نماز / جمعہ و عیدین

Ref. No. 39 / 

الجواب وباللہ التوفیق

بسم اللہ الرحمن الرحیم:۔ جنازہ کی نماز مسجد میں  اور مسجد کے برآمدہ میں ادا کرنا  مکروہ ہے۔  اس کا انتظام مسجد کے باہر ہی ہونا چاہئے۔

واللہ اعلم بالصواب

 

دارالافتاء

دارالعلوم وقف دیوبند

اسلامی عقائد

Ref. No. 1064/41-230

الجواب وباللہ التوفیق     

بسم اللہ الرحمن الرحیم :۔   اللہ تعالی کے نام دو قسم کے ہیں : ایک قسم ان اسمائے مبارکہ کی ہے جن کا استعمال دوسرے کے لئے ہو ہی نہیں سکتا ہے جیسے اللہ، رحمن، خالق، رازق وغیرہ۔ ان کا غیراللہ کے لئے استعمال کرنا  قطعی حرام ہے جیسے عبدالرحمن کو رحمن کہنا غلط  ہے۔ عبدالخالق کو خالق کہنا درست نہیں ہے۔

دوسری قسم ان ناموں کی ہے جن کا استعمال غیراللہ کے لئے بھی آیاہے،  جیسے قرآن مجید میں آپ ﷺ کے لئے رؤوف رحیم فرمایاگیا ہے۔ ایسے ناموں کو دوسروں  کے لئے بولنے کی گنجائش ہے۔ لہذا عزیز نام رکھنا یا رشید نام رکھنا اور اس نام سے پکارنا درست ہے۔

التسمیۃ باسم یوجد فی کتاب اللہ کالعلی والکبیر والرشید والبدیع جائزۃ وظاھرہ الجواز ولو معرفا بال (شامی کتاب الحظر والاباحۃ 9/598)

واللہ اعلم بالصواب

دارالافتاء

دارالعلوم وقف دیوبند

عائلی مسائل

Ref. No. 1159/42-398

الجواب وباللہ التوفیق 

بسم اللہ الرحمن الرحیم:۔ عورت کو اس کے پہلے شوہر سے جو مال ملا ہے جس کو تجارت میں لگاکر وہ بچوں کا خرچہ پورا کرتی ہے اس مال میں دوسرے شوہر کا کوئی حق نہیں ہے، اور نہ شوہر عورت سے زبردستی کرکے وہ پیسے لے سکتا ہے۔ اور اگر عورت شوہر کو وہ پیسے نہیں دیتی ہے تو عورت نافرمان نہیں کہلائے گی۔

  للرجال نصیب ممااکتسبوا وللنساء نصیب ممااکتسبن( سور ۃ النساء 32)

واللہ اعلم بالصواب

دارالافتاء

دارالعلوم وقف دیوبند

اسلامی عقائد

Ref. No. 1887/43-1781

بسم اللہ الرحمن الرحیم:۔  "اللہ کے یہاں دیر ہے اندھیر نہیں" یہ ایک اردو محاورہ ہے،  جس کا مطلب یہ ہوتاہے کہ اللہ کے یہاں انصاف ہے، اگر آج کسی کو اس کا حق نہیں ملا، اس کے کئے کی سزا نہیں ملی، تو کل کو ضرور ملے گی، اس کا حق ضائع نہیں ہوگا، اور اس کی دعا رائیگاں نہیں جائے گی، اس کا یہ مطلب کہ فوری سزا نہیں ملی، اسی کو بندوں کے اعتبار سے دیر ہونے تعبیرکیاگیاہے، اس جملہ سے کوئی کفر لازم نہیں آتاہے۔

ولو بعد حین: قال فی الحاشیۃ 13 الحین یستعمل لمطلق الوقت ولستۃ اشھر ولاربعین سنۃ واللہ اعلم بالمراد والمعنی لااضیع حقک ولا ارد دعائک ولو مضی زمان طویل (مشکوۃ، قبیل الباب الثالث، باب الدعوات 1/195 مکتبہ یاسرندیم دیوبند)

واللہ اعلم بالصواب

دارالافتاء

دارالعلوم وقف دیوبند

Hadith & Sunnah

Ref. No. 2083/44-2082

In the name of Allah the most Gracious the most Merciful

The answer to your question is as follows:

In Islam, the concept of halal and haram is because of the command of Allah (sw). The things which have been declared haram by Allah or by His Prophet (saws) are Haraam forever. The basic concept of Islam is that if a doctor forbids someone from something with valid reason, and the patient refrains from the same. When we follow the prescription of doctor believing that whatever he has prescribed is useful for our health, then Allah Who is the Creator of this universe, if He commands to stay away from something for our physical or spiritual benefits, it is necessary for us to follow His orders. Whatever command we receive from Allah has wisdom behind it, though we know that wisdom or not.

