Ref.  No.  3299/46-9060

الجواب

بسم اللہ الرحمن الرحیم:۔  نماز کی قراء ت میں ایک حرف کو دوسرے حرف سے بدلنا   فساد کا موجب ہوسکتاہے۔  اور سوال میں مذکور اغلاط کی بناء پر نماز فاسد ہونی چاہئے کیونکہ اس مثل قرآن میں نہیں ہے اور نہ ہی اس کا کوئی معنی ہے۔  مگر متاخرین فقہاء نے اس میں عجمیوں کے لئے وسعت  دے رکھی ہے۔ اس لئے مذکورہ صورتوں میں نماز فاسد تو نہیں ہوگی البتہ ایسی غلطی کی صورت میں اعادہ کرلینا بہتر ہے۔

فإن لم یکن مثلہ فی القرآن والمعنی بعید متغیر تغیرا فاحشا یفسد أیضا کہذا الغبار مکان ہذا الغراب.وکذا إذا لم یکن مثلہ فی القرآن ولا معنی لہ کالسرائل باللام مکان السرائر.(الدر المختار وحاشیة ابن عابدین 1/ 631)

 واللہ اعلم بالصواب

دارالافتاء

دارالعلوم وقف دیوبند

Ref. No. 2971/45-4700

الجواب

بسم اللہ الرحمن الرحیم:۔ صف بنانے کا طریقہ یہ ہے کہ صف  درمیان  سے بنائی جائے یعنی امام کے پیچھے ایک آدمی کھڑا ہو اور پھر اس کے دائیں پھر بائیں لوگ صف بناتے جائیں۔ ہر صف امام کے پیچھے سے شروع ہو، اس لئے کہ حدیث میں ہے کہ امام کو درمیان میں رکھو اور اس کی شکل یہی ہے کہ درمیان سے ہی صف شروع ہو۔ امام کے کہنے کا شاید یہ مطلب ہو کہ اگلی صفوں میں جگہ باقی رہتے ہوئے دوسری و تیسری صفیں نہ بناؤ۔ اگر اگلی صف میں جگہ خالی ہوتو پیچھے صف بنانا مکروہ ہے۔

عن أنس قال: قال رسول اللہ صلی اللہ علیہ وسلم: أتموا الصف المقدم ثم الذي یلیہ فما کان من نقص فلیکن فی الصف الآخر رواہ بو داود(مشکوة شریف ص ۹۸، مطبوعہ: مکتبہ اشرفیہ دیوبند)

والحاصل أنہ یستحب توسط الإمام(انجاح الحاجہ حاشیہ سنن ابن ماجہ ص ۷۱)

وخیر صفوف الرجال أولھا“:لأنہ روي فی الأخبار ”أن اللہ تعالی إذا أنزل الرحمة علی الجماعة ینزلھا أولاً علی الإمام ، ثم تتجاوز عنہ إلی من بحذائہ فی الصف الأول،ثم إلی المیامن، ثم إلی المیاسر، ثم إلی الصف الثاني“، وتمامہ فی البحر (شامی ۲:۳۱۰)

واللہ اعلم بالصواب

دارالافتاء

دارالعلوم وقف دیوبند

Ref. No. 2953/45-4676

الجواب

بسم اللہ الرحمن الرحیم:۔  کھلے میدان یعنی عیدگاہ میں عیدکی نماز ادا کرنا افضل ہے، البتہ جس علاقے میں کوئی میدان یا عیدگاہ نہ ہو تو اس صورت میں مسجد میں نماز عید ادا کرنا بھی درست ہے۔ فتاوی محمودیہ میں ہے :"عید کی نماز عید گاہ میں جاکر پڑھنا سنت ہے ،اگر کوئی عذر ہو تو مسجد میں بھی درست ہے ".(باب العیدین ،ج:8،ص:414،ادارۃ الفاروق)

فتاوی ہندیہ میں ہے :

"الخروج إلى الجبانة في صلاة العيد سنة وإن كان يسعهم المسجد الجامع، على هذا عامة المشايخ وهو الصحيح، هكذا في المضمرات". (الھندیۃ، کتاب الصلاۃ،الباب السابع عشر فی صلاۃ العیدین،ج:1،ص:150،دارالفکر)

 "ولو صلی العید في الجامع ولم یتوجه إلی المصلی، فقد ترک السنة". (البحر، کتاب الصلاۃ،باب العیدین ج:2،ص:171،دارالکتاب الاسلامی)

