصال ثواب کرتے رہیں، فقراء ومساکین کو کھانا کھلائیں۔(۱)

(۱) للإنسان أن یجعل ثواب عملہ لغیرہ صلاۃ أو صوماً أو صدقۃ أو غیرہا (ابن عابدین، الدر المختار مع رد المحتار، ’’کتاب الصلاۃ: باب صلاۃ الجنازۃ، مطلب في زیارۃ القبور‘‘: ج ۳، ص: ۱۵۰)
من صام أو صلی أو تصدق وجعل ثوابہ لغیرہ من الأموات والأحیاء جاز ویصل ثوابہا إلیہم عند أہل السنۃ والجماعۃ۔ (’’أیضاً‘‘: مطلب في القراء ۃ للمیت وإہداء ثوابہا لہ‘‘: ج ۳، ص: ۱۵۲)

فتاوی دارالعلوم وقف دیوبند ج2ص172

الجواب وباللّٰہ التوفیق:جوئے میں سب کچھ گنوا دینا کاروبار میں خسارہ ہے، پھر ایک موقع اور لینا کاروبار میں لگے رہنا ہے، اور نماز کے لئے چلے جانا، اس خسارہ میں اللہ کی طرف متوجہ ہونا ہے، جو خسارہ میں اللہ تعالیٰ کی طرف بڑھے اس کی جان ومال میں اضافہ ہوتا ہے؛ اس لئے نوافل، صدقہ وخیرات وغیرہ سے اللہ تعالیٰ سے خوب تعلق بڑھائیں؛ تجارت میں بھی نفع ہوگا ’’إن شاء اللّٰہ‘‘(۱) ریا کاری اور کار خیر انجام دینے کے بعد اس کا لوگوں کے سامنے ذکر کرنے سے احتراز کریں۔

(۱) {قُلْ ھَلْ نُنَبِّئُکُمْ بِالْأَخْسَرِیْنَ أَعْمَالًاہط  ۱۰۳أَلَّذِیْنَ ضَلَّ سَعْیُھُمْ فِي الْحَیٰوۃِ الدُّنْیَا وَھُمْ یَحْسَبُوْنَ أَنَّھُمْ یُحْسِنُوْنَ صُنْعًاہ۱۰۴} (سورۃ الکہف: ۱۰۴)

فتاوی دارالعلوم وقف دیوبند ج2ص173

Ref. No. 185/43-1717

بسم اللہ الرحمن الرحیم:۔ عام طور پر ایسی خبریں جھوٹی اور بے بنیاد ہوتی ہیں، اس لئے ان خبروں پر یقین نہیں کرنا چاہیے، اور اس قسم کے فرضی سوالات سے احتراز کرنا چاہیے۔

واللہ اعلم بالصواب

دارالافتاء

دارالعلوم وقف دیوبند

 

السلام علیکم ورحمتہ اللہ وبرکاتہ مدرسے کے طلبہ کے لئے کھانے کا ٹکٹ بیچنا کیسا ہے

Ref. No. 1580/43-1112

بسم اللہ الرحمن الرحیم:۔ صلاتک ایپ  ہم نے استعمال کیا ہے، اور دائمی کلینڈر سے اس کو چیک کیا توبہت مناسب ایپ لگا۔ اس لئے اس ایپ کو استعمال کرنے میں کوئی حرج نہیں ہے اور اوقات صلوۃ میں اس پر اعتبار کیا جاسکتاہے البتہ اس طرح کے تمام ایپ نیٹ سے مربوط ہوتے ہیں ، اس ایپ کو کھولنے سے پہلے موبائل کا انٹرنیٹ  اور لوکیشن (Location)بھی چیک کرلیں  تاکہ صحیح وقت کی معرفت حاصل ہوسکے۔

واللہ اعلم بالصواب

دارالافتاء

دارالعلوم وقف دیوبند

Ref. No. 998/41-184

الجواب وباللہ التوفیق 

بسم اللہ الرحمن الرحیم:۔

درہم:    تین گرام، اکسٹھ ملی گرام، آٹھ میکروملی گرام

دینار:    چار گرام تین سو چوہتر ملی گرام

رطل بغدادی:    چارسو گرام نو سو پانچ ملی گرام

صاع:    تین کلو ایک سو اننچاس گرام دو سو اسی ملی گرام

قیراط:    دوسو اٹھارہ ملی گرام سات میکروملی گرام

وسق:    ایک وسق ساٹھ صاع کا ہوتا ہے۔ صاع کی جو مقدار لکھی گئی ہے اس کو ساٹھ  گنا کرلیں۔  (الاوزان المحمودۃ ص17، 39، 69)

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:تعبیر اچھی ہے، خوشی میسر ہوگی، بیماری سے شفا ملے گی اور عبادت کی توفیق ملے گی ان شاء اللہ۔ علم وحکمت، میراث، امانت، روزی حلال، دین ودیانت کی بھی دلیل ہے۔ (۱) (۱)حضرت جعفر صادق رحمۃ اللہ علیہ نے فرمایا ہے کہ خواب میں مصحف کا دیکھنا پانچ چیزوں پر دلیل ہے:… (۱) علم وحکمت (۲) میراث (۳) امانت (۴) روزی حلال (۵) دین ودیانت۔ (علامہ ابن سیرین، تعبیر الرؤیا، ’’باب میم مصحف وقرآن مجید‘‘: ص: ۵۴۴) فتاوی دارالعلوم وقف دیوبند ج2ص174