And Allah knows best

Darul Ifta

Darul Uloom Waqf Deoband

 

اسلامی عقائد

الجواب وباللّٰہ التوفیق:مذکورہ شخص کے لئے جائز نہیں کہ مندر میں جاکر مورتیوں کے سامنے ہاتھ جوڑے خواہ سیاست میں کیوں نہ ہو؛ اس لئے کہ یہ بظاہر غیر اللہ کی پوجا اور عبادت ہے اور جیسے کہ حقیقتاً غیر اللہ کی پوجا جائز نہیں ظاہراً بھی جائز نہیں نیز یہ کہ کس کس کے سامنے یہ شخص اس عمل کے سیاسی ہونے کی تشریح کرے گا، لوگ تو ظاہر حال کے دیکھنے کے مکلف ہیں ہر طرف سے یہ شخص متہم ہوگا اور چونکہ یہ شخص شرعاً کافر نہیں ہوا اس لئے تجدید نکاح لازم نہیں ہے۔ (۱)

(۱) الکفر شيء عظیم فلا أجعل المؤمن کافراً حتی وجدت روایۃ أنہ لا یکفر … إلی قولہ … لا یفتي بکفر مسلم أمکن حمل کلامہ علی محمل حسن۔ (ابن عابدین، الدر المختار مع رد المحتار، ’’کتاب الجہاد: باب المرتد، مطلب: ما یشک أنہ ردۃ لا یحکم بہا‘‘: ج ۶، ص: ۳۵۸)

إذا کانت في المسألۃ وجوہٌ توجب الکفر، ووجہ واحدٌ یمنع، فعلی المفتي أن یمیل إلی ذلک الوجہ: کذا في الخلاصۃ۔ … ثم إن کان کانت نیۃ القائل الوجہ الذي یمنع التکفیر فہو مسلم۔ (جماعۃ من علماء الہند، الفتاویٰ الہندیۃ، ’’کتاب السیر: الباب التاسع: في أحکام المرتدین، ومنہا: ما یتعلق بتلقین الکفر‘‘: ج ۲، ص: ۲۹۳)

 

دار العلوم وقف دیوبند

(فتاوی دارالعلوم وقف دیوبند جلد اول ص 176)

 

فقہ

Ref. No. 2210/44-2341

بسم اللہ الرحمن الرحیم:۔ اگرشوہر نے اس عورت کو طلاق دیدی اور عدت گزرگئی تو اسی کے ساتھ نذر بھی ختم ہوگئی، اب اگر شوہر کا وہ کام ہوگیا تو عورت کے لئے نذر پوری کرنا لازم  نہیں ہے۔

واللہ اعلم بالصواب

دارالافتاء

دارالعلوم وقف دیوبند

 

قرآن کریم اور تفسیر

الجواب وباللّٰہ التوفیق:طبرانی نے حضرت عمر بن خطاب رضی اللہ عنہ سے مرفوعاً روایت کیا ہے کہ قرآن پاک کے دس لاکھ ستائیس ہزار حروف ہیں۔(۱)

(۱) وأخرج الطبراني عن عمر بن الخطاب رضي اللّٰہ عنہ، مرفوعاً: القرآن ألف ألف حرف وسبعۃ وعشرون ألف حرف۔ (عبد الرحمن بن أبي بکر، الإتقان في علوم القرآن: ج ۱، ص: ۲۴۱)

فتاوی دارالعلوم وقف دیوبند ج2ص63

حدیث و سنت

الجواب وباللّٰہ التوفیق:یہ حدیث متعدد کتب حدیث میں مذکور ہے، امام ترمذی نے اس پر حدیث ’’غریب‘‘ کا حکم لگایا ہے؛ جبکہ ترمذی کے بعض نسخوں میں ’’حسن غریب‘‘ مذکور ہے۔ سنن دارمی کے محقق نے حدیث کو حسن قرار دیا ہے، بعض حضراتِ محدثین نے حدیث کے ایک راوی خالد بن طہمان کی وجہ سے اس حدیث کو ضعیف قرار دیا ہے، تاہم فضائل اعمال کے باب میں یہ روایت قابل عمل ہے۔(۱)

