Ref. No. 3298/46-9049

الجواب

بسم اللہ الرحمن الرحیم:۔  جو امام صاحب مسجد میں نماز پڑھانے کے لئے مقرر ہیں ان کو حق ہے کہ وہ خود نماز پڑھائیں،  اور اگر کوئی وجہ ہو تو دوسروں کو بھی کسی وقت امامت کے لئے آگے بڑھاسکتے ہیں۔ اگر کوئی علاقہ کی یا دینی شخصیت آجائے کہ جس کے پیچھے عوام نماز پڑھنے کی خواہاں ہو تو امام ان کو نماز پڑھانے کے لئے  موقع دے سکتاہے  ، اور اگر ان کو موقع نہ دے تو کوئی حرج نہیں ہے۔  اگر انتظامیہ نے پہلے سے امام صاحب کو دوسرے عالم سے امامت کے بارے میں کہا  ہو تو امام کو چاہئے کہ ان کو نماز پڑھانے دیں، لیکن اگر انتظامیہ نے پہلے سے کچھ نہیں کہا تو اب ان کوامام پر اعتراض کا کوئی حق نہیں ہے۔

 واللہ اعلم بالصواب

دارالافتاء

دارالعلوم وقف دیوبند

Ref.  No.  3294/46-9050

الجواب

بسم اللہ الرحمن الرحیم:۔ بشرط صحت سوال صورت مسئولہ میں مرحومہ مالیہ کا کل ترکہ اولا 13 حصوں میں تقسیم کیاجائے گا، جن میں سے ہر ایک بھائی کو 2 حصے اور ہر ایک بہن کو ایک حصہ ملے گا۔ پھر جو کچھ محمد رفیق کو ملا اس کو اس کی بیوہ اور اولاد کے درمیان ، اور جو کچھ فضل محبوب کو ملا اس کو اس کی بیوہ اور اولاد کےدرمیان اس طرح تقسیم کریں گے کہ بیوہ کو آٹھواں حصہ دینے کے بعد مابقیہ میں سے بیٹوں کو دوہرا اور بیٹیوں کو اکہرا حصہ دیں گے۔ چھ لاکھ چالیس ہزار کی تقسیم اس طرح ہوگی  کہ  مرحومہ کے ہر ایک بھائی کو 98461 روپئے ، اور ہر ایک بہن کو 49231 روپئے ملیں گے۔ محمد رفیق کے  حصہ کی رقم  میں سے اس کی بیوہ کو 12307 روپئے، ہر ایک بیٹے کو 12307 روپئے، اور ہر ایک بیٹی کو 6153 روپئے ملین گے۔ اور فضل محبوب کے حصہ کی رقم میں سے اس کی بیوہ کو 12307 روپئے، ہر ایک بیٹے کو 24615 روپئے  اور ایک بیٹی کو 12307 روپئے ملیں گے۔  مالیہ کے بھائی بہن جو ابھی بھی زندہ ہیں ان کی رقم کے وہ خود مالک ہوں گے ،   اپنی زندگی میں  ہی اپنا حصہ اپنی اولاد میں تقسیم کرنا ضروری نہیں ہے۔  وراثت کی تقسیم ہوجانے کے بعد ہرایک کو اپنے حصہ کا اختیار ہے اگر وہ چاہے تو کسی کو اپنا کل یابعض حصہ دے سکتاہے۔  اور اگر کوئی وراثت کی تقسیم سے پہلے ہی  اپنا حصہ بغیر کسی دباؤ کے چھوڑنا چاہے تو اس کی بھی گنجائش ہے۔

واللہ اعلم بالصواب

دارالافتاء

دارالعلوم وقف دیوبند

Ref.  No.  3292/46-9051

الجواب

بسم اللہ الرحمن الرحیم:۔ اسلامی بینک کے اکاونٹ میں جو منافع جمع ہوتے ہیں، ان کی حیثیت متعین کرنے کے بعد ہی اس کے بارے میں جواز و دعدم جواز کے تعلق سے کچھ کہاجاسکتاہے۔ تاہم جس طرح نقد رقم دینا جائز ہے، اسی طرح اس رقم سے کوئی سامان خرید کر دینا بھی جائز ہے۔ نقد رقم ہی دینا ضروری نہیں ہے۔

