الجواب وباللہ التوفیق: بلا ثبوت شرعی کسی کو عیب لگانا سخت گناہ ہے۔ قرآن کریم میںارشاد خداوندی ہے۔{اِنَّ بَعْضَ الظَّنِّ إثْمٌ وَّلَا تَجَسَّسُوْا وَلَا یَغْتَبْ بَّعْضُکُمْ بَعْضًاط}(۱)  لیکن اگر صورت مذکورہ واقعی صحیح ہے، جیسا کہ بتایا گیا ہے، تو ایسے شخص کو مؤذن نہ بنانا چاہئے۔ بلکہ بہتر یہ ہے کہ کسی دیندار پرہیزگار شخص کو مؤذن بنایا جائے۔(۲)

(۱) سورۃ الحجرات: ۱۲۔
(۲) وینبغي أن یکون المؤذن رجلاً عاقلاً صالحاً تقیاً عالماً بالسنۃ، کذافي النہایۃ۔ (جماعۃ من علماء الہند، الفتاویٰ الہندیۃ، ’’کتاب الصلاۃ، الباب الثاني في الأذان‘‘: الفصل الأول في صفتہ وأحوال المؤذن، ج ۱، ص: ۱۱۰)
ویکرہ أذان الفاسق ولایعاد، ہکذافي الذخیرۃ۔ (أیضًا)
عن ابن عباس رضي اللّٰہ عنہ، قال: قال رسول اللّٰہ صلی اللّٰہ علیہ وسلم: لیؤذن لکم خیارکم ولیؤمکم قراؤکم۔ (أخرجہ أبوداود، في سننہ، ’’کتاب الصلاۃ، باب من أحق بالإمامۃ‘‘: ج ۱، ص: ۸۷، رقم: ۵۹۰،مختار اینڈ کمپنی دیوبند)؛ وأخرجہ ابن ماجہ، في سننہ، ’’کتاب الأذان والسنۃ فیہ، باب فضل الأذان وثواب المؤذنین‘‘: ج ۱، ص: ۵۳، رقم: ۷۲۶)
ومنہا: (أي من سنن الأذان) أن یکون تقیاً؛ لقول النبي صلی اللّٰہ علیہ وسلم: الإمام ضامن والمؤذن مؤتمن، والأمانۃ لا یؤدیہا إلا التقي۔ (الکاساني، بدائع الصنائع في ترتیب الشرائع، ’’کتاب الصلاۃ: فصل بیان سنن الأذان‘‘: ج ۱، ص: ۳۷۲)
و منہا: أي من صفات المؤذن أن یکون تقیاً؛ لقول النبي صلی اللّٰہ علیہ وسلم: الإمام ضامن، والمؤذن مؤتمن، و الأمانۃ لا یؤدیہا إلا التقي۔ (ومنہا): أن یکون عالما بالسنۃ لقولہ صلی اللّٰہ علیہ وسلم: یؤمکم أقرؤکم، و یؤذن لکم خیارکم، و خیار الناس العلماء۔ (أیضًا)
و ینبغي أن یکون المؤذن رجلاً عاقلاً صالحاً تقیاً عالماً بالسنۃ، کذافي النہایۃ۔ (جماعۃ من علماء الہند، الفتاویٰ الہندیۃ، ’’کتاب الصلاۃ، الباب الثاني في الأذان‘‘ الفصل الأول في صفتہ وأحوال المؤذن، ج ۱، ص: ۱۱۰)
و یکرہ أذان الفاسق و لا یعاد، ہکذافي الذخیرۃ۔ (أیضاً)
 

