Ref. No. 1397/42-814

الجواب وباللہ التوفیق

بسم اللہ الرحمن الرحیم:۔ سیاست امیر معاویہ رضی اللہ عنہ زندہ باد سے آپ کی مراد کیا ہے؟ اس کی وضاحت کریں، ہمارے اکابر اور مشائخ کا موقف حضرت امیر معاویہ رضی اللہ عنہ کے بارے میں یہ ہے کہ حضرت امیر معاویہ رضی اللہ عنہ صحابہ کرام رضی اللہ عنہم اجمعین کی مقدس جماعت میں شامل ہیں اور آپ رضی اللہ عنہ نبی کریم صلی اللہ علیہ کے معتمد صحابہ میں سے تھے آپ کا شمار کاتبین وحی میں ہوتا ہے اور نبی کریم صلی اللہ علیہ وسلم نے آپ کے لئے ہدایت کی دعاء فرمائی ہے، حضرت امیر معاویہ رضی اللہ عنہ اہل سنت والجماعت کی نظر میں مؤمن اور قابل احترام ہیں ان کی شان میں کسی بھی قسم کی گستاخی ہرگز جائز نہیں ہے۔۔

واللہ اعلم بالصواب

دارالافتاء

دارالعلوم وقف دیوبند

Ref. No. 40/000

الجواب وباللہ التوفیق 

بسم اللہ الرحمن الرحیم:۔ ان کو سمجھایا جائے کہ آپ کے دھرم میں ایسی کوئی پابندی نہیں ہے جبکہ ہمارے اسلام  میں ان چیزوں پر پابندی ہے۔ اور ایسا کرنے سے ہم کو منع کیاگیا ہے۔ باقی ہم آپ کی خوشی وغم میں برابر شریک ہیں۔  تعزیت وغیرہ میں شریک ہوناچاہئے۔  اور انسانیت کے تمام تقاضوں کو پورا کرنا چاہئے۔  واللہ اعلم بالصواب

دارالافتاء

دارالعلوم وقف دیوبند

Ref. No. 962

الجواب وباللہ التوفیق                                                                                                                                                        

بسم اللہ الرحمن الرحیم: ایک دینی جلسہ کے لئے اس طرح بغرض چندہ غیر شرعی طریقہ اختیار کرنا قابل مذمت  اور واجب الترک ہے، جولوگ  بخوشی دیں ان سے ہی وصول کیا جائے ، بلاوجہ کسی پر اس کا بار نہ ڈالا جائے اور کسی سے بھی زبردستی نہ کی جائے، راستہ پرگاڑیوں کو روکنا اور زبردستی چندہ لینا کسی کے لئے بھی مناسب  نہیں ہے؛ اس میں معاشرتی قوانین کی بھی خلاف ورزی  ہے۔ واللہ اعلم بالصواب

دارالافتاء

دارالعلوم وقف دیوبند

Ref. No. 1398/42-816

الجواب وباللہ التوفیق

بسم اللہ الرحمن الرحیم:۔ شیطان اور جنات کا اس طرح کسی دوسرے کی شکل اختیار کرناممکن ہے۔اس لئے شیاطین وجنات وغیرہ کے شرور سے حفاظت  کے لئے  سونے سے قبل معوذتین (سورۃ الفلق وسورۃ الناس) صبح وشام آیۃ الکرسی اوردیگرمسنون اذکار کا اہتمام کرناچاہئے۔

عن عائشة، قالت: حدث رسول الله صلى الله عليه وسلم نساءه ذات ليلة حديثا، فقالت امرأة منهن: يا رسول الله، كان الحديث حديث خرافة؟ فقال: " أتدرين ما خرافة؟ إن خرافة كان رجلا من عذرة، أسرته الجن في الجاهلية، فمكث فيهن دهرا طويلا، ثم ردوه إلى الإنس، فكان يحدث الناس بما رأى فيهم من الأعاجيب، فقال الناس: حديث خرافة "  (مسند أحمد مخرجا 42/ 141)

وقصة من استهوته الجن: أي جرته إلى المهاوي وهي المهالك ما روى عبد الرحمن بن أبي ليلى قال: أنا لقيت المفقود فحدثني حديثه قال: أكلت خزيرا في أهلي فخرجت فأخذني نفر من الجن فمكثت فيهم، ثم بدا لهم في عتقي فأعتقوني ثم أتوا بي قريبا من المدينة فقالوا: أتعرف الخليل؟ فقلت: نعم، فخلوا عني، فجئت فإذا عمر بن الخطاب قد أبان امرأتي بعد أربع سنين وحاضت وانقضت عدتها وتزوجت، فخيرني عمر - رضي الله عنه - بين أن يردها علي وبين المهر. قال مالك: وهذا مما لا يدرك بالقياس فيحمل على المسموع من رسول الله - صلى الله عليه وسلم – (العنایۃ، کتاب المفقود 6/145)

