الجواب وباللّٰہ التوفیق: مکروہ تنزیہی ہے۔(۱)

(۱) (وکرہ) افتراش الرجل ذراعیہ للنہي۔ (ابن عابدین، الدرالمختار، ’’باب مایفسد الصلاۃ ومایکرہ فیہا‘‘: ج ۲، ص: ۴۱۱، زکریا دیوبند)
(قولہ وافتراش ذراعیہ) لما في صحیح مسلم عن عائشۃ رضي اللّٰہ عنہا وکان -یعني النبي- صلی اللّٰہ علیہ وسلم ینہی أن یفترش الرجل ذراعیہ افتراش السبع وافتراشہما إلقاؤہما علی الأرض کما في المغرب۔ قیل: وإنما نہی عن ذلک لأنہا صفۃ الکسلان والتہاون بحالہ مع ما فیہ من التشبہ بالسباع والکلاب، والظاہر أنہا تحریمیۃ للنہ؁ المذکور من غیر صارف۔ (ابن نجیم، البحر الرائق، ’’باب ما یفسد الصلاۃ و ما یکرہ فیھا‘‘: ج ۲، ص:۴۰، ۴۱)…یعتمد علی راحتیہ ویبدي ضبعیہ عن جنبیہ، ولا یفترش ذراعیہ۔ (جماعۃ من علماء الہند، الفتاوی الھندیۃ،  کتاب الصلاۃ، الباب الرابع في صفۃ الصلاۃ،’’الفصل الثالث في سنن الصلاۃ‘‘: ج۱، ص:۱۳۲، مکتبہ فیصل)
 

فتاوی دارالعلوم وقف دیوبند ج6 ص170

Ref. No. 1242 Alif

الجواب وباللہ التوفیق

بسم اللہ الرحمن الرحیم۔  اگر داماد  اپنی ساس کو غلط نیت سے چھولے تو اس کی بیوی اس پر  ہمیشہ کے لئےحرام ہوجائے گی۔ اسی طرح اگر سسر نے اپنی بہو کو غلط نیت سے چھودیا تو بہو اس کے بیٹے کے لئے حرام ہوجائے گی۔ ومن مستہ امرءة بشھوة حرمت علیہ امھا وابنتھا، ہدایہ ج۲ ص۳۰۹۔ یحرم کل من الزانی والمزنیة علی اصل الآخروفرعہ۔ شامی۔  واللہ اعلم بالصواب

دارالافتاء

دارالعلوم وقف دیوبند

Ref. No. 995

الجواب وباللہ التوفیق                                                                                                                                                        

بسم اللہ الرحمن الرحیم: غربت کی وجہ سے مذکورہ صورت اختیار کرنا نص قطعی کے مخالف ہونے کی وجہ سے قطعاً حرام ہے۔ جو بچہ بھی پیداہوتا ہے وہ اپنا رزق لے کر آتا ہے ؛ جو آپ کا رازق ہے وہی آپ کے بچوں کا رازق ہے۔ وقتی طور پر بدحالی کو آپ نے دائمی کیسے سمجھ لیا ہے؟ ہوسکتا ہے آنے والی اولاد کی برکت سے اللہ تعالی آپ کو اس قدر عطا فرمادیں کہ ان کی ضروریات بھی پوری ہوجا یا کریں۔ اس لئے قطعاً ذہن میں ایسے شبہات کو جگہ نہ دیں۔ اللہ تعالی آپ کو صبر اور استقامت عطا کرے، آمین۔  واللہ اعلم بالصواب

دارالافتاء

دارالعلوم وقف دیوبند

Ref. No. 40/799

الجواب وباللہ التوفیق 

بسم اللہ الرحمن الرحیم:۔  فقہاء کرام بہت سی احادیث کو بالمعنی روایت کرتے ہیں اور ان کے پیش نظر تنقیح و استخراج مسائل ہے۔ ان کا یہ وظیفہ یعنی بیان مسئلہ اول درجہ میں اور بیان احادیث دوسرے درجہ میں ہے جبکہ محدثین کا مطمح نظر اول درجہ میں بیان حدیث من و عن اور بیان مسئلہ ثانوی درجہ میں ہوتا  ہے؟ اسی تناظر میں بعض احادیث کو محدثین لم اجدہ وغیرہ فرماتے ہیں حالیکہ  وہ معنوی اعتبار سے ثابت ہوتی ہیں۔  دیگر توجیہات بھی شراح ہدایہ نے لکھی ہیں رجوع کرلیا جائے۔  