"وفي الخلاصة والخانية السنة أن يخرج الإمام ‌إلى ‌الجبانة، ويستخلف غيره ليصلي في المصر بالضعفاء بناء على أن صلاة العيدين في موضعين جائزة بالاتفاق، وإن لم يستخلف فله ذلك. اهـ" (شامی، کتاب الصلاۃ،باب العیدین ،ج:2،ص:169،سعید)"عن أبي إسحاق، «أن عليا أمر رجلا يصلي ‌بضعفة الناس في المسجد ركعتين۔ (المصنف لابن ابی شیبۃ، کتاب صلاۃ العیدین ،ج:2،ص:5،دارالتاج)

واللہ اعلم بالصواب

دارالافتاء

دارالعلوم وقف دیوبند

Ref. No. 2925/45-4520

بسم اللہ الرحمن الرحیم:۔ گھر میں عشاء کے قرض اور تراویح کی جماعت جائز ہے، البتہ فرض نماز مسجد میں ادا کرنا افضل ہے۔

قال رسول اللہ صلی اللہ علیہ وسلم صلوۃ المرء في بیتہ أفضل من صلوتہ في مسجدی ہذا الا المکتوبۃ‘‘ (المعجم الأوسط: ج ٣، ص: ١٥٩، رقم: ٤١٧٨) وان صلی أحد فی البیت بالجماعۃ لم ینالوا افضل جماعۃ المسجد‘‘ (در مختار مع رد المحتار: ج ٢، ص: ٢٨٨، زکریا دیوبند)

(٢) گراؤنڈ فلورکی حیثیت اگرتہخانہ کی ہے تو پہلی منزل میں ادا کی گئیں نمازیں درست ہیں، اور اگر نیچے کا حصہ بھی شرعی مسجد ہے تو نیچے کی منزل چھوڑ کر اوپر جماعت کا نظم مناسب نہیں، تاہم ادا کی گئیں نمازیں درست ہیں اعادہ کی ضرورت نہیں۔

واللہ اعلم بالصواب

دارالافتاء

دارالعلوم وقف دیوبند

Ref. No. 2928/45-4518 بسم اللہ الرحمن الرحیم:۔ حضرات فقہاء کرام نے عام حالات میں آدھی آستین والا کرتہ یا شرٹ پہن کر نماز ادا کرنے کو مکروہ قرار دیا ہے، حضور صلی اللہ علیہ وسلم نے آستین چڑھانے سے منع فرمایا ہے۔ تاہم اگر کسی وقت آدھی آستین کی شرٹ پہنے ہونے کی حالت میں نماز کا وقت ہو جائے تو نماز ترک کرنا جائز نہیں، اس حالت میں نماز ادا کرلی جائے۔ عن ابن عباس رضي الله عنه عن النبي صلي الله عليه وسلم قال أمرت أن أسجد علي سبعة أعظم ولا أكف ثوبا ولا شعرا‘‘ (بخاري، رقم: 816) وتشير كميه عنهما لنهي عنه لما فيه من الجفاء المنافي للخشوع‘‘ (مراقي الفلاح،’’فصل في المكروهات‘‘: ج 1، 128) واللہ اعلم بالصواب دارالافتاء دارالعلوم وقف دیوبند

Ref. No. 2934/45-4515 بسم اللہ الرحمن الرحیم:۔ بہتر یہ ہے کہ لوگ اپنی اپنی جائے نماز عید گاہ لیکر جائیں، لیکن اگر مسجد کی چٹائی عیدگاہ میں استعمال کرنے کی ضرورت ہو تو اس میں بھی کوئی حرج نہیں۔ واللہ اعلم بالصواب دارالافتاء دارالعلوم وقف دیوبند

Ref. No. 2870/45-4584 بسم اللہ الرحمن الرحیم:۔ قراءت میں ایسی تبدیلی جس میں عربی زبان میں غیرعربی زبان کا لفظ شامل کردیاجائے پھر اگر اس کی نماز ہی میں تصحیح بھی کردی جائے تب بھی نماز فاسد ہوجاتی ہے، اس لئے صورت مسئولہ میں نماز فاسد ہوگئی، اور اعادہ لازم ہے۔ واللہ اعلم بالصواب دارالافتاء دارالعلوم وقف دیوبند