فإن واحدا من إخوتي وهو أكبر سنا مني قتل حية كبيرة بسيف في دارنا فضر به الجن حتى جعلوه زمنا لا تتحرك رجلاه قريبا من الشهر ثم عالجناه وداويناه بإرضاء الجن حتى تركوه فزال ما به وهذا مما عاينته بعيني (حاشیۃ الطحطاوی فیما لایکرہ للمصلی 1/369)

واللہ اعلم بالصواب

دارالافتاء

دارالعلوم وقف دیوبند

Ref. No. 1890/43-1762

بسم اللہ الرحمن الرحیم:۔  صرف محمد نام رکھنا بھی درست ہے، شرعا محبوب ہے، البتہ سرکاری کاغذات میں صرف محمد سے اندراج نہیں ہوتاہے،  بلکہ اس کے ساتھ کسی اور نام کا اضافہ ضروری ہوتاہے، اس لئے آپ محمد احمد نام بھی رکھ سکتے ہیں۔ ایک نام کے ایک خاندان میں کئی بچے ہوں تو کوئی حرج نہیں ہے، ہر ایک اپنے والد سے  منسوب ہوکر پہچانا جاتاہے۔

واللہ اعلم بالصواب

دارالافتاء

دارالعلوم وقف دیوبند

Ref. No. 38 / 1053

الجواب وباللہ التوفیق                                                                                                

بسم اللہ الرحمن الرحیم: حدیث کی معتبر کتابوں میں یہ حدیث ہمیں نہیں ملی۔  واللہ اعلم بالصواب

دارالافتاء

دارالعلوم وقف دیوبند

Ref. No. 2155/44-2230

بسم اللہ الرحمن الرحیم:۔ خواب دیکھنے والی خاتون کو چاہئے کہ اپنے اعمال کی اصلاح کریں(1)۔ نیکی والے اعمال کرنے کے ساتھ ساتھ استغفار کی کثرت کریں۔ برائیوں کو چھوڑدیں ، اور "رب اِنی لما انزلتَ اِلیّ من خیر فقیر" رات سوتے وقت 41 مرتبہ پڑھ لیا کریں۔ اس سے مناسب و موزوں ترین رشتہ آئے گاان شاء اللّٰہ۔

(1) { ٱلۡخَبِیثَـٰتُ لِلۡخَبِیثِینَ وَٱلۡخَبِیثُونَ لِلۡخَبِیثَـٰتِۖ وَٱلطَّیِّبَـٰتُ لِلطَّیِّبِینَ وَٱلطَّیِّبُونَ لِلطَّیِّبَـٰتِۚ أُو۟لَـٰۤىِٕكَ مُبَرَّءُونَ مِمَّا یَقُولُونَۖ لَهُم مَّغۡفِرَة وَرِزۡق كَرِیم } [Surah An-Nûr: 26]

واللہ اعلم بالصواب

دارالافتاء

دارالعلوم وقف دیوبند

Ref. No. 2570/45-3938

بسم اللہ الرحمن الرحیم:۔   آیت سجدہ کی  تلاوت کرنے یا سننے سے سجدہٴ تلاوت واجب ہوتا ہے، صرف ترجمہ یا تفسیر پڑھنے سے اور سننے سے سجدہٴ تلاوت واجب نہیں ہوتا ہے۔ لہذا جتنی آیات سجدہ پڑھی ہیں اتنے سجدے ہی واجب ہوں گے، ان آیات کا ترجمہ و تفسیر سے مزید کوئی سجدہ واجب نہ ہوگا۔  

واللہ اعلم بالصواب

دارالافتاء

دارالعلوم وقف دیوبند

Ref. No. 2569/45-3936

بسم اللہ الرحمن الرحیم:۔  جو کاروبار شریعت میں ناجائز ہے، اس میں گو کہ بظاہر ہزار فائدے نظر آئیں مگر حقیقت میں ان میں خیر نہیں ہوتی، ایک مسلمان جیسے مسلمان کا خیر خواہ ہوتا ہے غیر مسلم کا بھی اس کو خیر خواہ ہونا چاہئے، اس لئے کسی غیر مسلم کو بھی ناجائز کام کی رہنمائی کرنا اور اس پر اجرت لینا جائز نہیں ہے، اگر غیر مسلم کی اعانت کی اور اس نے اس حرام کاروبار دلانے پر اجرت دی تو اس کا لینا جائز نہیں ہے۔

واللہ اعلم بالصواب

دارالافتاء

دارالعلوم وقف دیوبند

Ref. No. 1403/42-815

الجواب وباللہ التوفیق

بسم اللہ الرحمن الرحیم:۔جس کی جانب اشارہ کیا اگر وہ پہچان کا آدمی ہے تو ممکن ہے کہ وہ کسی معاملے میں ماخوذ ہو ، اور اس پربے بنیاد الزامات عائد ہوں، مگروہ شخص جلدہی ان تمام الزامات سے بری ہوجائےگا۔ نیز خواب دیکھنے والا ممکن کہ کسی معاملے میں بطور گواہ مطلوب ہو۔ اور وہ گواہی دے تو اس کی گواہی قابل قبول ہوگی۔ ان شاء اللہ

واللہ اعلم بالصواب

دارالافتاء

دارالعلوم وقف دیوبند