Frequently Asked Questions
Taharah (Purity) Ablution &Bath
Ref. No. 3922/47-10127
In the name of Allah, the most Gracious the most Merciful
The answer to your question is as follows:
If you are legally excused under Islamic law (Really Mazur), it is not valid for you to lead the prayer as an Imam. The prayers, that you led while drops of urine were coming out, are not valid for the followers, and you cannot perform the prayer on their behalf. Prayer is a physical act of worship, and representation (delegation) is not valid in physical acts of worship.
Therefore, it is necessary for you to make an announcement. There is no need to go into details in the announcement; it is sufficient to say that the prayer of a certain day and a certain time was not valid, and that people should perform its make-up (qada). There is no need to be afraid in this matter—honesty demands this. There is no expiation (kaffarah) for making up missed or invalid prayers; they must simply be repeated.
And Allah knows best
Darul Ifta
Darul Uloom Waqf Deoband
Taqleed and Four Fiqhi Schools
Ref. No. 3921/47-10125
الجواب
بسم اللہ الرحمن الرحیم:۔ محلہ کی مسجد کا امام جنازہ کی نماز پڑھانے میں ولی پر مقدم نہیں ہے، اور ولی کی اجازت کے بغیراس کو جنازہ پڑھانے کا حق نہیں ہے، تاہم وہ نماز درست ہوجائے گی، اور ولی نے اگر نماز نہ پڑھی ہو تو ولی کو دوبارہ جنازہ کی نماز پڑھنے کا حق حاصل ہے۔
ثم امام الحیی المراد بہ امام مسجد محلتہ لکن بشرط ان یکون افضل من الولی والا فالولی اولی منہ کما فی النھر (حاشیۃ الطحطاوی 588)
واللہ اعلم بالصواب
دارالافتاء
دارالعلوم وقف دیوبند
Prayer / Friday & Eidain prayers
Ref. No. 3919/47-10111
الجواب
بسم اللہ الرحمن الرحیم:۔ حنفیہ کے نزدیک صحیح اور معتمد مذہب یہ ہے کہ نمازِ جمعہ میں تعجیل مستحب ہے۔ ابراد (یعنی سخت گرمی میں نماز کو ٹھنڈک تک مؤخر کرنا) جو کہ نمازِ ظہر میں مستحب ہے، جمعہ میں مشروع نہیں؛ بلکہ جمعہ کو اوّل وقت میں ادا کرنا افضل ہے۔احادیثِ صحیحہ سے بھی یہی ثابت ہے ، اور صحابۂ کرامؓ کا بھی اسی پر عمل رہاہے۔لہٰذا زوالِ آفتاب کے فوراً بعد متصل نمازِ جمعہ پڑھنا افضل اور اولیٰ ہے، اور بلا عذر تاخیر کرنا خلافِ اولیٰ ہے۔
قال فی رد المحتار: لکن جزم فی الأشباہ أنہ لا یسن لہا الابراد ․․․․․ثم قال وقال الجمہور لیس بمشروع لأنہا تقام بجمع عظیم فتأخیرہ مفض إلی الحرج (شامی : ۲/۲۵ ط زکریا دیوبند)
واللہ اعلم بالصواب
دارالافتاء
دارالعلوم وقف دیوبند
فقہ
Ref. No. 3918/47-10110
الجواب
