اسلامی عقائد

الجواب وباللّٰہ التوفیق:صورت مسئولہ میں زید نے اگر اعتقاداً حضرت عیسیٰ علیہ السلام کو ابن اللہ کہا تھا تو وہ مرتد ہوگیا اور اس کی بیو ی نکاح سے خارج ہوگئی تھی(۱) لیکن چونکہ اب وہ اپنے قول کا منکر ہے۔ اور یہ انکار توبہ اور اپنے قول سے رجوع ہے۔ اس لئے اس سے کچھ تعرض نہ کیا جائے اور حسب ضرورت اس کو سمجھایا جائے اگر اس کے ذہن میں کوئی خلجان ہو تو تسلی بخش جواب دیا جائے البتہ تجدید نکاح ضروری ہے۔

۱) شہدوا علی مسلم بالردۃ وہو منکر لا یتعرض لہ، لا لتکذیب الشہود العدول بل لأن إنکارہ توبۃ ورجوع یعني فیمتنع القتل فقط، وتثبت بقیۃ أحکام المرتد۔ (ابن عابدین، الدر المختار مع رد المحتار، ’’کتاب الجہاد: باب المرتد، مطلب: جملۃ من لا یقتل إذا ارتد‘‘: ج ۶، ص: ۳۹۰)
وفي البحر: والحاصل أن من تکلم بکلمۃ الکفر ہازلا أو لا عبا کفر عند الکل ولا اعتبار باعتقادہ … ومن تکلم بہا عالما عامداً کفر عند الکل۔ (ابن عابدین، الدر المختار مع رد المحتار، ’’کتاب الجہاد: باب المرتد، مطلب: ما یشک أنہ ردۃ لا یحکم بہا‘‘: ج ۶، ص: ۳۵۸)


 فتاوی دارالعلوم وقف دیوبند جلد اول ص 195

اسلامی عقائد

الجواب وباللّٰہ التوفیق:انسان اپنے عمل میں مختار ہے اس کو حق حاصل ہے کہ اگر چاہے تو اپنے عمل کا ثواب صاحب ایمان بزرگوں کی ارواحِ مبارکہ کو پہونچائے مگر اس کے لیے دن اور وقت اور مہینہ مقرر کرنے کو ضروری سمجھنا بدعت ہے اور ہر وہ چیز جس پر صاحب شریعت کی طرف سے ترغیب یا وقت مقرر نہ ہو بیکار فعل ہے اور مخالف سنت ہے اور سنت کے مخالف کرنا ناجائز ہے اس لئے ہرگز جائز نہیں ہے۔(۱) اس میں میت کا صریح نقصان ہے اور مخالف سنت امور میں کوئی خیر نہیں ہوتی۔(۲)

(۱) ومنہا التزام العبادات المعینۃ في أوقات معینۃ لم یوجد لہا ذلک التعیین۔ (الشاطبي، الاعتصام، ’’فصل في تعریف البدع‘‘: ج ۱، ص: ۲۶)
وقال الإمام اللکنوي: ’’مقرر کردن روز سوم وغیرہ بالتخصیص و اورا ضروری انگاشتن در شریعت محمدیہ ثابت نیست‘‘۔ (مجموعۃ الفتاویٰ: ج ۱، ص: ۱۹۵)
(۲) مجموعہ فتاویٰ عزیزي: ج۱، ص: ۹۸،۹۹۔


فتاوی دارالعلوم وقف دیوبند ج1ص473

 

حدیث و سنت

الجواب وباللّٰہ التوفیق:(۱، ۵) رسول اکرم علیہ الصلوٰۃ والسلام کے زمانہ میں جو منبر خطبہ کے لئے بنایا گیا تھا اس کی تین سیڑھیاں تھیں۔ ’’ومنبرُہ صلی اللّٰہ علیہ وسلم کان ثلاث درجٍ غیر المسماۃ بالمستراح قال ابنُ حجر: في التحفۃ وبحث بعضہم أن مااعتید الآن من النزول في الخطبۃ الثانیۃ إلی درجہ سفلی ثم العود بدعۃ قبیحۃ شنیعۃ‘‘(۱) رسول اکرم صلی اللہ علیہ وسلم سب سے اوپر کی سیڑھی پر خطبہ دیتے تھے، ابوبکر صدیق رضی اللہ عنہ اس سے زیریں سیڑھی پر اور عمر رضی اللہ عنہ تیسری سیڑھی پر، حضرت عثمان رضی اللہ عنہ نے پھر اوپر ہی کی سیڑھی پر خطبہ دیا۔ تیسری پر نہیں کہ راحت کے لئے بیٹھنے کے وقت زمین پر پیر رکھنے پڑتے ہیں، شرح بخاری میں ہے ’’إن المنبر لم یزل علی حالہ ثلاث درجات‘‘(۲) اور طبرانی میں ہے ’’عن ابن عمر قال لم یجلس أبوبکر الصدیق في مجلس رسول اللّٰہ صلی اللّٰہ علیہ وسلم علی المنبر حتی لقي اللّٰہ عزوجل ولم یجلس عمر في مجلس أبوبکر حتی لقي اللّٰہ، ولم یجلس عثمان في مجلس عمر، حتی لقي اللّٰہ‘‘(۳) پس مسنون طریقہ یہی ہے کہ منبر کی تین ہی سیڑھیاں ہوں؛ لیکن حسب ضرورت اور احوال کا لحاظ رکھتے ہوئے، اگر کم اور زیادہ کر لی جائیں، تو بھی جائز ہے۔ بہر صورت ایک درجہ سے زائد ہونی چاہئیں تاکہ زمین پر پیر نہ رکھنے پڑیں۔

