Frequently Asked Questions
Family Matters
Ref. No. 3715/47-9788
الجواب
بسم اللہ الرحمن الرحیم:۔ اسلام نے پردہ کو صرف عورت کے لیے نہیں بلکہ مرد کی نگاہ کے تحفظ کے لیے بھی فرض قرار دیا ہے۔یعنی اگر کسی مجلس یا گھر میں پردے کا لحاظ نہیں رکھا جاتا، یا غیر محرم عورتیں بے پردہ ہوتی ہیں،تو وہاں جانا تبھی درست ہے جب آپ نظر کی حفاظت کر سکیں۔ورنہ وہاں جانے سے اجتناب کرنا بہتر ہے، تاکہ نگاہ یا دل کی آلودگی سے بچا جا سکے۔
اللہ تعالیٰ نے رشتہ داروں کے حقوق کو بہت اہمیت دی ہے۔ لیکن اگر رشتہ دار گناہ پر مجبور کرتے ہوں یا بے حیائی کے ماحول میں بلاتے ہوں۔ تو وہاں جسمانی حاضری لازم نہیں ، بلکہ سلام، دعا، خبر گیری، تحفہ، یا پیغام کے ذریعے تعلق رکھنا بھی صلہ رحمی کے حکم میں شامل ہے۔
اگرایسے ماحول میں جانا ناگزیر ہو تو آپ مختصر وقت کے لیے جائیں — مثلاً صرف مردوں کی مجلس میں بیٹھیں، عورتوں کے حصے میں نہ جائیں۔ آنکھوں کی حفاظت کریں، گفتگو میں سنجیدگی اور دینی وقار رکھیں ۔اگر ماحول بالکل بے پردگی والا ہو تو گھر بیٹھے سلام دعا وغیرہ کے ذریعہ تعلق قائم رکھیں ۔
خلاصہ یہ کہ اگر کسی رشتہ دار کے گھر بے پردگی یا غیر شرعی اختلاط ہو تو وہاں جانے سے احتراز کرے۔ قطع رحمی (رشتہ توڑنا) حرام ہے، مگر رابطہ محدود رکھنا جائز ہے۔ صلہ رحمی فون، سلام، پیغام، یا دعائیہ کلمات سے بھی ہو جاتی ہے۔آپ گناہ سے بچتے ہوئے بھی دین کے تقاضے پورے کر نے کی کوشش کرتے ر ہیں۔ خیال رہے کہ کسی شخص کی خوشی کے لئے اللہ کو ناراض کرنا جائز نہیں ہے، اس لئے اگر ماحول سازگار نہیں اور خلاف شرع امور وہااں انجام دئے جارہے ہوں تو وہاں جانا درست نہیں ہوگا۔
واللہ اعلم بالصواب
دارالافتاء
دارالعلوم وقف دیوبند
فقہ
Ref. No. 3714/47-9740
الجواب
بسم اللہ الرحمن الرحیم:۔ حدیث شریف میں ہے کہ رسول اللہ ﷺ نے فرمایا: "جو شخص اپنے مال کی حفاظت میں قتل کیا جائے وہ شہید ہے، جو اپنی جان کی حفاظت میں قتل کیا جائے وہ شہید ہے، جو اپنے دین کی حفاظت میں قتل کیا جائے وہ شہید ہے، اور جو اپنی اہل و عیال کی حفاظت میں قتل کیا جائے وہ شہید ہے۔" (سنن ترمذی، 1421؛ سنن نسائی، 4095)
صورت مذکورہ میں دونوں افراد کا قتل ناحق ہوا ہے، تو دونوں افراد شہید ہیں؛ آخرت میں ان کو شہادت کا درجہ حاصل ہوگا۔ دنیاوی احکام کے لحاظ سے ان کو غسل اور کفن دینا واجب ہے جیسا کہ عام مسلمانوں کو دیا جاتا ہے۔لیکن اگر فریقین حق پر نہ ہوں تو احادیث میں وعید بھی ہیں کہ القاتل والمقتول کلاھما فی النار یعنی قاتل و مقتول دونوں جہنم میں ہوں گے۔
واللہ اعلم بالصواب
دارالافتاء
دارالعلوم وقف دیوبند
Taharah (Purity) Ablution &Bath
Ref. No. 3712/47-9787
