Frequently Asked Questions
متفرقات
Ref. No. 3910/47-10112
الجواب
بسم اللہ الرحمن الرحیم:۔ تسبیحات کو الگ الگ سو بار پڑھنے میں بھی کوئی حرج نہیں ہے، اسی طرح صبح و شام دس دس بار درود شریف پڑھنا اور دن میں کسی بھی وقت سو بار استغفار پڑھنا بھی درست عمل ہے۔ اور حدیث میں بیان کردہ اجروثواب کے ملنے کی بھرپور توقع ہے۔ آپ اسی عمل کو برابر جاری رکھیں جو سہولت و آسانی کے ساتھ انجام پاسکے۔
واللہ اعلم بالصواب
دارالافتاء
دارالعلوم وقف دیوبند
Divorce & Separation
Ref. No. 3909/47-10105
الجواب
بسم اللہ الرحمن الرحیم:۔ صورت مذکورہ میں بہتر یہی ہے کہ نکاح کا اعلان کرکے صبر سے کام لیتے ہوئے والدین کو راضی کرنے کی کوشش کرے چاہے اس میں جتنا بھی وقت لگے، ہاں اگر نکاح غیرکفو میں ہے تو والدین کو قاضی کے یہاں جاکر اعتراض کا حق ہوگا، ایسا غیرکفو جس سے والدین کی عزت نفس مجروح ہوتی ہو ، لیکن بظاہر آپ کا نکاح اس زمرہ میں نہیں آتا، لہذا والدین کو راضی کرتے رہیں، شرعا آپ کا نکاح جائز ہے۔ شامی میں ہے: قولہ ولایۃ تدب ای یستحب للمراۃ تفویض امرھا الی ولیھا کی لا تنسب الی الوقاحۃ (3/55 کتاب النکاح،فانکحوا ماطاب لکم۔ النسا4)
عن ابی امامۃ ان رجلا قال یا رسول اللہ ﷺ ماحق الوالدین علی ولدھا قال ھما جنتک و نارک، (مشکوۃ شریف 421 باب البر والصلۃ)
واللہ اعلم بالصواب
دارالافتاء
دارالعلوم وقف دیوبند
اسلامی عقائد
Ref. No. 3908/47-10106
الجواب
بسم اللہ الرحمن الرحیم:۔ اکابر دیوبند کی عبارات کو سیاق و سباق سے کاٹ کر سوال میں ذکرکیاگیا اور ان پر فتوی لیاگیا جو یقینا کذب بیانی اور فریب دہی پر مبنی تھا، پھر علماء دیوبند نے دوبارہ صحیح عقائد کوپوری عبارت نقل کرکے دوبارہ فتوی طلب کیا تو ان علما ءحرمین نے اپنے سابقہ فتوی سے رجوع کرلیا، اور اپنی غلطی تسلیم کی اور علمائ دیوبند کے عقیدہ کو درست قراردیا۔ یہ پوری تفصیل آپ کو ’المہند علی المفند‘ میں مل جائے گی ان شاءاللہ۔ آپ خود بھی ان امور سے متعلق علما دیوبند کی کتب کا بغور مطالعہ کریں تو سیاق و سباق سے اس مسئلہ کو سمجھنا آسان ہوجائے گااور حقیقت واضح ہوجائے گی کہ یہ مخالفین نے صرف پروپیگنڈہ کیاتھا، حقیقت میں کوئی گستاخی ان عبارات میں نہیں ہے۔
واللہ اعلم بالصواب
دارالافتاء
دارالعلوم وقف دیوبند
نکاح و شادی
Ref. No. 3886/47-10041
الجواب
بسم اللہ الرحمن الرحیم:۔ اس عمل سے نکاح پر کوئی اثر نہیں پڑے گا، تاہم دونوں پر توبہ واستغفار لازم ہے۔ اور آئندہ ایسی غلط چیزوں سے اجتناب کرنا لازم ہے اور دونوں تنہائی میں ہونے سے لازمی احتیاط کریں۔
واللہ اعلم بالصواب
دارالافتاء
دارالعلوم وقف دیوبند
مساجد و مدارس
Ref. No. 3907/47-10064
الجواب
