احکام میت / وراثت و وصیت

Ref. No. 3800/47-9900

الجواب

الجواب وباللہ التوفیق: بشرط صحت سوال صورت مسئولہ میں کہ دادا ابو نے یہ رقم (22 لاکھ روپے) آپ کے والد صاحب کو ادھار کے طور پر دی تھی، اور والد صاحب نے بعد میں یہ رقم واپس نہیں کی، بلکہ کہا کہ میرے پاس پیسے نہیں ہیں،تو شرعاً وہ رقم دادا ابو کا قرض شمار ہوگی۔کیونکہ ضابطہ یہی ہے کہ جس نے کسی کو مال دیا بطورِ قرض، وہ مال دینے والے کی ملکیت میں باقی رہتا ہے، جب تک واپس نہ کیا جائے یا صاف طور پر معاف نہ کیا جائے۔ اس لئے دادا ابو جب تک اس قرض کو صاف لفظوں میں معاف نہ کریں، وہ رقم واجب الادا قرض رہے گی۔اگر دادا ابو نے صرف مجبوری یا ناراضگی میں کہا ہو کہ "میرے حصے سے کٹ جائیں"، تو یہ قرض کی معافی نہیں مانی جائے گی۔شریعت میں قرض، وراثت تقسیم ہونے سے پہلے ادا کیا جاتا ہے۔پھر یہ بھی یاد رکھئے کہ اگر دادا ابو کے انتقال سے قبل یہ رقم واپس نہ کی گئی اور انہوں نے معاف بھی نہ کی،تو یہ 22 لاکھ روپے ان کے ترکہ (وراثت) میں شمار ہوں گے۔اور والد صاحب پر لازم ہوگا کہ 22 لاکھ واپس کریں۔اس کے بعد  وہ ان کے تمام وارثوں (5 بیٹے اور 2 بیٹیاں) میں شرعی حصوں کے مطابق تقسیم کیا جائے گا۔یعنی:ہر بیٹے کو دو حصے،ہر بیٹی کو ایک حصہ ملے گا۔ اگر والد صاحب نے دادا ابو سے جھوٹ بولا کہ "میرے پاس پیسے نہیں ہیں" حالانکہ پیسے تھے تو  یہ عمل باعث گناہ ہے ، ایسے شخص پر لازم ہے کہ وہ سچی توبہ کرے اور قرض ادا کرے۔نبی ﷺ نے فرمایا:مطل الغنی ظلم “مالدار کا قرض ادا کرنے میں ٹال مٹول  کرنا ظلم ہے۔” (صحیح بخاری: 2400)

واللہ اعلم بالصواب

دارالافتاء

دارالعلوم وقف دیوبند

احکام میت / وراثت و وصیت

Ref. No. 3803/47-9898

الجواب

الجواب وباللہ التوفیق:  ۔    اگر بہو کو پلاٹ پر قبضہ نہیں ملا تھا  ، تو وہ پلاٹ دادا ہی کی ملکیت رہا، اور وراثت میں شامل ہوگا۔اگر بیٹے نے قسطیں بلا شرط دی تھیں  تو وہ واپسی کا حق نہیں رکھتا۔اگر قسطیں شرط کے ساتھ قرض کے طور پر دی تھیں  تو دادا پر واجب ہے کہ وہ رقم واپس کریں (اگر باحیات  ہوں)، یا ان کے ترکے سے ادا کی جائے۔پلاٹ کی شرعی تقسیم کے لیے قبضہ، نیتِ ہبہ، اور وراثت کی تفصیلات طے کر کے حساب لگانا ہوگا۔

واللہ اعلم بالصواب

دارالافتاء

دارالعلوم وقف دیوبند

Islamic Creed (Aqaaid)