الجواب
بسم اللہ الرحمن الرحیم:۔ بشرط صحت سوال صورت مسئولہ میں غسل درست ہوگیا ہے، اب آپ کو کسی وسوسہ میں نہیں پڑنا چاہئے۔ آپ نے پورا غسل کیا اپنے کپڑوں اور بدن پر کئی بار پانی بہایا تو اب غالب گمان ہے کہ کپڑا بھی پاک ہوگیا ہوگا جیسا کہ بدن پاک ہوگیا۔ اس لئے اگر کوئی ظاہری نجاست باقی نہیں تھی تو پاکی کا حکم لگایا جائے گا اور غسل کو درست قراردیاجائےگا۔
واللہ اعلم بالصواب
دارالافتاء
دارالعلوم وقف دیوبند
Divorce & Separation
Red. No. 3711/47-9773
الجواب
بسم اللہ الرحمن الرحیم:۔ بشرط صحت سوال صورت مسئولہ میں چار بار طلاق کو ہونے والی بیوی پر معلق کیا ہے، لہذا نکاح کرتے ہی ایک طلاق بائن واقع ہوگی، پھر نکاح کرے گا تو پھر دوسری ۔ اورپھر نکاح کے بعد تیسری طلاق واقع ہوجائے گی، اب حرمت مغلظہ کے بعد کسی دوسرے مرد سے نکاح کرے گی، اور پھرچوتھی بار نکاح کرنے سے پھرایک طلاق بائن واقع ہوگی۔ اب تمام قسمیں پوری ہوچکی ہیں۔ اب نکاح کرکے اپنی بیوی کے ساتھ رہ سکتاہے۔ یہ چار الگ الگ عورتوں سے نکاح کرے تو بھی قسم پوری ہوجائے گی اور ایک ہی سے چار بار نکاح کرے گا تو بھی قسم مذکورہ طریقہ سے پوری ہوجائے گی۔ اور اس میں خود نکاح کرے یا کوئی فضولی کرے دونوں صورتوں میں طلاق واقع ہوگی کیونکہ اس نے قسم کے وقت ہونے والی بیوی کو طلاق دی ہے۔
واللہ اعلم بالصواب
دارالافتاء
دارالعلوم وقف دیوبند
کھیل کود اور تفریح
Ref. No. 3709/47-9766
الجواب
بسم اللہ الرحمن الرحیم:۔آن لائن گیم مختلف مفاسد پر مشتمل ہوتاہے، اس لئے آن لائن گیم سے حتی الامکان پرہیز کرنا چاہئے، تاہم اگر کوئی آن لائن گیم کھیلتاہے اور (۱) گیم کمپنی خود پیسے دیتی ہے (ads یا rewards کے ذریعے)مثلاً آپ گیم کھیلتے ہیں، کمپنی آپ کو “ویوز” یا “ایڈ دیکھنے” کے بدلے میں تھوڑا پیسہ دیتی ہے۔ تواس میں نہ جوا ہے نہ سرمایہ کاری۔لہذا یہ کمائی حلال ہے، بشرطیکہ گیم میں کوئی غیر شرعی یا فحش چیز شامل نہ ہو۔(۲) اگر مقابلے (tournaments) میں کھیل کر جیتنے پر پیسہ ملتا ہے، اور اس میں کھیلنے والے سب لوگ پیسے نہیں دیتے بلکہ کمپنی یا اسپانسر انعام دیتا ہے، تو یہ بھی جائز اور حلال ہے۔(۳) لیکن اگر: ہر کھلاڑی entry fee دیتا ہے، اور پھر ان ہی پیسوں سے انعام دیا جاتا ہے، تو یہ جوا (قمار) ہے، اور حرام ہے۔(۴) . اگر “پیسہ قسمت یا لاٹری سسٹم” سے ملتا ہے جس میں کوئی پیسہ نہیں لگایا گیا ہے مثلاً "spin and win" یا "lucky draw" کے ذریعے انعام ملے، تو یہ حلال انعام ہے۔ ۔(۵) اگر گیم میں حرام مناظر، فحش مواد، یا ناجائز میل جول شامل ہوتو ایسا گیم کھیلنا ناجائز ہے، چاہے اس سے کوئی آمدنی ہو یا نہ ہو۔
واللہ اعلم بالصواب