بسم اللہ الرحمن الرحیم:۔ امامت محض نماز پڑھانے کا فنی عمل نہیں، بلکہ یہ دینی قیادت، اخلاقی اعتماد اور دیانت کا منصب ہے۔ شریعت نے امام کے لیےعدالت، سچائی، فسق و فجور سے اجتناب کو بنیادی اوصاف میں ذکر کیے ہیں۔ جھوٹا الزام (تہمت)، کسی بے گناہ کو سنگین قانونی مقدمات میں پھنسانا، اور اس کے نتیجے میں جیل بھجوا دینا صریح ظلم، کبیرہ گناہ اور بہتان ہے۔لہٰذا جو شخص جان بوجھ کر جھوٹا الزام لگائے، پھر عدالت میں اس سے مکر جائے، وہ امانت و دیانت کے بنیادی معیار پر پورا نہیں اترتا۔ایسی صورت میں زید اخلاقی و شرعی اعتبار سے منصبِ امامت کا اہل نہیں رہتا۔سب سے پہلےزید کو تنہائی میں نصیحت کی جائے،اس سے واضح توبہ، جھوٹ کا اقرار، اور مظلوم سے معافی و تلافی کا مطالبہ کیا جائے، اگرزید اپنے جرم پر قائم رہے، یا محض وقتی مکر و فریب دکھائے، یا اس کی وجہ سے مسجد میں فتنہ، بداعتمادی اور کراہت پھیلے، تو مسجد انتظامیہ پر لازم ہے کہ اسے امامت سے معزول کرے، کسی متقی، دیانت دار اور بااعتماد شخص کو امام مقرر کرے۔ نیز مقتدیوں کو حق ہے کہ ایسی امامت پر اعتراض کریں، فاسق امام کے پیچھے نماز سے اجتناب کریں، اگر وقتی مجبوری میں نماز پڑھ لیں تو نماز درست ہوگی تاہم ثواب میں کمی ہوگی۔
واللہ اعلم بالصواب
دارالافتاء
دارالعلوم وقف دیوبند
عائلی مسائل
Ref. No. 3905/47-10101
الجواب
بسم اللہ الرحمن الرحیم:۔ یہ بات طے شدہ نہیں کہ شادی کے بعد زندگی میں آنے والی مشکلات لازماً بیوی کی وجہ سے ہوتی ہیں۔نہ ہی یہ شرعاً درست ہے کہ:رزق کی کمی، ذہنی دباؤ، امتحان میں ناکامی، کو کسی ایک انسان سے جوڑ دیا جائے، جب تک واضح دلیل نہ ہو۔ اللہ تعالیٰ فرماتے ہیں: ﴿وَنَبْلُوكُم بِالشَّرِّ وَالْخَيْرِ فِتْنَةً﴾ہم تمہیں خیر اور شر دونوں سے آزماتے ہیں۔ (الانبیاء: 35) زندگی کا نیچے جانا ہمیشہ آزمائش بھی ہو سکتا ہے، سزا نہیں۔
آپ کے الفاظ جسمانی سستی وغیرہ ڈپریشن اور ذہنی تناو کا نتیجہ ہیں۔ یہ سستی اورکمزوری یا ایمان کی کمی نہیں ہے بلکہ ایک قابلِ علاج کیفیت ہے۔
آپ ایک ڈاکٹر ہیں، مگر اس وقت خود مریض ہیں ،اور مریض کو علاج کی ضرورت ہوتی ہے، الزام کی نہیں۔اکثر عورتوں میں پہلی زچگی کے بعدوالدین کے گھر زیادہ قیام کے بعدیہ مسائل پیدا ہو جاتے ہیں: جو عورت کہتی ہے “میں نے غلط شادی کی”اکثر وہ اپنے اندر کے درد کو لفظوں میں نکال رہی ہوتی ہے، یہ آپ کی ذمہ داری ہے کہ بیوی کے ساتھ سکون سے بات کریں اور اس کو سمجھانے کی کوشش کریں۔ ایک دوسرے پر الزام تراشی سے معاملات مزید بگڑتے ہیں۔ نیز اپنے علاج کے لئے آپ کوفوری طور پر کسی ماہر نفسیاتی ڈاکٹر سے رابطہ کرنا ضروری ہے۔ بیوی سے محبت کا اظہار بھی ہواور احساس بھی، تاکہ اس کے دل میں آپ کی محبت قائم ہوسکے۔
واللہ اعلم بالصواب
دارالافتاء
دارالعلوم وقف دیوبند
Zakat / Charity / Aid
Ref. No. 3903/47-10100
الجواب