Ref. No. 3812/47-1010

الجواب

الجواب وباللہ التوفیق:  ۔اگر وہ تحریر اسی شوہر کی لکھی ہوئی تھی، اور اس میں صاف الفاظ میں طلاق لکھی گئی تھی تو اسی وقت طلاق واقع ہو گئی، طلاق کے وقوع کے لئے شوہر کا طلاق لکھ دینا ہی کافی ہے۔پھربعد میں اس شخص نے کھلے عام سب کے سامنے  بھی کہا کہ “میں نے اپنی بیوی کو طلاق دے دی ہے” ۔ اگر شوہر نے تحریر  میں تین طلاقیں دی تھیں تو عورت حرمت مغلظہ کے ساتھ حرام ہوگئی۔ اور اگر ایک یا دو طلاقیں دی تھیں اور بعد میں طلاق کا اقرار کرتے ہوئے انہی ایک یا دو طلاقوں کی خبر دی تو اس سے مزید کوئی طلاق واقع نہیں ہوگی، اس لئے واضح کریں کہ تحریر میں کتنی طلاقیں درج تھیں۔ سب کے سامنے طلاق دینا یا طلاق کا اقرار کرلینا شہادت کے لئے کافی ہے لہذا اس کا انکار معتبر نہیں ہوگا۔ بلکہ انکار کے باوجود طلاق واقع ہوگی۔

واللہ اعلم بالصواب

دارالافتاء

دارالعلوم وقف دیوبند

Fiqh

Ref. No. 3811/47-1011

الجواب

الجواب وباللہ التوفیق:  ۔      اگر گھر کے باہر وہ جگہ عام راستہ ہے یا ایسی جگہ ہے جہاں سے لوگ گزرتے ہیں، یا جہاں دوسروں کو گندگی سے تکلیف ہوتی ہے، تو وہاں کچرا رکھنا درست نہیں  ہے۔لہٰذا اگر گھر کے باہر کی جگہ عوامی راستہ ہے یا وہاں سے لوگ گزرتے ہیں، تو وہاں کچرا رکھنا ناجائز اور تکلیف دہ عمل ہے، اور ایسا کرنے والا گناہگار ہوگا۔البتہ اگر وہ جگہ بالکل نجی ہے، اور اس سے کسی کو تکلیف یا نقصان نہیں پہنچتا، تو وہاں عارضی طور پر کچرا رکھنا جائز ہے، مگر صفائی اور بدبو سے بچاؤ کا اہتمام کرنا بہتر ہے۔لوگوں کو چاہئے کہ نگرپالیکا کی گاڑی کو ہی اپنا کچرا حوالہ کریں تاکہ صفائی کا اہتمام ہوسکے۔ ہرخالی جگہ کو کوڈادان بنادینا بالکل  غیراخلاقی عمل ہے۔

اتقوا اللعانین قالوا وما اللعانان یا رسول اللہ ، قال : الذی یتخلی فی طریق الناس او فی ظلھم (البخاری)

واللہ اعلم بالصواب

دارالافتاء

دارالعلوم وقف دیوبند

Fiqh

Ref. No. 3810/47-1012

الجواب

الجواب وباللہ التوفیق:  ۔     شریعت کی رو سے بالغ بھائی کے لیے اپنی بالغ بہنوں کو بیدار کرنے کی غرض سے چھونا  درست ہے۔اسی طرح نانی محرم ہیں، انہیں جگانے کے لیے بھی   ہاتھ لگانا جائز ہے، اس میں کوئی حرج نہیں۔تاہم بہترہوگا کہ آپ  چادر یا بستر کھینچ کر جگائیں ۔ گر آپ آہستہ آہستہ عام انداز میں آواز دیتے ہیں اور وہ نہیں اٹھتیں، تو آپ پر کوئی گناہ نہیں۔آپ کا فرض صرف یاد دہانی اور نرمی سے جگانا ہے، اس کے بعد اگر وہ نہ اٹھیں تو ترکِ نماز کا گناہ ان پر ہوگا، آپ پر نہیں۔اگر آپ نماز کے بعد مسجد میں کچھ دیر بیٹھتے ہیں، ذکر یا دعا کرتے ہیں، اور اس دوران گھر والوں کو جگانے نہیں جاتے، تو اس میں  بھی  آپ پر کوئی گناہ نہیں ہوگا۔البتہ اگر آپ کو یقین ہو کہ آپ کے اٹھانے سے وہ نماز کے وقت اٹھ جائیں گے اور آپ کے نہ جانے کی وجہ سے ان کی نماز قضا ہو جائے گی، تو اس صورت میں افضل یہ ہے کہ آپ فوراً جا کر ان کو جگائیں تاکہ ان کی نماز وقت پر ادا ہو سکے۔

