Frequently Asked Questions
Fiqh
Ref. No. 3316/46-9184
الجواب
بسم اللہ الرحمن الرحیم:۔ صورت مسئولہ میں بشرط صحت سوال سود سے بچنے کے جو دو حیلے اختیار کیے گئے ہیں (1) قسطوں کے ذریعہ خرید و فروخت (2) کرنسی کی قسط وار خرید و فروخت دونوں شکلیں اپنی شرائط کے ساتھ درست ہیں مثلاََ قسطوں کی خرید و فروخت میں قسط کی رقم متعین ہو، مدت متعین ہو، معاملہ کرتے وقت یہ متعین ہو کہ نقد کا معاملہ کیا جارہا ہے یا ادھارکا وغیرہ، اسی طرح کرنسی کی قسط میں دو باتوں کا لحاظ ہونا چاہئے: (۱) مجلس عقد میں بدلے میں دی جانے والی کرنسی کی مقدار طے ہوجائے، تاکہ آئندہ نزاع کا اندیشہ نہ رہے۔ (۲) ایک کرنسی پر مجلس عقد میں پوری طرح قبضہ پایا جائے؛ تاکہ اُدھار در اُدھار بیع کی حرمت متحقق نہ ہو. ان شرائط و قیود کے ساتھ یہ دونوں شکلیں شرعا درست ہوں گی۔
و يجوز البيع بثمن حال و مؤجل إذا كان الأجل معلوما ... واذا عدم الوصفان الجنس و المعنى المضموم إليه حل التفاضل و النساء .. الخ. (الهداية للمرغينانى، كتاب البيوع، ج ٣، ص: ٧٩/٢١، ط: فيصل ديوبند) يجوز أن يتفق العاقدان على أن الثمن يدفع بأقساط بشرط أن يكون قدر كل قسط و موعد تسليمه معلوما فإن كان فيه جهالة مفضية إلى النزاع فسد العقد ... الخ (فقه البيوع، ج ٢، ص: ١١٢٢، ط: دار القلم دمشق) تعتبر عملات الدولتين جنسين مختلفين، فتجوز مبادلة عملة دولة بعملة دولة أخرى بالزيادة والنقصان إذا رضى به الجانبان .. الخ. (نوازل فقهية معاصرة، ج ١، ص: ٤٤٨، ط: مكتبة الأيمان سهارنفور(
واللہ اعلم بالصواب
دارالافتاء
دارالعلوم وقف دیوبندطہارت / وضو و غسل
Ref. No. 3317/46-9182
الجواب
بسم اللہ الرحمن الرحیم:۔ محض شک کی بنائ پر کوئی عمل نہ کریں۔ جب تک یقین نہ ہو شک کے مطابق عمل کرنے سے انسان وہم اور وسوسہ کے مرض میں مبتلا ہوجائیں گی۔ اس لئے آپ کی فجر کی نماز بھی درست ہے اور روزہ بھی صحیح ہے۔خیال رہے کہ روزہ کے صحیح ہونے کے لئے پاکی شرط نہیں ہے ۔ اورتری کے تعلق سے مذی، ودی، پسینہ یا پیشاب ہونے کے بھی احتمالات ہیں ، ان تمام صورتوں میں غسل کی ضرورت نہیں ہوتی ہے۔ اس لئے آپ کو جس وقت تری کے منی ہونے کا یقین یا غالب گمان ہو اسی صورت میں غسل کریں ورنہ وضو کرکے نماز پڑھ لیا کریں۔