(۱) عن معقل بن یسار عن النبي صلی اللّٰہ علیہ وسلم قال: من قال حین یصبح أعوذ باللّٰہ السمیع العلیم من الشیطان الرجیم وثلاث آیات من آخر سورۃ الحشر وکل اللّٰہ بہ سبعین ألف ملک یصلون علیہ حتی یمسي وإن قالہا مساء فمثل ذلک حتی یصبح، قال حسین: سلیم أسد: إسنادہ حسن۔ (أخرجہ عبد اللّٰہ بن عبد الرحمن، في سنن دارمي: ج ۲، ص: ۵۵۰، رقم: ۳۴۲۵)
ہذا حدیث حسن غریب صحیح، أخرجہ الترمذي، في سننہ، ’’أبواب الدعوات، باب ما جاء في الدعاء إني أصبح وأمسیٰ‘: ج ۲، ص: ۱۷۶، رقم: ۳۳۸۸)
خالد بن طہمان، أبو العلاء الخفاف:
حدثني نافع بن أبي نافع عن معقل بن یسار عن النبي صلی اللّٰہ علیہ وسلم قال: من قال حین یصبح ثلاث مرات: أعوذ باللّٰہ السمیع العلیم من الشیطان الرجیم وقرأ ثلاث آیات من آخر سورۃ الحشر، وکل اللّٰہ بہ سبعین ألف ملک یصلون علیہ حتی یمسي، وإن مات في ذلک الیوم مات شہیداً، ومن قالہا: حین یمسي کان بتلک المنزلۃ ہذا حدیث حسن غریب، لا نعرفہ إلا من ہذا الوجہ۔ (محمد ناصر الدین، صحیح وضعیف سنن الترمذي: ج ۱، ص: ۳۱۵، رقم: ۲۹۲۲)  عن أبي علاء خالد بن طہمان، عن نافع ولم ینسبہ عن معقل بن یسار رفعہ من قال حین یصبح أعوذ باللّٰہ السمیع العلیم من الشیطان الرجیم وثلاث آیات من سورۃ الحشر، وکل اللّٰہ تعالیٰ ألف ملک یصلون علیہ حتی یمسي الحدیث، وقال حسن غریب، لا نعرفہ إلا من ہذا الوجہ انتہی ولم یصفہ إلا بنافع بن أبي نافع وکذلک أخرجہ الدارمي في مسندہ، عن أبي ہریرۃ من طریق أبي أحمد الزبیري وأخرج الحلیمي في مسندہ عن أبي أحمد الزبیري ثلاثۃ أحادیث۔ (أحمد بن علي بن محمد، تہذیب التہذیب: ج ۱، ص: ۴۱۱)

 

فتاوی دارالعلوم وقف دیوبند ج2ص108

طہارت / وضو و غسل

الجواب وباللہ التوفیق:  صورت مسئول عنہا میں اگر آلائش والی مرغی کو گرم پانی میں ڈالا اور گرم ہونے پرفوراً ہی نکال لیا، تاکہ بال وپر وغیرہ آسانی سے الگ ہو جائیں، تو اس صورت میں اس آلائش کی وجہ سے گوشت اگرچہ ناپاک تو ہوگا مگر دھونے سے پاک ہو جائے گا، اگر کھولتے ہوئے گرم پانی میں ڈالا اور اس کو کھولایا، تو اس آلائش (نجاست) کا اثر گوشت کے ہر ہر جز میں سرایت کر جائے گا اور پھر گوشت دھونے سے بھی پاک نہیں ہوگا(۱)۔ طحطاوی کی عبارت کا مقصد یہی ہے۔ دونوں صورتوں میں فرق واضح ہے۔

(۱)و کذلک دجاجۃ، الخ۔ ولا یترک فیہ إلا مقدار ما تصل الحرارۃ إلی ظاھر الجلد لتنحل مسام الصوف بل لو ترک یمنع إنقلاع الشعر۔ (ابن عابدین، رد المحتار، کتاب الطہارۃ،باب الأنجاس، مطلب في تطھیر الدھن والعسل، ج۱، ص:۵۴۴)؛  ولو ألقیت دجاجۃ حالۃ الغلیان في الماء قبل أن یشق بطنھا لتنتف أو کرش قبل الغسل لا یطھر أبداً۔۔۔ لکن العلۃ المذکورۃ لا تثبت حتی یصل الماء إلی حد الغلیان و یمکث فیہ اللحم بعد ذلک زمانا یقع في مثلہ للتشرب والدخول في باطن اللحم۔ (ابن الہمام، فتح القدیر، کتاب الطہارۃ،باب الأنجاس و تطھیرہا، ج۱، ص:۲۱۱)
 

فتاوی دارالعلوم وقف دیوبند ج2ص412