بسم اللہ الرحمن الرحیم:۔ اگر بینک کی اس گراہک سیوا کیندر میں بھی وہی کام انجام دئے جائیں جو بینک میں انجام دیئے جاتے ہیں تو سودی لین دین اور سودی معاملات کی کتابت اور دستاویز بنانے جیسے امور کی بنائ پر اس کیندر کا قائم کرنا اور آمدنی کا ذریعہ بنانا بھی بینک ہی کی طرح نا جائز ہوگا۔ البتہ اگر اس کیندر میں مباح نوعیت کے کام بھی انجام دیے جاتے ہوں تو گنجائش ہوگی۔
واللہ اعلم بالصواب
دارالافتاء
دارالعلوم وقف دیوبند
ربوٰ وسود/انشورنس
Ref. No. 3917/47-10109
الجواب
بسم اللہ الرحمن الرحیم:۔ اگر الیکشن کے موقع پر دیا جانے والا پیسہ ووٹ خریدنے، اثر و رسوخ ڈالنے، یا ناجائز فائدہ حاصل کرنے کے لیے ہو تو ایسا پیسہ رشوت کے حکم میں آتا ہے، اور اس کا لینا دینا دونوں ناجائز اور حرام ہیں۔ اگر امام مسجد نے الیکشن کے دوران دیا جانے والا پیسہ رشوت یا ووٹ کے بدلے لیا ہے تو اس کے لیے یہ عمل شرعاً ناجائز اور گناہ ہے، اور امام جیسے دینی منصب پر فائز شخص کے لیے یہ عمل زیادہ سنگین ہے۔البتہ اگر امام نے کوئی جائز قانونی خدمت انجام دی ہو اور اسی کی اجرت لی ہو، تو اس کی گنجائش ہو سکتی ہے۔
اگر امام نے واقعی ناجائز (رشوت والا) پیسہ لیا ہے تو وہ گناہگار ہوگا، مگر اس کے پیچھے پڑھی گئی نماز ادا ہو جائے گی؛ کیونکہ نماز کے صحیح ہونے کا تعلق امام کے فاسق ہونے یا نہ ہونے سے نہیں بلکہ نماز کی شرائط و ارکان کی ادائیگی سے ہے۔البتہ ایسی صورت میں بہتر اور اولیٰ یہ ہے کہ متقی اور دیانت دار امام کے پیچھے نماز ادا کی جائے، اور اس امام کو نرمی اور حکمت کے ساتھ نصیحت کی جائے۔اگراپنے اس عمل پر توبہ کرلیں تو ان کی امامت میں کوئی کراہت بھی نہیں ہوگی۔
واللہ اعلم بالصواب
دارالافتاء
دارالعلوم وقف دیوبند
بدعات و منکرات
Ref. No. 3916/47-10108
الجواب
بسم اللہ الرحمن الرحیم:۔ صورتِ مسئولہ میں منعقد کیے جانے والے اجلاس کا مقصد بظاہر علماءِ کرام اور حفاظِ عظام کی عزت و تکریم، عوام میں ان کی قدر و منزلت پیدا کرنا اور دینی خدمات کا اعتراف ہے، جو فی نفسہٖ ایک محمود اور شرعاً مباح مقصد ہے؛ کیونکہ شریعتِ اسلامیہ نے اہلِ علم کے احترام و اکرام پر خاص زور دیا ہے۔اصولی طور پر:اعزاز دینا، تمغہ پیش کرنا، عباء یا شال وغیرہ پہنانا، یہ سب عرفی اور انتظامی امور میں سے ہیں، جن کا تعلق عبادات سے نہیں بلکہ معاشرتی نظم و ترغیب سے ہے۔ایسے امور میں اصل حکم اباحت کا ہوتا ہے، جب تک ان میں کوئی شرعی ممانعت نہ پائی جائے۔اس لیے محض عباء پہنانے کی وجہ سے اسے بدعت قرار نہیں دیا جا سکتا۔تفاخر، مبالغہ اور شخصیت پرستی سے اگر بچاجائے تو اس کو بدعت نہیں کہاجائے گا۔
واللہ اعلم بالصواب
دارالافتاء
دارالعلوم وقف دیوبند
نکاح و شادی
Ref. No. 3915/47-10107
الجواب