"وإن رأى بللاً إلا أنه لم يتذكر الاحتلام، فإن تيقن أنه (مذي) لا يجب الغسل؛ لأن سبب خروج المني ههنا لم يوجد، فلا يمكن أن يقال بأنه مني ثم رق لطول المدة، بل هو مذي حقيقة، والمذي لا يوجب الغسل وإن شك أنه مني أو مذي، قال أبو يوسف رحمه الله: لا يوجب الغسل حتى يتيقن بالاحتلام، وقالا يجب الغسل، هكذا ذكر شيخ الإسلام رحمه الله." المحيط البرهاني في الفقه النعماني (1 / 85)
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3315/46-9177
الجواب
بسم اللہ الرحمن الرحیم:۔ جب تک اس ایپ کی تمام مشمولات کو پڑھ کر مستند کتابوں سے اس کو چیک نہ کرلیا جائے ، اور تحقیق نہ کرلی جائے اس کے بارے میں کچھ نہیں کہاجاسکتاہے۔ اور ظاہر ہے کہ ہر ایک بات کو چیک کرکے اس کی توثیق یا تردید بہت وقت طلب امر ہے۔ ہم نے اب تک اس کی تحقیق نہیں کی ہے، اس لئے اس ایپ کے بارے میں ہم کچھ نہیں کہہ سکتے ہیں۔ آپ اگر اس کو استعمال کرتے ہیں تو مکمل اسی پر اعتماد نہ کریں بلکہ اس کومروجہ مستند کتابوں سے چیک کرکے ہی عمل کریں۔
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3315/46-9177
الجواب
بسم اللہ الرحمن الرحیم:۔ جب تک اس ایپ کی تمام مشمولات کو پڑھ کر مستند کتابوں سے اس کو چیک نہ کرلیا جائے ، اور تحقیق نہ کرلی جائے اس کے بارے میں کچھ نہیں کہاجاسکتاہے۔ اور ظاہر ہے کہ ہر ایک بات کو چیک کرکے اس کی توثیق یا تردید بہت وقت طلب امر ہے۔ ہم نے اب تک اس کی تحقیق نہیں کی ہے، اس لئے اس ایپ کے بارے میں ہم کچھ نہیں کہہ سکتے ہیں۔ آپ اگر اس کو استعمال کرتے ہیں تو مکمل اسی پر اعتماد نہ کریں بلکہ اس کومروجہ مستند کتابوں سے چیک کرکے ہی عمل کریں۔
واللہ اعلم بالصواب
دارالافتاء
دارالعلوم وقف دیوبند
Fiqh
Ref. No. 3344/46-9178
الجواب
بسم اللہ الرحمن الرحیم:۔ ایسی بات بولنے سے احتراز کرنا چاہئے، البتہ اس مذکورہ صورت میں کفر نہیں ہوا اور نکاح باقی ہے، اس میں فرض نماز کا انکار یا استہزا نہیں ہے۔
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3314/46-9175
الجواب
بسم اللہ الرحمن الرحیم:۔ مباح امور میں والد کی فرمانبرداری کرنی چاہئے۔ آپ اپنے والد کی خدمت کے لئے ان کے ساتھ رہنا چاہتے ہیں مگر والد اپنا یہ حق ساقط کرکے آپ کو جماعت میں بھیجنا چاہتے ہیں تو آپ کا جماعت میں جانا جائز ہے۔ تو مشورہ یہی ہے کہ ایسی صورت حال میں آپ جماعت میں چلے جائیں۔ والد صاحب سے ادب کے ساتھ بات کریں ان کو سمجھانے کے انداز میں بات کریں۔ اور ان کے مشورہ پر عمل کریں۔
واللہ اعلم بالصواب
دارالافتاء
دارالعلوم وقف دیوبند
احکام میت / وراثت و وصیت
Ref. No. 3313/46-9176
