الجواب وباللّٰہ التوفیق: فرض نماز دوبارہ نہیں پڑھی جاتی اگر تنہا فرض نماز پڑھ لی اور پھر جماعت شروع ہوئی تو اگر وہ نماز عشاء یا ظہر کی ہے تو نفل نماز کی نیت کرکے امام کے ساتھ جماعت میں شریک ہوجانا چاہئے۔ اور اگر فجر، عصر یا مغرب کی نماز ہے تو پھر جماعت میں شریک نہ ہو۔(۲)

(۲) وصح اقتداء متنفل بمفترض۔ (الحصکفي، الدرالمختار مع رد المحتار، ’’باب الإمامۃ‘‘: ج ۲، ص: ۳۳۸)
وإذا أتمہا یدخل مع القوم، والذي یصلي معہم نافلۃ، لأن الفرض لایتکرر في وقت واحد۔ (المرغیناني، ہدایہ، ’’باب ادراک الفریضۃ‘‘: ج ۱، ص: ۱۵۲)
 

فتاوی دارالعلوم وقف دیوبند ج6 ص425

Ref. No. 37 / 1083

الجواب وباللہ التوفیق                                                                                                                                                        

بسم اللہ الرحمن الرحیم: بشرط صحت سوال جبکہ اس جگہ جمعہ قائم کرنے کی شرائط مفقود ہیں تو وہاں جمعہ کی نماز بند کردینی چاہئے، اور اب ظہر کی نماز ہی پڑھنی چاہئے۔ جمعہ پڑھنے سے ظہر کا فرض ساقط نہیں ہوگا، بلکہ وہ بدستور باقی رہے گا۔ تاہم مذکورہ بستی کا کسی ماہر مفتی سے ،معائنہ کرادیا جائے اور وہ جو فتوی دیں اس کے مطابق  عمل کیا جائے۔  واللہ اعلم بالصواب

دارالافتاء

دارالعلوم وقف دیوبند

Ref. No. 39/1078

الجواب وباللہ التوفیق 

بسم اللہ الرحمن الرحیم:۔   موبائل کی گھنٹی سے دوسرے نمازیوں کو خلل ہوتا ہے اس لئے نماز سے پہلے ہی اس کا دھیان رکھنا چاہئے اور موبائل کو سائلنٹ پر رکھ دینا چاہئے۔ لیکن اگر بند کرنا بھول گیا اور نماز میں گھنٹی بجی تو  ایک ہاتھ سے بٹن دباکر بند کردینا چاہئے، اور اگر ایک ہاتھ کو جیب میں ڈالا اور نکال کربند کردیا تو بھی نماز ہوجائے گی مگر ایسا کرنا مکروہ  ہے، اور زیادہ دیر لگنے سے نماز کے فاسد ہونے کا بھی اندیشہ ہے۔ اس لئے ایسا کرنے سے بچنا چاہئے۔ اوراگر دونوں ہاتھ لگادیا یا  کوئی اور عمل کثیر کردیا تو نماز ٹوٹ جائے گی اور دوبارہ بڑھنی ہوگی۔   

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:فجر اور عصر کی نماز کے بعد چوںکہ نفل و سنت نماز نہیں ہے کمزور بیمار کام کاج والے مصلیوں کی رعایت کرکے قدرے طویل دعا کی گنجائش ہے اور ظہر، مغرب اور عشاء جن نمازوں کے بعد سنت ونوافل ہیں، ان میں مختصر دعاء مانگنی چاہئے۔
اور چونکہ نماز جمعہ کے بعد بھی سنتیں ہیں؛ لہٰذا اس وقت بھی مختصر دعاء کرنی چاہئے۔ فیض الباری شرع بخاری میںاسی طرح منقول ہے۔(۱)

(۱) فإن کان بعدہا أي بعد المکتوبۃ تطوع یقوم إلی التطوع بلا فصل إلا مقدار ما یقول: ’’اللہم أنت السلام الخ‘‘۔ (غنیۃ الملتمس: ص: ۳۴۱)
کل صلوٰۃ بعدہا سنۃ یکرہ القعود بعد ہا والدعاء الخ۔ (حسن بن عمار، مراقي الفلاح علی الطحطاوي، ’’فصل في الأذکار الواردۃ بعد الفرض‘‘: ص: ۳۱۱)

فتاوی دارالعلوم وقف دیوبند ج2ص357

الجواب وباللّٰہ التوفیق: مذکورہ امام جس نے زنا کا ارتکاب کیا ہے اور مسجد کے لوٹے اور جائے نماز اپنے گھر لے گئے بلاشبہ فاسق ہے اور فاسق کو امام بنانا مکروہ تحریمی ہے۔در مختار میں ہے ’’ویکرہ إمامۃ عبد وفاسق وقال في رد المحتار قال في الشرح علیہ علی أن کراہۃ تقدیمہ کراہۃ تحریم‘‘ (۱) بس اس کے پیچھے نماز کراہت تحریمی کے ساتھ ادا ہوئی ہے۔ ضروری ہے کہ اس کو امام نہ بنایا جائے اور اگر وہ امام ہے تو اس کو الگ کر دیا جائے اور ایسے بد کردار مدرس سے بچوں کو تعلیم نہ دلوائی جائے۔(۲)