واللہ اعلم بالصواب

دارالافتاء

دارالعلوم وقف دیوبند

الجواب وباللہ التوفیق: صورت مسئولہ میں خوشی کے طور پر مٹھائی تقسیم کرنے میں مضائقہ نہیں ہے، لیکن شرط یہ ہے کہ چندہ میں کوئی زبردستی بالکل نہ ہو(۱) اور کوئی بھی ایسی صورت اختیار نہ کی جائے جس سے مسجد کااحترام ختم ہو جائے۔

(۱) عن أبي حرّۃ الرقاشي عن عمہ قال: قال رسول اللّٰہ صلی اللّٰہ علیہ وسلم ألا لاتظلمہا ألا لایحل مال إمرئ إلا بطیب نفس منہ رواہ البیہقي۔ (البغوي، مشکوٰۃ المصابیح، ’’کتاب أسماء اللّٰہ، باب الغضب والعاریۃ‘‘: ص: ۲۵۵، رقم: ۲۹۴۶، مکتبہ تھانوی، دیوبند)وقولہ: (وہي اعتقاد خلاف المعروف عن الرسول) ما أحدث علی خلاف الحق الملتقي عن رسول اللّٰہ صلی اللّٰہ علیہ وسلم من علم أو عمل أو حال بنوع شبہۃ واستحسان وجعل دینا قویما وصراطاً مستقیماً۔ (الحصکفي، الدر المختار مع رد المحتار، ’’کتاب الصلاۃ: باب الإمامۃ، البدعۃ خمسۃ أقسام‘‘: ج ۲، ص: ۲۹۹)

فتاوى دار العلوم وقف ديوبند: ج 7، ص: 55

الجواب وباللہ التوفیق: عورتوں کے لیے بہتر یہی ہے کہ تنہا تروایح کی نماز پڑھ لیں، اگر گھر میں مردوں کی جماعت ہورہی ہے تو جماعت میں بھی شریک ہوسکتی ہیں، لیکن عورتوں کا امامت کرنا درست نہیں ہے۔ عورتوں کی امامت کی کئی صورتیں ہیں، کوئی حافظہ خاتون ہے وہ اپنے گھر کے مردو عورت کی امامت کرے یہ ناجائز ہے؛ اس لیے کہ عورتیں، مردوں کی امامت نہیں کرسکتی ہیں، خیر القرون میں اس کی کوئی مثال نہیں ہے؛حضرات صحابیات میں بعض بہت بلند مقام کی حامل تھیں، حضرت عائشہؓ کے عمل وتقوی کا صحابہؓ کی نگاہ میں بلند مقام تھا۔ حضرات صحابہؓ مشکل مسائل میں ان سے رجوع کیا کرتے تھے؛ لیکن کوئی ایک واقعہ بھی ایسا مذکور نہیں ہے کہ عورتوں نے مردوں کی امامت کی ہو۔ حدیث میں ہے آپ صلی اللہ علیہ وسلم نے فرمایا: ’’أخروہن من حیث أخرہن اللّٰہ‘‘ عورتوں کو پیچھے رکھو جیسے اللہ نے ان کو پیچھے رکھا ہے، حدیث سے معلوم ہوتا ہے کہ عورتوں کو مردوں سے پیچھے کھڑا ہونا چاہیے اور اگر عورت کو مردوں کا امام بنادیا جائے تو عورت کا مردوں کے آگے ہونا لازم ہوگا۔ اعلاء السنن میں حضرت علی رضی اللہ عنہ کا قول نقل کیا ہے: ’’عن علي بن أبي طالب رضي اللّٰہ تعالیٰ عنہ أنہ قال: لاتؤم المرأۃ، قلت: رجالہ کلہم ثقات‘‘(۱)