الجواب
بسم اللہ الرحمن الرحیم:۔ آپ کی امی کو آپ کے نانا کی وراثت سے جو کچھ حصہ ملا نیز جو کچھ امی کی ملکیت میں ان کے مرنے کے وقت تھا، اگرآپ کے علاوہ کوئی اور وارث نہیں ہے تو آپ چاروں میں للذکر مثل حظ الانثیین کے حساب سے تقسیم ہوگا۔ لہذا والدہ کے کل ترکہ کو پانچ حصوں میں تقسیم کریں گے جن میں محمد بلال کو دوحصے اور ہر ایک بہن کو ایک ایک حصہ ملے گا۔
واللہ اعلم بالصواب
دارالافتاء
دارالعلوم وقف دیوبند
Marriage (Nikah)
Ref. No. 3312/46-9109
الجواب
بسم اللہ الرحمن الرحیم:۔ اگر والدین حق پر ہوں تو والدین کی اطاعت واجب ہے لیکن والدین حق پر نہ ہوں بلکہ کسی ظلم و ناانصافی کا حکم دیں تو والدین کی اطاعت واجب نہیں ، اور والدین کی بات ماننے پر کوئی گناہ نہیں ، حضرات فقہا نے لکھا ہے کہ اگر ماں باپ بلاوجہ بیوی کی طلاق کا مطالبہ کریں تو بیوی کو طلاق دینا جائز نہیں ہے۔ آپ میں جو دوسری شادی کی استطاعت نہیں ہے اور نہ ہی آپ دونوں بیویوں میں برابری اور عدل کرپائیں گے تو دوسری شادی نہ کرنے میں ماں باپ کی نافرمانی لازم نہیں آتی اور اس پر کوئی گناہ بھی نہیں ہے۔
اما باعتبار اصل الجواز فلایلزمہ طلاق زوجۃ امراتہ بفراقھا (مرقاۃ المفاتیح 1/132)
واللہ اعلم بالصواب
دارالافتاء
دارالعلوم وقف دیوبند
احکام میت / وراثت و وصیت
Ref. No. 3310/46-9108
الجواب
بسم اللہ الرحمن الرحیم:۔ خودکشی کرنے والے کی نماز جنازہ پڑھی جائے گی۔ یقینا اس نے گناہ کبیرہ کا ارتکاب کیا ہے اور حرام موت کو اختیار کیا مگر وہ پھر بھی مسلمان ہے ، اس لئے اس کی نماز جنازہ پڑھی جائے گی اور مسلمانوں کی قبرستان میں اس کو دفن کیاجائے گا۔ اور جس حدیث کا آپ نے حوالہ دیا ہے وہ درست ہے کہ آپ ﷺ منے نماز جنازہ اس کی نہیں پڑھی تھی مگر اس میں یہ تذکرہ نہیں ملتا کہ آپ نے نماز جنازہ پڑھنے سے بھی منع فرمایا ہو، اس لئے یہی کہاجائے گا کہ آپ ﷺ نے بطور تنبیہ و توبیخ اس کی نماز نہیں پڑھی ، اسی لئے مقتدر اور بااثر لوگوں کا ایسے جنازہ میں شریک نہ ہونا بہتر ہوگا تاکہ دوسروں کو تنبیہ ہو اور عبرت حاصل ہو۔
"(مَنْ قَتَلَ نَفْسَهُ) وَلَوْ (عَمْدًا يُغَسَّلُ وَيُصَلَّى عَلَيْهِ) بِهِ يُفْتَى، وَإِنْ كَانَ أَعْظَمَ وِزْرًا مِنْ قَاتِلِ غَيْرِهِ. وَرَجَّحَ الْكَمَالُ قَوْلَ الثَّانِي بِمَا فِي مُسْلِمٍ: «أَنَّهُ عَلَيْهِ الصَّلَاةُ وَالسَّلَامُ أُتِيَ بِرَجُلٍ قَتَلَ نَفْسَهُ فَلَمْ يُصَلِّ عَلَيْهِ»".