دارالافتاء
دارالعلوم وقف دیوبند
Business & employment
Ref. No. 3708/47-9876
الجواب
بسم اللہ الرحمن الرحیم:۔ مذکورہ معاملہ میں سرمایہ کاری جائز کاروبار میں ہے، اور نفع بھی فی صد میں متیعن ہے ، اس لئے اس کاروبار میں کوئی حرج نہیں ہے، اور منافع کی تقسیم میں بھی کوئی خرابی نہیں ہے ، اسی طرح معاملہ ختم کرنے پر اصل رقم کی واپسی ہوگی، اس میں بھی کوئی قباحت نہیں ہے، تاہم اصل سرمایہ کی واپسی کی ضمانت وغیرہ کی کوئی شرط نہیں ہونی چاہئے، اگر اس طرح کی کوئی شرط ہو تو اس کی وضاحت کرکے دوبارہ سوال کریں۔
واللہ اعلم بالصواب
دارالافتاء
دارالعلوم وقف دیوبند
طہارت / وضو و غسل
Ref. No. 3707/47-9875
الجواب
بسم اللہ الرحمن الرحیم:۔فقہ کا اصول ہے:"الیقین لا یزال بالشک"یعنی یقین کو شک سے ختم نہیں کیا جا سکتا۔ صورت مسئولہ میں آپ کو یقین نہیں کہ ہاتھ پر ناپاکی لگی تھی، بلکہ صرف شک ہے — اور پھر یہ بھی شک ہے کہ وہ کور پر لگی یا نہیں، اور اس کے بعد لنگی یا چٹائی تک پہنچی یا نہیں۔ ایسے تمام مراحل میں “یقین” کہیں بھی نہیں ہے بلکہ صرف تسلسل کے ساتھ شک ہے۔لہٰذا جب تک ناپاکی لگنے کا یقین نہ ہو، کوئی چیز ناپاک نہیں مانی جائے گی۔شک یا خیال سے پاک چیز ناپاک نہیں ہوتی ہے اس لئے آپ کے تولیہ، لنگی، بیڈ کور، چٹائی — سب پاک ہیں۔ان پر نماز پڑھنا، لیٹنا یا کپڑے رکھنا بالکل درست ہے۔خیال رہے کہ وسوسہ شیطان کی طرف سے ہوتا ہے، وسوسہ پر اگرآپ غور کرنا چھوڑ دیں اور یقین پر عمل کریں، تو رفتہ رفتہ یہ وسوسہ ختم ہو جاتا ہے۔
واللہ اعلم بالصواب
دارالافتاء
دارالعلوم وقف دیوبند
Taharah (Purity) Ablution &Bath
Ref. No. 3707/47-9875
الجواب
بسم اللہ الرحمن الرحیم:۔فقہ کا اصول ہے:"الیقین لا یزال بالشک"یعنی یقین کو شک سے ختم نہیں کیا جا سکتا۔ صورت مسئولہ میں آپ کو یقین نہیں کہ ہاتھ پر ناپاکی لگی تھی، بلکہ صرف شک ہے — اور پھر یہ بھی شک ہے کہ وہ کور پر لگی یا نہیں، اور اس کے بعد لنگی یا چٹائی تک پہنچی یا نہیں۔ ایسے تمام مراحل میں “یقین” کہیں بھی نہیں ہے بلکہ صرف تسلسل کے ساتھ شک ہے۔لہٰذا جب تک ناپاکی لگنے کا یقین نہ ہو، کوئی چیز ناپاک نہیں مانی جائے گی۔شک یا خیال سے پاک چیز ناپاک نہیں ہوتی ہے اس لئے آپ کے تولیہ، لنگی، بیڈ کور، چٹائی — سب پاک ہیں۔ان پر نماز پڑھنا، لیٹنا یا کپڑے رکھنا بالکل درست ہے۔خیال رہے کہ وسوسہ شیطان کی طرف سے ہوتا ہے، وسوسہ پر اگرآپ غور کرنا چھوڑ دیں اور یقین پر عمل کریں، تو رفتہ رفتہ یہ وسوسہ ختم ہو جاتا ہے۔
واللہ اعلم بالصواب
دارالافتاء
دارالعلوم وقف دیوبند
Prayer / Friday & Eidain prayers
Ref. No. 3706/47-9874
الجواب