(۱) ابن عابدین، رد المحتار مع الدرالمختار، ’’کتاب الصلوۃ، باب الإمامۃ: البدعۃ خمسۃ أقسام‘‘: ج ۲، ص: ۲۹۹۔
(۲) لا تجوز إمامۃ الفاسق بلا تأویل کالزاني وشارب الخمر۔ (العیني، البنایۃ شرح الہدایۃ، ’’کتاب الصلوۃ، باب الإمامۃ‘‘: ج ۲، ص: ۳۳۳، نعیمیہ دیوبند)
 

فتاوی دارالعلوم وقف دیوبند ج5 ص140

الجواب وباللّٰہ التوفیق: افطار کی وجہ سے مغرب کی نماز میں پانچ؍ سات منٹ کی تاخیر میں کوئی حرج نہیں ہے، گھر پر روزہ افطار کرنے والے اگر نہ پہونچ پائیں، تو دس منٹ تک تاخیر ہو سکتی ہے، ان کو بھی چاہیے کہ جلد آنے کی کوشش کریں یا مسجد ہی میں افطار کریں، تاکہ حاضرین کو انتظار کی محنت نہ کرنی پڑے۔(۱)

(۱) (و) اخر (المغرب إلی اشتباک النجوم) أي کثرتہا (وکرہ) أي التأخیر لا الفعل لأنہ مأمور بہ (تحریماً) إلا بعذر کسفر وکونہ علی أکل … وعبارتہ إلا من عذر کسفر ومرض وحضور مائدۃ أو غیم۔ (ابن عابدین،  رد المحتار، ’’کتاب الصلوٰۃ: مطلب في طلوع الشمس من مغربہا‘‘: ج ۲، ص: ۲۷)
وأما المغرب فالمستحب فیہا التعجیل في الشتاء والصیف جمیعاً وتأخیرہا إلی اشتباک النجوم مکروہ۔ (الکاساني، بدائع الصنائع في ترتیب الشرائع، ’’کتاب الصلاۃ: فصل في شرائط الأرکارن،  الأوقات المستحبۃ‘‘: ج ۱، ص: ۳۲۵، زکریا دیوبند)
 

فتاویٰ دارالعلوم وقف دیوبند ج5 ص346

الجواب وباللّٰہ التوفیق:بچہ کی ولادت کے فوراً بعد جلد از جلد اس کے کان میں اذان کہنی چاہئے، دیر کرنا مناسب نہیں، اوراگر فوراً اذان نہیں کہی اور بچہ کا انتقال ہوگیا تو اب اذان کی ضرورت نہ رہی، اور بچہ کے انتقال کے بعد اس کے کان میں اذان دینے کا کوئی فائدہ نہیں، اس لیے اذان نہ دی جائے؛ البتہ اگر ولادت کے وقت زندہ تھا تو اس کا نام رکھا جائے گا اور جنازہ کی نماز پڑھی جائے گی۔
’’وعن أبي رافع رضي اللّٰہ عنہ قال: رأیت رسول اللّٰہ صلی اللّٰہ علیہ وسلم أذن في أذن الحسن بن علي رضي اللّٰہ عنہما حین ولدتہ فاطمۃ بالصلاۃ، رواہ الترمذي، وأبو داود، وقال الترمذي، ہذا حدیث حسن صحیح‘‘(۱)
’’بالصلاۃ، (أي بأذانہا وہو متعلق بأذن، والمعنی أذن بمثل أذان الصلاۃ وہذا یدل علی سنیۃ الأذان في أذن المولود وفي شرح السنۃ: روي أن عمر بن عبد العزیز رضي اللّٰہ عنہ کان یؤذن في الیمنی ویقیم في الیسری إذا ولد الصبي، قلت: قد جاء في مسند أبي یعلی الموصلي، عن الحسین رضي اللّٰہ عنہ مرفوعاً: من ولد لہ ولد فأذن في أذنہ الیمنی وأقام في أذنہ الیسری لم تضرہ أم الصبیان، کذا في الجامع الصغیر للسیوطي رحمہ اللّٰہ، قال النووي في الروضۃ: ویستحب أن یقول في أذنہ: {وإني أعیذہا بک وذریتہا من الشیطان الرجیم} (آل عمران: ۳۶)، قال الطیبي: ولعل مناسبۃ الآیۃ بالأذان أن الأذان أیضاً یطرد الشیطان؛ لقولہ صلی اللّٰہ علیہ وسلم: إذا نودی للصلاۃ أدبر الشیطان لہ ضراط حتی لا یسمع التأذین، وذکر الأذان والتسمیۃ في باب العقیقۃ وارد علی سبیل الاستطراد، اہـ، والأظہر أن حکمۃ الأذان في الأذن أنہ یطرق سمعہ أول وہلۃ ذکر اللّٰہ تعالٰی علی وجہ الدعاء إلی الإیمان والصلاۃ التي ہي أم الأرکان (رواہ الترمذي، وأبو داود، وقال الترمذي: ہذا حدیث حسن صحیح):ومن ولد فمات یغسل ویصلي علیہ إن استہل وإلا یستہل غسل وسمی وأدرج في خرقۃ ودفن ولم یصل علیہ‘‘(۲)
’’من استہل بعد الولادۃ سمي، وغسل وصلی علیہ‘‘(۱)