بسم اللہ الرحمن الرحیم:۔ نکاح سے پہلے لڑکی کو دیکھنا شرعاً جائز ہے، بشرطیکہ نیت نکاح کی ہو، اگر نکاح کا ارادہ نہ ہو تو دیکھنا جائز نہیں ہے۔اسی طرح اس سے تنہائی میں ملنا،باتیں کرنا، انٹرویو لینا سب ناجائزہیں۔ ۔اقرب الی السنۃ طریقہ یہ ہے کہ ایک یا دو دفعہ بقدرِ ضرورت، بلا خلوت، بلا غیر ضروری گفتگو کے دیکھے اور اگر اسطرح دیکھ لے کہ عورت کو بھی علم نہ ہو تو زیادہ بہتر ہے۔ چند لمحے یا اتنی دیر دیکھ لینا کافی ہے کہ چہرہ، قد، عمومی ساخت واضح ہو جائے، مستقل بیٹھک، دیر تک آمنے سامنے بیٹھنا ، باتیں کرنا،درست نہیں ہے۔
فلا تخضعن بالقول فيطمع الذي في قلبه مرض) الأحزاب: 32(
انظر إلیها فإنه أحرى أن يؤدم بينكما )ترمذی، نسائی( ۔
فإن استطعت أن تنظر منها إلى ما يدعوك إلى نكاحها فافعل (ابوداؤد)
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3911/47-10063
الجواب
بسم اللہ الرحمن الرحیم:۔سہل سہیل نام رکھنا شرعاً درست ہے، اس میں کوئی قباحت نہیں۔سہل (سَهْل):کے معنی ہیں آسان، نرم خو، بردبار، سہولت دینے والا، اور سہیل (سُهَيْل):کے معنی ہیں روشن ستارہ ، نیز نرم مزاج، خوش اخلاق کے معنی میں بھی آتا ہے۔ اس لحاظ سے “سہل سہیل” کا مجموعی مفہوم بنتا ہے:نرم طبیعت، آسانی پیدا کرنے والا، روشن اور خوش اخلاق شخصیت۔
اگر آپ اسی مفہوم یا اس سے ملتے جلتے اچھے نام چاہتے ہوں تو یہ نام بھی عمدہ ہیں:یاسر — (آسان، ہمراز، شریف) رفیق (نرم دل، ساتھی، مددگار) حلیم(بردبار، حلم والا) امین (امانت دار، قابلِ اعتماد) اسی طرح انس، معاذ، طلحہ،زید وغیرہ بھی نام اچھے ہیں ۔
واللہ اعلم بالصواب
دارالافتاء
دارالعلوم وقف دیوبند
آداب و اخلاق
Ref. No. 3913/47-10062
In the name of Allah, the most Gracious the most Merciful
The answer to your question is as follows:
Kite flying involves many harmful aspects. Even if a person observes prayer and other religious duties, there remains a strong likelihood of causing harm to others and exposing oneself to danger. It also results in the wastage of time, whereas time is a valuable blessing. For these reasons, flying kites is not permissible.
And Allah knows best
Darul Ifta
Darul Uloom Waqf Deoband
حدیث و سنت
Ref. No. 3912/47-0000
الجواب
بسم اللہ الرحمن الرحیم:۔ احادیث میں یہ صراحت نہیں ملتی کہ نبی کریم ﷺ خاص طور پر گرم دودھ پیتے تھے یا ٹھنڈا۔ عرب کے ماحول میں دودھ عموماً: تازہ دوہا ہوا (قدرے نیم گرم) پیاجاتاتھا یا قدرتی درجۂ حرارت پر جیساکہ آج بھی دیہاتوں میں لوگوں کا معمول ہے، لہٰذا کہا جا سکتا ہے کہ:نبی ﷺ نے دودھ نہ خاص گرم کرکے پیا اور نہ جدید معنوں میں ٹھنڈا کرکے؛ بلکہ جس حالت میں میسر ہوا اسی میں نوش فرمایا۔
احادیثِ صحیحہ سے ثابت ہے کہ نبی کریم ﷺ نے اونٹنی اور بکری کا دودھ پیا ہے لیکن گائے کے دودھ کے بارے میں کوئی صراحت نہیں ملتی ہے۔
واللہ اعلم بالصواب
دارالافتاء
دارالعلوم وقف دیوبند