بسم اللہ الرحمن الرحیم:۔ :۔(۱) زکوٰۃ کی ادائیگی کے لیے شرط ہے کہ:زکوٰۃ کسی مستحق (فقیر / مسکین) کی ملکیت میں دی جائے، بغیر تملیک کرائے زکوۃ کی رقم سے براۃ راست عمارت بنانا،تنخواہیں دینا،بجلی، پانی، انتظامی اخراجات جائز نہیں ہیں۔ (۲) حیلہ تملیک میں اگرقرض دینے والا پہلے سے جانتا ہو کہ یہ رقم گھوم پھر کر مدرسے ہی کو واپس آنی ہے سارا عمل صرف کاغذی اور ظاہری ہو، مستحق کو حقیقی اختیار حاصل نہ ہو، توایسی صورت میں زکوٰۃ ادا نہیں ہوگی۔(۳) اگربالغ طلبہ یا نابالغ کے والدین تحریری طور پر مدرسہ کو اپنا وکیل بنا دیں کہ:“ہماری زکوٰۃ ہماری ضروریات میں خرچ کریں” توجائز اخراجات: کھانا، رہائش، تعلیم و کتب، ٹرانسپورٹ، اور جو بھی طالب علم کی ذاتی ضرورت میں شامل ہوں سب زکوٰۃ سے ادا کیے جا سکتے ہیں۔(۴) لیکن اساتذہ و عملہ کی تنخواہیں،بجلی، پانی، عمومی سہولیات، مدرسے کی تقریبات، مہمانوں کا کھانا، مقررین کو ہدیہ، ان کے سفر کے اخراجات، یہ سب زکوٰۃ سے ادا کرنا جائز نہیں۔(۵) اگر زکوٰۃ دینے والے کی نیت مخصوص مدرسہ میں دینے کی ہو،تو مہتمم اپنی مرضی سے دوسرے مصرف میں خرچ کرنے یا خود رکھ لینے سے خیانت کا مرتکب ہوگا اور زکوٰۃ کی عدمِ ادائیگی کا بھی گناہ ہوگا۔
(۶) اگرگاڑی خاص نیت سے دی گئی، پھر ذاتی یا غیر متعلقہ استعمال میں لائی گئی تویہ:شرطِ واقف / معطی کی خلاف ورزی، خیانت،اور گناہ ہے پٹرول خواہ ذاتی ہو یا مدرسے کا ہو، مدرسہ کی گاڑی ذاتی استعمال میں لانا ناجائز ہے۔(۷) وقف عمارت میں اگر نقصان ، استعمالِ معمول سے ہو، تو وقف سے مرمت جائز ہے، اگر نقصان استاد کی لاپرواہی سے ہو تو پھراس کا ضمان متعلقہ استاد پر ہوگا۔ (۸) تنخواہ معروف اور عرف کے مطابق ہو ،اسراف نہ ہو،ادارے کی مالی حالت ملحوظ ہو،مہتمم بقدرِ خدمت، علاقے کے عرف کے مطابق تنخواہ لے۔ اور اساتذہ کو اوقات، ذمہ داری ،رہائشی / غیر رہائشی فرق کے مطابق تنخواہوں میں تفاوت جائز ہے۔ رہائشی استاد کے لئے تنخواہ مع طعام کا تفاوت شرعاً درست ہے۔
واللہ اعلم بالصواب
دارالافتاء
دارالعلوم وقف دیوبند
طلاق و تفریق
Ref. No. 3902/47-10099
الجواب
بسم اللہ الرحمن الرحیم:۔ :۔ اسلام میں نکاح ایک پاکیزہ رشتے کا نام ہے،اسلام نے اس کی پائداری پر زور دیا ہے، اور اس کے لیے باہمی الفت ومحبت اور دونوں کو ایک دوسرے کے حقوق کی ادائیگی کی تلقین کی ہے لیکن اگر کسی وجہ سے میاں بیوی کے درمیان نااتفاقی ہونے لگے تو پہلے دونوں خاندان کے بزرگ کو صلح کرانے کی کوشش کرنی چاہیے؛ کیوںکہ اسلام میں طلاق ناپسندیدہ فعل ہے اور بلا ضرورت اسکا استعمال درست نہیں ہے۔ پھر بھی اگر نباہ کی کوئی صورت نہ بن سکے اور فتنہ وفساد کا اندیشہ ہو تو ایک طلاق صریح دے کر دونوں کو الگ ہو جانے کا حکم ہے۔ ایک طلاق کے بعد اگر دوبارہ ساتھ رہنا چاہیں تو عدت میں رجوع کے ذریعہ اور عدت کے بعد نکاح کے ذریعہ دونوں ساتھ رہ سکتے ہیں۔ ایک ساتھ تین طلاق دینا شرعاً گناہ ہے اور ملکی قانون کے مطابق قابل مواخذہ جرم ہے۔