اس لیے عورتوں کے لیے مردوں کی امامت کرنا ناجائز اور حرام ہے۔ گھر میں حافظہ عورت ہے اور مردوں میں کوئی امامت کرنے کا اہل نہیں ہے یا مرد کو زیادہ قرآن یاد نہیں ہے تو بھی عورت اپنے محرم مردوں کی امامت نہیں کرسکتی ہے۔

عورت کی امامت کی دوسری صورت یہ ہے کہ عورت صرف عورتوں کی امامت کرے،حضرات فقہاء نے اس کو مکروہ تحریمی لکھا ہے فتاوی شامی میں ہے۔

’’ ویکرہ تحریما جماعۃ النساء ولو في التراویح إلی قولہ فإن فعلن تقف الإمام و سطہن فلو تقدمت أثمت۔ أفاد أن الصلاۃ صحیحۃ و أنہا إذا توسطت لاتزول الکراہۃ و إنما أرشدوا إلی التوسط لأنہ أقل کراہیۃ التقدم‘‘(۲)

ایک صورت یہ ہے کہ عورت حافظہ ہے اور وہ اپناقرآن یاد رکھنے کے لیے، تراویح کی نماز پڑھانا چاہتی ہے، اس صورت میں بعض حضرات نے گنجائش لکھی ہے؛ لیکن یہاں چند چیز وں کا خیال کرنا ضروری ہوگا: پہلی چیز تو یہ کہ باہر کی عورتوں کو نہ بلایا جائے اور عورت کی آواز اس قدر پست ہو کہ مردو ں تک اس کی آواز نہ پہنچے، اور عورت درمیان میں کھڑی ہو تو ان شرطوں کے ساتھ قرآن یاد کرنے کے پیش نظر جماعت کرنے کی گنجائش ہوگی۔حضرت مفتی نظام الدین صاحبؒ لکھتے ہیں:(الف) آج کل حافظہ عورتوں کے بارے میں اگر اتنی بڑی جماعت کی امامت ہو جس میں آواز معتادآواز سے زائد ہو تمام قیود و شرائط کے باوجود مکروہ تحریمی اور ناجائز رہے گی۔(ب) اگر ماہ رمضان میں حافظہ قرآن عورتوں کی چھوٹی جماعت جس میں آواز معتاد کے اندر اندر رہے اور تمام قیود و شرائط کے اندررہے اور عورت صف سے صرف چار انگل آگے رہے تو الامور بمقاصدہا کے تحت یہ فعل جائز رہے گا۔(ج) اگر ماہ رمضان مبارک میں صرف دو دو تین تین عورتوں کی جماعت جو محض بہ نیت حفظ قرآن پاک اور بطور دور ہو تواور قیود و شرائط کے موافق اور مکان محفوظ کے اندر ہو جس میں آواز اپنی معتاد آواز سے زائد نہ رہے تو بلا شبہ جائز رہے گی بلکہ الامور بمقاصدہا کے تحت مستحسن بھی ہوسکتی ہے۔(۱)(۱) ظفر احمد تھانوی، إعلاء السنن، ’’کتاب الصلاۃ: أبواب الإمامۃ، باب عدم جواز إمامۃ المرأۃ لغیرہ المرأۃ‘‘: ج ۴، ص: ۲۲۱، دار الکتب الاشرفیہ، دیوبند۔(۲) الحصکفي، الدر المختار مع ردالمحتار، ’’کتاب الصلاۃ: باب الإمامۃ، مطلب إذا صلی الشافعي قبل الخنفي ہل الأفضل الصلاۃ مع الشافعي أم لا؟‘‘: ج ۲، ص: ۳۰۶۔وکذلک یکرہ أن یؤم النساء في بیت ولیس معہن رجل ولامحرم منہ مثل زوجتہ وأمتہ وأختہ فإن کانت واحدۃ منہن فلا یکرہ وکذلک إذا أمہنّ في المسجد لایکرہ۔ (ابن نجیم، البحر الرائق، ’’کتاب الصلاۃ: باب الإمامۃ‘‘: ج ۱، ص: ۶۱۶) (۱) مفتی نظام الدین، نظام الفتاوی: ج ۶، ص: ۶۷، ایفا پبلیشرز، دہلی۔