واللہ اعلم بالصواب

دارالافتاء

دارالعلوم وقف دیوبند

متفرقات

Ref. No. 3809/47-1013

الجواب

الجواب وباللہ التوفیق:  ۔     (۱) اگر ٹرسٹ کا نظام صاف شفاف ہو، نیت اخلاص پر مبنی ہو، اور عطیہ دینے والے افراد کو پہلے ہی یہ بات واضح کر دی گئی ہو کہ آپ کے چندے کو ہم مختلف رفاہی منصوبوں میں اجتماعی طور پر استعمال کریں گے، اور خرچ کا تناسب تمام اراکین کے فنڈز کے لحاظ سے ہوگا، تو ایسی صورت میں اس اجتماعی طریقے سے خرچ کرنا شرعاً درست ہے۔مزید یہ کہ بعد میں اراکین کو اطلاع دینا کہ “آپ کے عطیات فلاں پروجیکٹس میں خرچ ہوئے” یہ جھوٹ یا فریب میں داخل نہیں، کیونکہ حقیقت یہی ہے کہ ان کے عطیات ایک تناسب کے ساتھ ان منصوبوں میں  استعمال ہوئے۔ تاہم اس اطلاع میں مبالغہ یا انفرادی نسبت سے احتراز کیا جائے۔ مثلاً یہ نہ کہا جائے کہ آپ ہی کے پیسوں سے مسجد بنی بلکہ کہا جائے کہ آپ کے عطیات بھی ان عطیات میں شامل تھے جو فلاں فلاں منصوبے میں خرچ ہوئے۔ایسا کہنا صدق اور شریعت کے مطابق ہے۔

(۲) اگرچہ آپ نے نیت کے ساتھ واضح احتیاط کی ہے کہ آپ اپنے ذاتی پیسے سے ہی خرچ کرتے ہیں اور ٹرسٹ کے پیسوں میں تصرف نہیں کرتے، لیکن شرعاً اور عملی طور پر یہ صورت “اختلاطِ اموال”کہلاتی ہے۔یعنی چونکہ دونوں رقمیں ایک ہی اکاؤنٹ میں جمع ہیں، تو بظاہر وہ مخلوط تصور ہوں گی۔اگر خدانخواستہ کسی وقت حساب میں کمی یا غلطی ہو گئی تو شرعی و مالی طور پر الجھن پیدا ہوسکتی ہے۔لہٰذا مستحسن (بہترین اور محفوظ) یہی ہے کہ ٹرسٹ کے نام سے الگ بینک اکاؤنٹ کھولا جائے،تمام عطیات اسی میں جمع کیے جائیں،اور خرچ کا مکمل ریکارڈ (مثلاً رسیدیں، پروجیکٹ کی تفصیل وغیرہ) محفوظ رکھا جائے۔یہ طریقہ نہ صرف شرعاً امانت داری کے تقاضے پورے کرتا ہے بلکہ آپ کے ٹرسٹ پر اعتماد اور ساکھ بھی بڑھاتا ہے۔