(۱)  ملا علي قاري، مرقاۃ المفاتیح شرح مشکاۃ المصابیح، ’’کتاب الصید والذبائح، باب العقیقۃ، الفصل الثاني‘‘:  ج ۸، ص: ۸۱، رقم: ۴۱۵۷۔
(۲)  ابن عابدین، رد المحتار، ’’کتاب الصلاۃ، باب صلاۃ الجنازۃ، مطلب مہم: إذا قال: إن شتم فلانا في المسجد یتوقف علی کون الشاتم فیہ‘‘: ج ۳، ص: ۱۲۹، ۱۳۰، ۱۳۱۔
(۱) جماعۃ من علماء الہند، الفتاویٰ الہندیۃ، کتاب الصلاۃ،’’الباب الحادي والعشرون في صلاۃ الجنازۃ، الفصل الثاني في الغسل‘‘: ج۱، ص: ۲۱۹)
 

فتاوی دارالعلوم وقف دیوبند ج4 ص244

الجواب وباللّٰہ التوفیق: نماز میں تکبیر تحریمہ فرض ہے اگر تکبیر تحریمہ نہ کہے تو نماز نہیں رہتی باقی دیگر تکبیرات مسنون ہیں جن کا چھوڑنا خلاف سنت ہے؛ البتہ اگر کوئی تکبیر چھوٹ گئی تو نماز فاسد نہیں ہوتی۔(۱)

(۱) ویکبر مع الانحطاط، کذا في الہدایۃ، قال الطحطاوي۔ وہو الصحیح کذا في معراج الدرایۃ فیکون ابتداء تکبیرہ عند أول الخرور والفراغ عند الاستواء للرکوع کذا في المحیط۔ (جماعۃ من علماء الہند، الفتاویٰ الہندیۃ، ’’کتاب الصلاۃ: الباب الرابع في صفۃ الصلاۃ، الفصل الثالث: في سنن الصلاۃ وآدابہا وکیفیتہما‘‘: ج۱، ص: ۱۳۱)
(ویکرہ) أن یأتي بالأذکار المشروعۃ في الانتقالات بعد تمام الانتقال … بأن یکبر للرکوع بعد الانتہاء إلی حد الرکوع ویقول سمع اللّٰہ لمن حمدہ بعد تمام القیام۔ (إبراہیم الحلبي، الحلبي الکبیري: ص: ۳۵۷)
 

فتاوی دارالعلوم وقف دیوبند ج4 ص385

الجواب وباللّٰہ التوفیق: نوافل میں اختیار ہے خواہ کبھی کبھی ترک بھی کردے یا ہمیشہ نوافل سمجھ کر پڑھتا رہے۔ نوافل ترک کرنے کی عادت بنا لینا ناپسندیدہ ہے۔(۱)

(۱) ویجوز تأخیر الفوائت وإن وجبت علی الفور لعذر السعی علی العیال، و في ردالمحتار تحت (قولہ وفي الحوائج) وأما النفل فقال في المضمرات الاشتغال بقضاء الفوائت أولی واہم من النوافل إلا سنن المفروضۃ وصلاۃ الضحی وصلاۃ التسبیح والصلاۃ التي رویت فیہا الاخبار۔ اہـ۔ ط أي کتحیۃ المسجد والأربع قبل العصر والست بعد المغرب اھـ۔ (ابن عابدین، رد المحتار، ج۲، ص۷۴)
ترکہ لا یوجب إسائۃ ولا عتابا کترک سنۃ الزوائد، لکن فعلہ أفضل۔ (ابن عابدین، رد المحتار: ج ۱، ص: ۴۷۷)
 

فتاوی دارالعلوم وقف دیوبند ج6 ص426

الجواب وباللّٰہ التوفیق:دعاء کے آداب میں سے ہے کہ دونوں ہاتھ سینہ تک اٹھاکر دعا کرے اور دونوں کے درمیان فاصلہ ہو، ملاکر رکھنا خلاف اولیٰ ہے۔(۱)

(۱) الأفضل فيالدعاء أن یبسط کفیہ ویکون بینہما فرجۃ۔ (جماعۃ من علماء الہند، الفتاویٰ الہندیۃ، ’’کتاب الکراہیۃ: الباب الرابع، فی الصلاۃ، والتسبیح، وقراء ۃ القرآن‘‘: ج ۵، ص: ۳۶۷)
من آداب الدعاء بعد الصلوٰۃ رفع الیدین بحذاء صدرہ۔ (وزارۃ الأوقاف، الموسوعۃ الفقہیۃ، ’’رفع الیدین في الدعاء خارج الصلاۃ‘‘: ج ۴۵، ص: ۴۶۶)

فتاوی دارالعلوم وقف دیوبند ج2ص358