فتاوى دار العلوم وقف ديوبند: ج 7، ص: 53

الجواب وباللہ التوفیق: قرآن وحدیث میں جہاں کہیں کسی عمل پر ثواب یا عذاب کا تذکرہ ہے وہ مرد و عورت دونوں کو شامل ہے، عام طور پر {یاایہا الذین آمنوا} کے ذریعہ جوخطاب کیا گیا ہے اس میں عورتیں بھی شامل ہیں، ہاں اگر عورت کو اس سے مستثنیٰ کرنے کی ضرورت ہوئی تو عورت کو الگ سے بیان کردیا گیا۔ نماز جس طرح مردوں پر فرض ہے، اسی طرح عورتوں پر بھی فرض ہے اسی طرح دیگر عبادات جس طرح مردوں پر فرض ہیں عورتوں پر بھی فرض ہیں حکم میں مردو عورت میں کوئی فرق نہیں ہے۔

اسی طرح رمضان میں جو مخصوص اعمال ہیں ان کا حکم بھی مرد و عورت دونوں کوشامل ہے، آپ صلی اللہ علیہ وسلم رمضان کے اخیر عشرہ میں راتوں کو بیدار رہ کر عبادت کیاکرتے تھے تو آپ ازواج مطہرات کوبھی بیدار کیا کرتے تھے، رمضان میں مخصوص عبادت میں ایک تراویح کی نماز ہے جس کے بارے میں حدیث میں ہے کہ آپ صلی اللہ علیہ وسلم نے فرمایا ’’من قام رمضان إیمانا و إحتسابا غفر لہ ما تقدم من ذنبہ‘‘(۱) جس نے ایمان و ثواب کی امید پر رمضان میں تراویح کی نماز پڑھی اس کے اگلے گناہ معاف کردئے جائیں گے۔ تراویح کا یہ حکم جس طرح مردوں سے متعلق ہے اسی طرح عورتوں سے بھی متعلق ہے اسی لیے حضرات فقہاء نے لکھا ہے کہ تروایح کی نمازمردوعورت دونوں کے لیے سنت مؤکدہ ہے۔

’’التراویح سنۃ مؤکدۃ لمواظبۃ الخلفاء الراشدین للرجال والنساء إجماعا‘‘(۲)

لیکن عام طور پر تراویح کا جس قدر اہتمام مرد حضرات کرتے ہیں عورتوں میں اس قدر اہتمام نہیں دیکھا جاتاہے اورجو عورتیں تنہا گھروں میں فرض نمازوں کا اہتمام کرتی ہیں وہ بھی تراویح کا اس قدر اہتمام نہیں کرتی ہیں جب کہ خیر القرون میں حضرات خواتین بھی تراویح کا اہتمام کرتی تھیں، حضرت عائشہ ؓ اپنے غلام ذکوان کے پیچھے تراویح کی نماز پڑھتی تھیں۔

خواتین جس طرح دیگر نمازیں اپنے گھروں میں پڑھتی ہیں اسی طرح تروایح کی نماز بھی ان کے لیے گھروں میں پڑھنا افضل ہے، مرد حضرات مسجد میں تروایح کی نماز پڑھیں گے تو عورتیں تروایح اپنے گھروں میں تنہا تنہا پڑھ لیں گی،لیکن اگر مرد حضرات گھر میں کسی وجہ سے جماعت کرتے ہیں تو اس جماعت میں عورتیں شریک ہوسکتی ہیں، اور اس میں صفوں کی ترتیب وہی ہوگی جو عام نماز میں ہوتی ہے کہ امام کے بعد مردحضرات کی صفیں ہوں گی پھر بچوں کی صفیں ہوں گی اور اس کے بعد عورتوں کی صف ہوگی۔