بشرط صحت سوال صورت مسئولہ میں عورت پر طلاق مغلظہ واقع ہوگئی۔ طلاق کے لئے گواہ کی ضرورت نہیں ہوتی ہے۔ فقہِ حنفی، ائمۂ اربعہ اور جمہور امت کے نزدیک:اگر شوہر ایک ہی مجلس میں تین مرتبہ صریح لفظِ طلاق کہہ دے تو تینوں طلاقیں واقع ہو جاتی ہیں خواہ الفاظ تین ہوں یا اس سے زیادہ ، زیادہ کہنا تعداد کو نہیں بڑھاتا، بلکہ حدِّ شرعی (تین) پر ختم ہو جاتا ہے۔اب عورت پر عدت لازم ہے۔عورت عدت گزارنے کے بعد کسی دوسرے مرد سے نکاح کرنے میں آزاد ہے۔
﴿اَلطَّلَاقُ مَرَّتَانِ فَإِمْسَاكٌۢ بِمَعْرُوفٍ أَوْ تَسْرِيحٌۢ بِإِحْسَانٍ ۔ ۔ ۔ فَإِن طَلَّقَهَا فَلَا تَحِلُّ لَهُ مِنۢ بَعْدُ حَتّٰى تَنْكِحَ زَوْجًا غَيْرَهُ﴾ (سورۃ البقرۃ: 229–230)
- أنَّ رسولَ اللهِ أُخبِرَ عن رجلٍ طلَّق امرأتَه ثلاثَ تطليقاتٍ جميعًا فقام غضبانُ ثم قال: أَيُلعَبُ بكتابِ اللهِ و أنا بين أظهُرِكم؟ حتى قام رجلٌ فقال : يا رسولَ اللهِ ألا أَقتلُه ؟ (الراوي : محمود بن لبيد الأنصاري الرقم : 261التخريج : النسائي (3401)
واللہ اعلم بالصواب
دارالافتاء
دارالعلوم وقف دیوبند
کھیل کود اور تفریح
Ref. No. 3920/47-10069
الجواب
بسم اللہ الرحمن الرحیم:۔ اسلام میں اس طرح دن منانے کی شرعی حیثیت نہیں ہے، بلکہ یہ سب مغربی تہذیب کی نقالی کا نتیجہ ہے، اس سے بچنا چاہئے۔ حدیث پاک میں غیروں کی مشابہت سے منع کیاگیاہے۔ من تشبہ بقوم فھو منہ (الحدیث)۔ ولاترکنوا الی الذین ظلموا فتمسکم النار (سورہ ھود ۱۱۳)
واللہ اعلم بالصواب
دارالافتاء
دارالعلوم وقف دیوبند
Fiqh
Ref. No. 3901/47-10098
In the name of Allah, the Most Gracious the most Merciful
The answer to your question is as follows:
A person who is not formally educated in allopathic medicine, is not registered or licensed under this system of medicine, and is not properly acquainted with the correct use of medicines, their side effects, dosages, and possible complications, is not Islamically permitted to prescribe allopathic medicines, especially when there is no legal authorization to do so. Such practice may cause harm to human life.
If actual harm occurs, or there exists a strong likelihood of harm—which is commonly associated with allopathic medicines— this act is regarded in Shariah as haram and falls under the category of major sins. A strong possibility of harm to a patient is sufficient to establish its prohibition. Allopathic medicines involve serious risks when used without proper knowledge and expertise.
However, the income obtained in exchange for the medicines themselves is halal, and there is no objection to keeping or selling those medicines which are legally permitted.
And Allah knows best
Darul Ifta
Darul Uloom Waqf Deoband