Ref. No. 2877/45-4563 بسم اللہ الرحمن الرحیم:۔ تراویح کی نماز سنت ہے ، اور عشاء کی نماز فرض ہے، امام کے پیچھے اقتداء کے لئے ضروری ہے کہ امام کی نماز مقتدی کی نماز سے اعلی ہو، اعلی کے پیچھے ادنی کی نماز ہوجاتی ہے لیکن ادنی کے پیچھے اعلی کی نماز درست نہیں ہے۔ ظاہر ہے کہ سنت اور فرض میں سے فرض اعلی ہے اور سنت ادنی ہے، اس لئے سنت پڑھنے والے کے پیچھے فرض پڑھنے والے کی نماز نہیں ہوگی۔ لہذا اگر کبھی آپ کی عشاء کی جماعت فوت ہوجائے تو پہلے انفرادی طور پر عشاء کی نماز پڑھ لیں پھر امام کے ساتھ تراویح میں شامل ہوجائیں۔ اور تراویح کی جو رکعتیں رہ جائیں ان کو وتر سے پہلے یا وتر کے بعد بھی پڑھ سکتے ہیں۔ اگر وتر شروع ہوجائے تو بہتر ہے کہ امام کے ساتھ وتر پڑھ لے پھر تراویح کی باقی رکعتیں پڑھے۔ "ولا مفترض بمتنفل وبمفترض فرض آخر؛ لأن اتحاد الصلاتین شرط عندنا، وصح أن معاذاً کان یصلي مع النبي صلی اللہ علیہ وسلم نفلاً وبقومہ فرضاً .... الخ " (الدر المختار: باب الإمامة، 324/2- 325، ط: زکریا) الدر المختار: (باب الوتر و النوافل، 43/2، ط: سعید) ووقتہا بعد صلاۃ العشاء إلی الفجر قبل الوتر وبعدہ في الأصح، فلو فاتہ بعضہا وقام الإمام إلی الوتر أوتر معہ، ثم صلی ما فاتہ۔ (بدائع الصنائع: فصل فی مقدار التراویح، 288/1، ط: سعید) واللہ اعلم بالصواب دارالافتاء دارالعلوم وقف دیوبند

Ref. No. 2859/45-4502 الجواب بسم اللہ الرحمن الرحیم:۔ امام خاموشی سے قراءت کررہاہے ، اب اگر مائک میں تھوڑی سی آواز آجائے تو اس پر جہری قراءت کا حکم نہیں لگے گا۔اور ایسی صورت میں اما م پر سجدہ سہو لازم نہیں ہوگا۔ واللہ اعلم بالصواب دارالافتاء دارالعلوم وقف دیوبند

Ref. No. 2852/45-4494 الجواب بسم اللہ الرحمن الرحیم:۔ ساہیوال سے آپ کی منزل مقصود نورپورتھل کی مسافت دیکھی جائے گی، اور یہ مسافت یقینا مسافت سفر ہے، اس لئے آپ قصر کریں گے۔ منزل مقصود کے لئے جو راستہ آپ نے اختیار کیا ہے اس کے اعتبار سے سفر کی مسافت پوری ہوجاتی ہے اس لئے آپ مسافر ہوں گے اور نماز قصر کریں گے۔ "ولو لموضع طريقان: أحدهما مدة السفر والآخر أقل قصر في الأول لا الثاني. (قوله: قصر في الأول) أي ولو كان اختار السلوك فيه بلا غرض صحيح، خلافاً للشافعي، كما في البدائع". (لدر المختار وحاشية ابن عابدين (رد المحتار) (2/ 123) "وتعتبر المدة من أي طريق أخذ فيه، كذا في البحر الرائق. فإذا قصد بلدةً وإلى مقصده طريقان: أحدهما مسيرة ثلاثة أيام ولياليها، والآخر دونها، فسلك الطريق الأبعد كان مسافراً عندنا، هكذا في فتاوى قاضي خان. وإن سلك الأقصر يتم، كذا في البحر الرائق". (الفتاوى الهندية (1/ 138) "وقال أبو حنيفة: إذا خرج إلى مصر في ثلاثة أيام وأمكنه أن يصل إليه من طريق آخر في يوم واحد قصر" (بدائع الصنائع في ترتيب الشرائع (1/ 94) واللہ اعلم بالصواب دارالافتاء دارالعلوم وقف دیوبند