بعض مرتبہ صرف میاں بیوی تراویح پڑھتے ہیں تو اس صورت میں امام آگے کھڑا ہوگا اوربیوی پیچھے کی صف میں کھڑی ہوگی، اگر میاں بیوی کے ساتھ بچے بھی ہوں تو اگر کئی لڑکے یا محرم مرد ہوں تو  وہ امام کے پیچھے کھڑے ہوں گے اور عورتیں اس کے پیچھے کھڑی ہوں گی، اگر ایک لڑکا ہے یا ایک مرد ہے تو وہ امام سے تھوڑا پیچھے کھڑا ہوگا اور عورتیں پیچھے کی صف میں کھڑی ہوں ہوگی۔

 اگرنماز پڑھانے والا غیر محرم ہے یا پڑھنے والوں میں محرم،غیر محرم سبھی قسم کے لوگ شامل ہیں تو اس صورت میں عورت پردے سے جماعت میں شریک ہوسکتی ہے۔ بعض مرتبہ گھروں میں گھر کا کوئی غیر محرم فرد تراویح پڑھاتا ہے جس سے عام حالات میں غفلت وجہالت کی بنا پر پردہ نہیں کیا جاتا ہے اگر ایسا شخص نماز پڑھائے جو کہ غیر محرم مثلا گھر میں دیور نماز پڑھائے تو بھی عورت کو پردہ میں تراویح کی نماز پڑھنی چاہیے۔

اگر تراویح پڑھانے والا غیر محرم ہو تو صرف غیر محرم عورتوں کا اس نمازمیں شریک ہونا مکروہ ہے ہاں اگر گھر کے محرم مرد بھی شامل ہوں یا پڑھانے والے کی کوئی محرم عورت ہومثلا پڑھانے والے امام کی ماں یا اس کی بہن بھی نماز پڑھ رہی ہے تو ایسی صورت میں غیر محرم عورتوں کا شریک ہونا درست ہے۔ فتاوی شامی میں ہے۔

’’تکرہ إمامۃ الرجل لہن في بیت لیس معہن رجل غیرہ و لامحرم منہ کأختہ أو زوجتہ أو أمتہ أما اذا کا ن معہن واحد ممن ذکر أو أمہن في المسجد لا یکرہ‘‘(۱)

اگرصرف محرم حضرات نماز پڑھ رہے ہو ں اور نماز میں کوئی غلطی ہوجائے اور عورت حافظہ ہو  مثلاً بھائی بہن دونوں حافظ ہیں اور بھائی نماز پڑھائے تو غلطی پر بہن لقمہ دے یا غیر محرم عورت لقمہ دے دے تو اس سے نماز فاسد نہیں ہوگی اس لیے کہ اصح قول کے مطابق عورت کی آواز کا پردہ نہیں ہے تاہم عورت کے لیے بہتر نہیں ہے کہ وہ لقمہ دے بلکہ امام کو چاہیے کہ مقدار فرض پڑھ چکا ہو تو لقمہ کا انتظار کئے بغیر رکوع میں چلاجائے۔

’’في شرح المنیۃ الأشبہ أن صوتہا لیس بعورۃ و إنما یؤدي إلی الفتنۃ کما علل بہ صاحب الہدایۃ و غیرہ في مسئلۃ التلبیۃ و لعلہن إنما منعن من رفع الصوت بالتسبیح في الصلاۃ لہذا المعنی و لایلزم من حرمۃ رفع صوتہا بحضرۃ  الأجانب أن یکون عورۃ‘‘(۱)

(۱) أخرجہ أبو داؤد، في سننہ، ’’کتاب الصلاۃ: باب تفریع أبواب شہر رمضان، باب في قیام شہر رمضان‘‘: ج ۱، ص: ۱۹۴، رقم: ۱۳۱۷۔(۲) ابن عابدین، ردالمحتار، ’’کتاب الصلاۃ: باب الوتر والنوافل، مبحث صلاۃ التراویح‘‘: ج ۲، ص: ۴۹۳۔