(۳) والدین حیات ہوں یا فوت ہو چکے ہوں،ان کے لیے نوافل، تلاوت، صدقہ اور دیگر نیک اعمال کا ثواب پہنچانا شرعاً درست ہے۔اگر آپ نفل عبادات یا صدقہ کا ثواب والدین کے نام منسوب کرتے ہیں تو  وہ ثواب ان شاء اللہ تعالیٰ پہنچتا ہے، آپ کو بھی نیتِ خیر کی وجہ سے دوہرااجر ملتا ہے، اور یہ عمل والدین کے ساتھ احسان اور صلہ رحمی کے درجے میں شمار ہوتا ہے۔ پس، اگر والدین زندہ بھی ہوں تو ان کے لیے دعا و ثواب پہنچانے کا عمل جائز اور باعثِ اجر ہے۔

واللہ اعلم بالصواب

دارالافتاء

دارالعلوم وقف دیوبند

طلاق و تفریق

Ref. No. 3808/47-10014

الجواب

الجواب وباللہ التوفیق:  ۔بشرط صحت سوال   (۱)     اگر شوہربیوی کے ساتھ حسنِ سلوک نہ کرے،ظلم، گالی گلوچ یا دھمکیوں سے پیش آئے،بیوی کے والدین کو گالیاں دے یا ان کی بے عزتی کرے،نان و نفقہ (گھر، بچوں اور بیوی کے خرچ) کی ذمہ داری پوری نہ کرے،دینی و اخلاقی ذمہ داریوں سے غفلت برتے،یا بیوی کی جان یا عزت کو خطرہ لاحق ہو تو شرعاً عورت کو خلع یا قاضی کے ذریعے فسخِ نکاح کا حق حاصل ہوتا ہے۔

(۲) اسلامی قانون کے مطابق کم سن بچوں (بالخصوص لڑکی جب تک بالغ نہ ہو، اور لڑکا تقریباً سات سال کی عمر تک) کی پرورش ماں کے سپرد ہوتی ہے،بشرطیکہ ماں نیک، دیندار اور بچوں کی تربیت کے قابل ہو۔آپ کے تینوں بچے ابھی نابالغ ہیں، لہٰذا شرعاً ان کی پرورش آپ کے سپرد ہونی چاہیے۔ (۳) باپ پر ان کا نفقہ (خرچ، تعلیم، رہائش) لازم رہے گا، چاہے بچے آپ کے پاس رہیں۔آپ کے مہر اور وہ سونا جو آپ کے والدین نے دیا تھا ۔  یہ آپ کی ملکیت ہے۔اگر شوہر یا اس کے اہلِ خانہ کے قبضہ میں ہے تو شرعاً انہیں واپس کرنا لازم ہے۔مہر عورت کا واجبی حق ہے۔ لہذا مہر نہ دینا  اور بیوی کی حق تلفی کرنا گناہ ہے ۔ (۴)  سب سے پہلے کسی معتبر شرعی دارالقضاء یا مفتی صاحب سے بالمشافہ رجوع کریں تاکہ باقاعدہ طریقے سے خلع یا فسخ نکاح کی کارروائی کی جاسکے۔ آپ کے والد یا وکیل کے ذریعے تحریری طور پر شوہر کو نان و نفقہ اور زیورات کی واپسی کا مطالبہ کیا جائے۔ اگر وہ انکار کرے یا بدسلوکی جاری رکھے تو دارالقضاء یا شرعی عدالت میں خلع یا فسخ نکاح کی درخواست جمع کرائیں۔ بچوں کی حضانت کے لیے شرعی فیصلہ یا مقامی عدالت کے ذریعے قانونی تحفظ حاصل کریں۔ہر بات کو تحریری شواہد کے ساتھ جمع کریں تاکہ حق تلفی ثابت ہو سکے۔اللہ آپ کی مددفرمائے!