"(قَوْلُهُ: بِهِ يُفْتَى)؛ لِأَنَّهُ فَاسِقٌ غَيْرُ سَاعٍ فِي الْأَرْضِ بِالْفَسَادِ، وَإِنْ كَانَ بَاغِيًا عَلَى نَفْسِهِ كَسَائِرِ فُسَّاقِ الْمُسْلِمِينَ، زَيْلَعِيٌّ. (قَوْلُهُ: وَرَجَّحَ الْكَمَالُ قَوْلَ الثَّانِي إلَخْ) أَيْ قَوْلَ أَبِي يُوسُفَ: إنَّهُ يُغَسَّلُ، وَلَايُصَلَّى عَلَيْهِ، إسْمَاعِيلُ عَنْ خِزَانَةِ الْفَتَاوَى. وَفِي الْقُهُسْتَانِيِّ وَالْكِفَايَةِ وَغَيْرِهِمَا عَنْ الْإِمَامِ السَّعْدِيِّ: الْأَصَحُّ عِنْدِي أَنَّهُ لَايُصَلَّى عَلَيْهِ لِأَنَّهُ لَا تَوْبَةَ لَهُ. قَالَ فِي الْبَحْرِ: فَقَدْاخْتَلَفَ التَّصْحِيحُ، لَكِنْ تَأَيَّدَ الثَّانِي بِالْحَدِيثِ. اهـ. أَقُولُ: قَدْ يُقَالُ: لَا دَلَالَةَ فِي الْحَدِيثِ عَلَى ذَلِكَ؛ لِأَنَّهُ لَيْسَ فِيهِ سِوَى «أَنَّهُ عَلَيْهِ الصَّلَاةُ وَالسَّلَامُ لَمْ يُصَلِّ عَلَيْهِ»، فَالظَّاهِرُ أَنَّهُ امْتَنَعَ زَجْرًا لِغَيْرِهِ عَنْ مِثْلِ هَذَا الْفِعْلِ كَمَا امْتَنَعَ عَنْ الصَّلَاةِ عَلَى الْمَدْيُونِ، وَلَايَلْزَمُ مِنْ ذَلِكَ عَدَمُ صَلَاةِ أَحَدٍ عَلَيْهِ مِنْ الصَّحَابَةِ؛ إذْ لَا مُسَاوَاةَ بَيْنَ صَلَاتِهِ وَصَلَاةِ غَيْرِهِ. قَالَ تَعَالَى: {إِنَّ صَلاتَكَ سَكَنٌ لَهُمْ} [التوبة: ١٠٣] ثُمَّ رَأَيْت فِي شَرْحِ الْمُنْيَةِ بَحْثًا كَذَلِكَ" . [الدر مع الرد : ٢/ ٢١١-٢١٢]
واللہ اعلم بالصواب
دارالافتاء
دارالعلوم وقف دیوبند
نماز / جمعہ و عیدین
Ref. No. 3309/46-9075
الجواب
بسم اللہ الرحمن الرحیم:۔ آپ کے سوال سے معلوم ہوتا ہے کہ والد صاحب کو نماز و روزوں کی سمجھ ہے؛ وہ احکام شریعت کو سمجھتے ہیں۔ البتہ احکام شریعت پر عمل کرنے میں ان سے بکثرت کوتاہی ہوتی ہے۔ نمازوں کے اوقات اور فرائض کی ادائیگی خود سے کرنے پر پورے طور سے قادر نہیں ہیں ۔ البتہ گھر والوں کے تعاون سے وہ ادا کرلیتے ہیں تو اایسی صورت میں نمازیں اور روزے ان پر فرض ہوں گے۔ اب یا تو ان کے سامنے کوئی نماز اداکرے کہ دیکھادیکھی وہ بھی ادا کرلیں یا کوئی ان کونماز کے ارکان بتاتا رہے اور وہ اداکرتے رہیں یا پھر کوئی ان کو باجماعت نماز پڑھادیاکرے۔ روزوں کی ادائیگی میں اگر خلل ہو تو فدیہ بھی دیا جا سکتا ہے۔
مصل اقعد عند نفسه انسانا فيخبره اذا سھا عن ركوع او سجود یجزیہ اذالم یمکنہ الا بهذا (الھندیۃ 1/138)
وفي القنية مريض لا يمكنه الصلاة الا با صوات مثل اوه و نحوه يجب عليه ان يصلی۔ )البحر الرائق 5/24)
واللہ اعلم بالصواب
دارالافتاء
دارالعلوم وقف دیوبند