(۱) ابن نجیم، البحر الرائق، ’’کتاب الصلاۃ: باب شروط الصلاۃ‘‘: ج ۱، ص: ۴۷۱۔

فتاوى دار العلوم وقف ديوبند: ج 7، ص: 50

الجواب وباللہ التوفیق: حضور پاک صلی اللہ علیہ وسلم نے فرمایا: اللہ تعالیٰ نے تمہارے لیے رمضان کے روزے کو فرض کیا اور میں نے اس کی راتوں کے جاگنے یعنی تراویح کو مسنون کیا ہے۔(۱)

یحی بن سعید قطان ؒ سے مروی ہے کہ حضرت عمر نے ایک شخص کو حکم دیا کہ لوگوں کو مسجد نبوی میں بیس رکعت تراویح پڑھائیں۔(۲)

حضرت سائب بن یزید سے روایت ہے کہ حضرت عمر کے عہد خلافت میں صحابہ و تابعین رمضان میں بیس رکعت تراویح پڑھاکرتے تھے۔(۳)

ائمہ اربعہ میں امام احمدؒ، امام شافعیؒ اور امام ابوحنیفہؒ کے نزدیک تراویح بیس رکعت ہے،امام مالک کے نزدیک چھتیس رکعت ہے۔(۴)

آج تک حرمین شریفین میں اسی سنت پر عمل ہورہا ہے، خلفاء راشدین کے زمانہ سے آج تک کوئی دور ایسا نہیں گزرا جس میں تراویح بیس رکعت سے کم پڑھی گئی ہو۔معلوم ہو اکہ تراویح بیس رکعت ہی سنت ہے اس لیے تراویح بیس رکعت ہی پڑھنا چاہئے۔امام ابوحنیفہؒ کے نزدیک تراویح کی نمازسنت مؤکدہ ہے جس کا چھوڑنا جائز نہیں تراویح میںدو چیزیں علیحدہ علیحدہ سنت ہیں،پورے رمضان تراویح پڑھنا،یہ ایک الگ سنت ہے اور تراویح میں قرآن ختم کرنا یہ علیحدہ سنت ہے۔(۱) أخرجہ احمد، في مسندہ، حدیث عبدالرحمن بن عوف الزہری، ’’کتاب الصلاۃ‘‘: ج ۳، ص: ۱۹۸، رقم: ۱۶۶۔(۲) أخرجہ ابن أبي شیبہ، في مصنفہ، ’’کتاب الصلاۃ: باب کم یصلی في رمضان من رکعۃ‘‘: ج ۵، ص: ۲۲۳، رقم: ۷۷۶۴۔(۳) أخرجہ البیہقي، في سننہ، ’’کتاب الصلاۃ: باب ما روي في عدد رکعات القیام‘‘: ج ۲، ص: ۴۹۶، رقم: ۴۳۹۰۔(۴) والمختار عند أبي عبد اللّٰہ رحمہ اللّٰہ فیہا عشرون رکعۃً، وبہذا قال الثوري وأبو حنیفۃ، والشافعي، وقال مالک: ستۃ وثلاثون۔ (ابن قدامہ، المغني، ’’کتاب الصلاۃ: باب الساعات التي نہي عن الصلاۃ فیہا فصل‘‘: ج ۲، ص: ۳۶۶، دار الکتب العلمیۃ، بروت)وأما قدرہا فعشرون رکعۃ في عشر تسلیمات في خمس ترویحات کل تسلیمتین ترویحۃ وہذا قول عامۃ العلماء وقال مالک في قول ستۃ وعشرون رکعۃ والصحیح قول العامۃ لما روي أن عمر رضی اللّٰہ عنہ جمع أصحاب رسول اللّٰہ صلی اللّٰہ علیہ وسلم في شہر رمضان علی أبي بن کعب فصلی بہم في کل لیلۃ رکعۃ ولم ینکر علیہ أحد فیکون إجماعاً منہم علی ذلک۔ (الکاساني، بدائع الصنائع في ترتیب الشرائع، ’’کتاب الصلاۃ: باب صلاۃ التراویح‘‘: ج ۱، ص: ۶۴۴)