بسم اللہ الرحمن الرحیم:۔ اگرجیل شہر یا مضافات شہر میں ہے اور جمعہ کی نماز قائم کی جاسکتی ہے تو نماز جمعہ قائم کریں، اور اگر اقامت جمعہ کی شرائط موجود نہ ہوں اور نہ حکومت کی طرف سے باقاعدہ نمازِ جمعہ کا نظام ہو،تو ایسی صورت میں جمعہ فرض نہیں ہے۔ "اگر کسی جگہ جمعہ کے قیام کی اجازت نہ ہو یا وہاں امام و خطبہ کا نظم نہ ہو تو جمعہ ساقط ہوجاتا ہے اور اس کی جگہ ظہر کی نماز ادا کی جاتی ہے۔اگر ممکن ہو تواذان دے کر جماعت سے ظہر پڑھ لیں۔اگر اذان ممکن نہ ہو تو بغیر اذان کے جماعت کے ساتھ ظہر پڑھنا بھی درست ہے۔اگر جماعت کا بھی نظم نہ ہو سکے توہر شخص انفرادی طور پر ظہر ادا کر سکتا ہے۔
وَالْجُمُعَةُ إِذَا أُقِيمَتْ فِي مَوْضِعٍ مَمْنُوعٍ مِنْهَا لَا تَصِحُّ. (رد المحتار، ج 2، ص 154)
"لَا جُمُعَةَ إِلَّا فِي مِصْرٍ تُقَامُ فِيهِ الْجَمَاعَاتُ." (الدر المختار، ج 2، ص 152)
"فَإِذَا سَقَطَتِ الْجُمُعَةُ وَجَبَتِ الظُّهْرُ." (الدر المختار، ج 2، ص 155)
قَدْ سَأَلَ رَجُلٌ النَّبِيَّ ﷺ عَنِ الْأَعْمَى لَا يَجِدُ مَنْ يَقُودُهُ إِلَى الْمَسْجِدِ، فَقَالَ: "صَلِّ فِي بَيْتِكَ." (أبو داود، 552)
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3705/47-9873
الجواب
بسم اللہ الرحمن الرحیم:۔ آپ نے “اللہ کی قسم” نہیں کہا، بلکہ “اللہ کا نام لے کر کہہ رہا ہوں” کہا۔آپ کی نیت قسم کھانے کی نہیں تھی، بلکہ غصے اور زورِ بیان کے لیے کہا۔آپ نے خود واضح فرمایا کہ “قسم کھانے کی نیت نہیں تھی، بس بات میں وزن ڈالنے کے لیے کہا۔ ایسے الفاظ قسم نہیں بنتے جب تک نیتِ قسم نہ ہو۔ چونکہ یہ قسم شرعاً منعقد ہی نہیں ہوئی، لہٰذا نہ قسم ٹوٹی، نہ کفارہ واجب ہوا۔البتہ اگر کبھی نیت قسم کی ہو اور بعد میں بات بدل جائے:فرض کریں کسی موقع پر دل میں واقعی قسم کی نیت بھی تھی (مثلاً “میں اللہ کی قسم کھا کر کہہ رہا ہوں” یا دل میں یہی ارادہ تھا)، تو پھر یہ “یمینِ منعقدہ” کہلائے گی۔ اگر ایسی قسم توڑ دی جائے تو قرآن میں اس کا حکم بیان کیا ہے کہ جو قسم توڑ دے تو اس کا کفارہ دس مسکینوں کو کھانا کھلانا، یا کپڑا دینا ہے۔ اور جو نہ پائے، وہ تین روزے رکھے۔ اور دعا کرتے رہیں۔ کسی مصلحت سے دب جانا اور جھک جانا درست ہے، کسی سے ٹکراو مناسب نہیں ہے بشرطیکہ یہ جھکنا کسی ناجائز اور ناحق کے حصول کے لئے نہ ہو۔ جب غصہ یا دباؤ آئے تو فوراً یہ دعا پڑھیں:
اَعُوذُ بِاللّٰہِ مِنَ الشَّیْطَانِ الرَّجِیمِ ، اللّٰهُمَّ اهْدِنِي لِأَحْسَنِ الأَقْوَالِ وَالأَعْمَالِ. اَللّٰهُمَّ اجْعَلْنِي مِمَّنْ يَقُولُ الحَقَّ وَيَتَّبِعُ الحِكْمَةَ، وَاحْفَظْ لِسَانِي مِنْ غَضَبٍ وَسُوءٍ.
واللہ اعلم بالصواب
دارالافتاء
دارالعلوم وقف دیوبند