فتاوی دارالعلوم وقف دیوبند ج4 ص178

الجواب وباللّٰہ التوفیق: اگر نماز فجر میں جماعت کھڑی ہوگئی ہو تو مسجد سے باہر سنت فجر پہلے پڑھے ۔ اگر یہ امید ہے کہ ایک رکعت امام کے ساتھ مل سکتی ہے تو سنت پہلے پڑھے اس کے بعد امام کے ساتھ شریک ہوکر فرض کی تکمیل کرے اور اگر ایک رکعت بھی امام کے ساتھ ملنے کی امید نہ ہو؛ بلکہ اندیشہ ہو کہ دونوں رکعتیں چھوٹ جائیں گی تو جماعت میں شریک ہوجائے اور سنت فجر چھوڑ دے۔
’’إلا رکعتي الفجر، فإنہ یصلیہما خارج المسجد، وإن فاتتہ رکعۃ من الفجر، فإن خاف أن تفوتہ الفجر ترکہما‘‘(۱) صرف قاعدہ ٔاخیرہ کے مل جانے کی امید پر سنتیں نہ پڑھی جائیں۔
جماعت کھڑی ہوجانے کے بعد کوئی بھی سنت یا نفل مسجد میں پڑھنا مکروہ ہے اس سے بظاہر جماعت سے انحراف معلوم ہوتا ہے اس لیے خواہ سنت فجر ہو خارج از مسجد پڑھی جائیں مسجد کی سہ دری وغیرہ میں یا اگر خارج از مسجد کوئی جگہ نہ ہو تو مسجد کے فرش پر آخری صف میں بھی پڑھ سکتا ہے۔
’’یکرہ لہ التطوع في المسجد۔ سواء کان رکعتي الفجر أو غیرہما من التطوعات لأنہ یتہم بأنہ لا یری صلاۃ الجماعۃ‘‘(۲)

(۱) الکاساني، بدائع الصنائع في ترتیب الشرائع، ’’فصل الصلاۃ المسنونۃ و بیان ما یکرہ‘‘: ج ۱، ص: ۶۳۹، زکریا دیوبند۔)
(۲) أیضاً:۶۳۹۔
 

فتاوی دارالعلوم وقف دیوبند ج6 ص368

Ref. No. 1117 Alif

الجواب وباللہ التوفیق

بسم اللہ الرحمن الرحیم۔ ایسی کوئی روایت ہمارے سامنے سے نہیں گذری۔

واللہ اعلم بالصواب

دارالافتاء

دارالعلوم وقف دیوبند

Ref. No. 38 / 978

الجواب وباللہ التوفیق                                                                                                                                                        

بسم اللہ الرحمن الرحیم:  اتنی بڑی آبادی کا گاؤں قریہ کبیرہ میں آتا ہے اور اس میں جمعہ کی نماز قائم کرنا درست ہے۔ تاہم علاقہ کے علماء سے معائنہ کرالیں تاکہ تسلی رہے۔  واللہ اعلم بالصواب

دارالافتاء

دارالعلوم وقف دیوبند

Ref. No. 39 / 897

الجواب وباللہ التوفیق                                                                                                                                                        

بسم اللہ الرحمن الرحیم:۔  کسی بھی زمانے کے مستندعلماء کی ایک بڑی تعداد  کو جمہورعلماء سے تعبیر کیا جا تا ہے۔   

    واللہ اعلم بالصواب

دارالافتاء

دارالعلوم وقف دیوبند

Ref. No. 945/41-84

الجواب وباللہ التوفیق 

بسم اللہ الرحمن الرحیم:۔  اگر زبان سے طلاق یا اس کے مشابہ کوئی لفظ نہیں نکالا تھا تو صرف وسوسہ آنے سے نکاح پر کوئی اثر نہیں پڑے گا۔ وسوسوں سے احتراز لازم ہے۔  

واللہ اعلم بالصواب

دارالافتاء

دارالعلوم وقف دیوبند

Ref. No. 1148/42-368

الجواب وباللہ التوفیق 

بسم اللہ الرحمن الرحیم:۔ اس طرح دعا کرنے میں حرج نہیں ہے، تاہم منقول دعاؤں کا اہتمام ہونا چاہئے وہ باعث برکت بھی  ہے۔

واللہ اعلم بالصواب

دارالافتاء

دارالعلوم وقف دیوبند

Ref. No. 1258/42-590

الجواب وباللہ التوفیق 

بسم اللہ الرحمن الرحیم:۔  یہ چھ اہم اور بنیادی باتیں ہیں، جبکہ ان کے علاوہ بھی بہت ساری باتیں دین کی ہی ہیں۔ البتہ جو ان چھ نمبرات پر پورے طور سے عمل کرے گا تو دین پر چلنا آسان ہوجائے گا۔ اس لئے تبلیغی جماعت میں ان پر زور دیاجاتاہے۔ اس میں کوئی حرج نہیں ہے۔  لیکن ان کو پورا دین سمجھنا غلط ہے، تبلیغی جماعت کے ذمہ دار بھی اس کو پورا دین نہیں کہتے ہیں۔

واللہ اعلم بالصواب

دارالافتاء

دارالعلوم وقف دیوبند