فتاوى دار العلوم وقف ديوبند: ج 7، ص: 49

الجواب وباللہ التوفیق: تراویح کی نماز سنت مؤکدہ ہے؛ اس لیے نیت سنت مؤکدہ کی یا نماز تراویح کی کرنی چاہیے اگر کسی نے نفل کی نیت سے تراویح کی نماز پڑھادی تو بھی نماز درست ہوجائے گی۔(۱)

’’منہا نیۃ التراویح أونیۃ قیام رمضان أو نیۃ سنۃ الوقت ولو نوی الصلاۃ مطلقا أو نوی التطوع، قال بعض المشائخ: لا یجوز لأنہا سنۃ و السنۃ لا تتأدی بنیۃ مطلق الصلاۃ أو نیۃ التطوع، و استدلوا بما روي الحسن عن أبي حنیفۃ أن رکعتي الفجر لا تتأدی إلا بنیۃ السنۃ، وقال عامۃ مشائخنا: إن التراویح و سائر السنن تتأدی بمطلق النیۃ و لأنہا و إن کا نت سنۃ لا تخرج عن کونہا نافلۃ و النوافل تتأدی بمطلق النیۃ إلا أن الاحتیاط أن ینوي التراویح أو سنۃ الوقت أو قیام رمضان احترازا عن موضع الخلاف‘‘(۲)

(۱) وکفی مطلق نیۃ الصلاۃ وإن لم یقل للّٰہ بفضل وسنۃ راتبۃ وتراویح علی المعتمد إذ تعیینہا بوقوعہا وقت الشروع والتعیین أحوط (الحصکفي، الدر المختار مع رد المحتار، ’’کتاب الصلاۃ: باب شروط الصلاۃ، مطلب في حضور القلب والخشوع‘‘: ج ۲، ص:۹۵)

(۲) الکاساني، بدائع الصنائع في ترتیب الشرائع، ’’کتاب الصلاۃ: باب صلاۃ التراویح‘‘: ج ۱، ص: ۶۴۵۔

فتاوى دار العلوم وقف ديوبند: ج 7، ص: 48

الجواب وباللہ التوفیق: بشرطِ صحت سوال زید کی امامت تراویح میں مکروہ ہے باشرع اور صحیح قرآن پڑھنے والے کو امام بنایا جائے جو نمازیں پڑھی گئیں وہ ادا ہوگئیں۔(۲)

(۲) کرہ إمامۃ الفاسق … فتجب إہانتہ شرعاً فلایعظم بتقدیمہ للإمامۃ، تبع فیہ الزیلعي ومفادہ کون الکراہۃ في الفاسق تحریمیۃ۔ (أحمد بن إسماعیل، الطحطاوي، حاشیۃ الطحطاوي علی المراقي، ’’ کتاب الصلاۃ: باب الإمامۃ، فصل في في بیان الأحق بالإمامۃ‘‘: ص: ۳۰۳)صلی خلف فاسق أو مبتدع نال فضل الجماعۃ، قولہ: نال فضل الجماعۃ أفاد أن الصلاۃ خلفہما أولیٰ من الإنفراد لکن لا ینال کما ینال خلف تقي ورع۔ (الحصکفي، الدر المختار مع رد المحتار، ’’کتاب الصلاۃ: باب الإمامۃ، مطلب، البدعۃ خمسۃ أقسام‘‘: ج ۲، ص: ۳۰۱، سعید)ولا یجوز إمامۃ الألثغ الذي لا یقدر علی التکلم ببعض الحروف إلا لمثلہ۔ (جماعۃ من علماء الہند، الفتاویٰ الہندیۃ، ’’کتاب الصلاۃ: الباب الخامس في الإمامۃ، الفصل الثالث في بیان من یصلح إماماً لغیرہ‘‘: ج ۱، ص: ۱۴۴)

فتاوى دار العلوم وقف ديوبند: ج 7، ص: 47