واللہ اعلم بالصواب

دارالافتاء

دارالعلوم وقف دیوبند

نماز / جمعہ و عیدین

Ref. No. 3807/47-10167

الجواب

الجواب وباللہ التوفیق:  ۔    پہلی صف میں اگر ایک آدمی کی گنجائش ہے، تو اس شخص  کا اس صف میں داخل ہونا درست ہے، اور یہ پہلی صف والوں کی غلطی ہے کہ انھوں نے صفوں کے درمیان کے خلل کو پُر نہیں کیاتھا، تاہم آنے والے شخص کو نرمی سے صف میں داخل ہونا چاہئے، لوگوں کو دھکے دینا درست نہیں ہے۔ اور اگر پہلی صف میں جگہ نہیں تھی تو دوسری دوسری صف میں نماز پڑھنی چاہئے تھی، پچھلی صفوں کی بھی فضیلت احادیث میں آئی ہے۔ اس لئے بلا وجہ نمازیوں کے خشوع و خضوع میں خلل انداز ہونا مناسب نہیں ہے۔

واللہ اعلم بالصواب

دارالافتاء

دارالعلوم وقف دیوبند

Fiqh

Ref. No. 3805/47-9939

الجواب

الجواب وباللہ التوفیق:  ۔     اگرکاروبار میں پیسے لگانے والا اور اپنی زمین دینے والا دونوں اس معاملہ پر راضی ہیں اور نفع کی تقسیم بھی فی صد کے اعتبار سے طے ہوچکی ہے، اور کسی نزاع کا اندیشہ نہیں  ہےتو اس کاروبارمیں کوئی حرج نہیں ہے۔

"وشرطها كون الأجرة والمنفعة معلومتين؛ لأن جهالتهما تفضي إلى المنازعة". (شامی، كتاب الإجارة ، شروط الإجارة ، ج : 6، ص : 5 ، ط : سعید)

واللہ اعلم بالصواب

دارالافتاء

دارالعلوم وقف دیوبند

فقہ

Ref. No. 3804/47-9899

الجواب

الجواب وباللہ التوفیق:  ۔     (۱) اگر وہ عورت فی الواقع اسلام قبول کرلیتی ہے  اور مسلمان ہوجاتی ہے تو اس کے بعد اس سے نکاح شرعاً جائز ہے، بشرطیکہ نکاح اسلامی طریقے سے شرعی گواہوں کے ساتھ کیا جائے۔ (۲)  شرعاً پہلی بیوی کی اجازت دوسری شادی کے لیے لازمی نہیں، لیکن اخلاقی، معاشرتی، اور عدالتی لحاظ سے بہتر ہے کہ اجازت یا کم از کم اطلاع دی جائے تاکہ نزاع نہ ہو۔ اگر پہلی بیوی اجازت نہ دے تو بھی نکاح ثانی شرعا درست ہے ، لیکن ظلم و جھگڑے کا اندیشہ ہوتا ہے، اور حقوقِ زوجین کی ادائیگی مشکل ہو جاتی ہے۔اس سلسلہ میں غالبا آپ کے ملک کے خاندانی قوانین کے مطابق، دوسری شادی کے لیے تحصیل کمیٹی یا یونین کونسل سے اجازت لینا قانونی طور پر ضروری ہے۔اگر اجازت کے بغیر نکاح کر لیا جائے تو نکاح شرعاً درست ہوگا مگر قانونی کارروائی ہوسکتی ہے، اس لئے اس کا ضرور خیال رکھاجائے۔(۳) بیویوں کے درمیان رہائش، نفقہ (خرچ)، وقت، لباس، اور ظاہری برتاؤ میں عدل لازم ہے۔دل کے میلان (محبت) میں برابری ممکن نہیں، لیکن عملی برابری یعنی:ایک رات ایک بیوی کے پاس، دوسری رات دوسری کے پاس؛خرچ و نان و نفقہ میں مساوات یہ سب  امور شرعا لازم ہیں۔

واللہ اعلم بالصواب

دارالافتاء

دارالعلوم وقف دیوبند