واللہ اعلم بالصواب

دارالافتاء

دارالعلوم وقف دیوبند

Ref. No. 41/954

الجواب وباللہ التوفیق 

بسم اللہ الرحمن الرحیم:۔   رسم و رواج کے طور پر کھانا کھانا اور کھلانا دونوں امور ناجائز ہیں اور قابل اصلاح ہیں۔ البتہ دوردراز سے آئے ہوئے مہمانوں کے لئے میت کے گھر والے یا ان کے رشتہ دارکھانے کا  نظم کردیں تو اس میں کوئی حرج نہیں ہے۔

 واللہ اعلم بالصواب

دارالافتاء

دارالعلوم وقف دیوبند

Ref. No. 1288/42-628

الجواب وباللہ التوفیق

بسم اللہ الرحمن الرحیم:۔ کسی معقول وجہ سے یا انجانے میں ایسا ہوجانے میں کوئی گناہ  کی بات نہیں۔ البتہ اگر کوئی توہین کی غرض سے ، یا کسی اور فاسد نیت سے ڈیلیٹ کرے گا تو ااس کی نیت کے مطابق گناہ ہوگا۔ بعض مرتبہ حفاظت کے لئے یا بے حرمتی سے حفاظت کے لئےڈیلیٹ کرنا ہوتا ہے تو اس میں کوئی حرج نہیں ہے بلکہ کار ثواب سمجھا جائے گا۔   عن عُمَرَ بْنَ الخَطَّابِ قَالَ: سَمِعْتُ رَسُولَ اللَّهِ ﷺ يَقُولُ: إِنَّمَا الأَعْمَالُ بِالنِّيَّاتِ، وَإِنَّمَا لِكُلِّ امْرِئٍ مَا نَوَى (بخاری)

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:اللہ تعالیٰ کھاتے ہیں نہ پیتے ہیں، وہ ان تمام بشری تقاضوں سے پاک ہیں۔(۱)

اللہ تعالیٰ ساری زبانوں کے عالم بھی ہیں اور خالق بھی ہیں۔ دنیا میں جتنے علوم ہیں، ان کا پورا پورا علم اللہ تعالیٰ ہی کے پاس ہے اور لاتعداد وبے شمار چیزیں جو دنیا کا کوئی فرد نہیں جانتا وہ بھی اللہ تعالیٰ کے علم میں ہے وہ علیم و خبیر ہے۔(۲)

۱) {لَیْسَ کَمِثْلِہٖ شَيْئٌج وَھُوَ السَّمِیْعُ الْبَصِیْرُہ۱۱} (سورۃ الشوریٰ: ۱۱)

{ھُوَ اللّٰہُ الَّذِيْ لَآ إِلٰہَ إِلَّا ھُوَ ج عٰلِمُ الْغَیْبِ وَالشَّھَادَۃِج} (سورۃ الحشر: ۲۲)

(۲) {أَنَّ اللّٰہَ یَعْلَمُ مَا فِي السَّمٰوٰتِ وَمَا فِي الْأَرْضِ ط} (سورۃ المجادلۃ: ۷)

Ref. No. 1808/43-1559

بسم اللہ الرحمن الرحیم:۔ اجنبیہ عورت کو دیکھنا جائز نہیں ہے، اس سے بات کرنا اور اس سے محبت کرنا بھی جائز نہیں۔  یہ گناہ کا کام ہے، اس سے بچنا لازم ہے اور پردہ کرنا ضروری ہے، تاہم اس سے اور اس کا انکار کرنے سے کفر لازم نہیں آتا ہے۔

واللہ اعلم بالصواب

دارالافتاء

دارالعلوم وقف دیوبند

Ref. No. 2100/44-2148

بسم اللہ الرحمن الرحیم:۔  

ہر فرض نماز کے بعدآیت کریمہ: فَکَشَفْنَا عَنْکَ غِطَاءَ کَ فَبَصَرُکَ الْیَوْمَ حَدِیْدٌ  سات مرتبہ پڑھ کر اور انگلیوں کے سروں پر دم کرکے آنکھوں پر پھیرلیا کریں، إن شاء اللہ آپ کی بینائی ٹھیک ہوجائے گی۔ہرنماز کے بعد گیارہ مرتبہ ”یا نورُ“ پڑھ کر انگلی پر دم کرکے آنکھوں پر پھیر نا بھی بہت مفید ہے۔

واللہ اعلم بالصواب

دارالافتاء

دارالعلوم وقف دیوبند