(۱) ابن عابدین، رد المحتار علی الدر المختار، ’’کتاب الصلاۃ: باب الجمعۃ‘‘: ج ۲، ص: ۱۶۱۔
(۲) العیني عمدۃ القاري شرح صحیح البخاري، ’’باب الخطبۃ علی المنبر‘‘: ج ۶،ص: ۲۱۵، رقم: ۹۷۱۔
(۳) الطبراني، المعجم الأوسط، ’’باب من اسمہ محمود‘‘: ج ۸، ص: ۴۹، رقم: ۷۹۲۳۔


فتاوی دارالعلوم وقف دیوبند ج2ص205

طہارت / وضو و غسل

الجواب وباللہ التوفیق:مٹی کا برتن خواہ کورا ہو یا استعمال شدہ، تین دفعہ دھونے سے پاک ہو جاتا ہے، کوئی الگ سے اس کا طریقہ نہیں ہے۔(۲)

(۲)و یطھر محلّ غیرھا أي غیر مرئیۃ بغلبۃ ظن غاسل۔۔۔۔ طھارۃ محلھا بلا عدد بہ یفتی۔ وقدر ذلک لموسوس بغسل و عصر ثلاثاً فیما ینعصر و بتثلیث جفاف أي إنقطاع تقاطر في غیرہ۔ (ابن عابدین، الدر المختار مع رد المحتار، کتاب الطہارۃ، باب الأنجاس، مطلب في حکم الوشم،ج۱،ص:۵۳۹-۵۴۰)، و یطھر متنجس بنجاسۃ مرئیۃ بزوال عینھا ولو بمرّۃ علی الصحیح، ولا یضر بقاء أثر شق زوالہ، و غیر المرئیۃ بغلسھا ثلاثاً والعصر کل مرۃ۔ (الشرنبلالي،، نورالإیضاح، باب الأنجاس والطہارۃ عنھا،ج۱،ص:۵۳-۵۴)
 

فتاوی دارالعلوم وقف دیوبند ج2ص415

طہارت / وضو و غسل

الجواب وباللہ التوفیق:اگر حیض اور نجاست وغیرہ گرنے سے ناپاک ہو جائے، تو وہ حوض ناپاک ہے اور حوض کا تمام پانی نکالنے سے حوض پاک ہوگا۔(۲)

(۲) إذا وقعت نجاسۃ في بئر دون القدر الکثیر، أو مات فیھا حیوان دموي وانتفخ أو تفسخ، ینزح کل مائھا بعد إخراجہ۔ (ابن عابدین، تنویر الٔابصار مع الدر المختار و رد المحتار، کتاب الطہارۃ، فصل في البئر، ج۱، ص:۳۶۶-۳۶۷)؛ و إذا وقعت في البئر نجاسۃ، نزحت۔ (جماعۃ من علماء الہند، الفتاویٰ الہندیہ، کتاب الطہارۃ، النوع الثالث: ماء الآبار،ج۱، ص:۷۱)
 

فتاوی دارالعلوم وقف دیوبند ج2ص463

طہارت / وضو و غسل

الجواب وباللّٰہ التوفیق: ناخن ان اعضاء میں سے ہے جن کو وضو میں دھونا ضروری ہے اور پالش ان چیزوں میں ہے جو اپنی کثافت کی وجہ سے پانی کو ناخن تک پہنچنے میں رکاوٹ بنتی ہے، اسی لیے پالش لگا کر وضو کرنا درست نہیں ہے ا ور سرخی اس سے مختلف ہے؛ اس لیے اس کا حکم یہ نہیں ہے۔(۱)

(۱)و زوال مایمنع وصول الماء إلی الجسد کشمع و شحم أو کان فیہ ما یمنع الماء کعجین وجب غسلہ ما تحتہ و لا یمنع الدرن و خرء البراغیث۔(الشرنبلالی، نورالإیضاح، کتاب الطہارۃ، فصل في الوضوء، ص:۳۱ مکتبۃ عکاظ دیوبند)؛ و إن کان ممضوغاً مضغاً متاکداًبحیث تداخلت أجزاء ہ و صار لزوجۃ و علاکۃ کالعجین شرح المنیۃ۔ قولہ وھو الأصح صرح بہ في شرح المنیۃ و قال: لامتناع نفوذ الماء مع عدم الضرورۃ۔ والحرج۔ (ابن عابدین، ردالمحتار، کتاب الطہارۃ، مطلب في أبحاث الغسل، ج۱، ص:۲۸۹)؛ والخضاب إذا تجسد و یبس یمنع تمام الوضوء والغسل۔ (جماعۃ من علماء الہند، الفتاویٰ الہندیۃ،کتاب الطہارۃ، الباب الأول في الوضوء، الفرض الثاني: غسل الیدین،ج:۱، ص:۵۴، مکتبۃ فیصل دیوبند)؛ و أو لزق بأصل ظفرہ طین یابس أو رطب لم یجز، و إن تلطخ یدہ بخمیر أو حناء جاز۔(جماعۃ من علماء الہند، ’’کتاب الطہارۃ، الباب الأول في الوضوء، الفرض الثاني، في غسل الیدین‘‘، ج:۱، ص:۵۵)
 

فتاوی ٰ دارالعلوم وقف دیوبند ج3 ص132

طہارت / وضو و غسل

الجواب وباللّٰہ التوفیق: فقہ حنفی کی معتبر کتاب در مختار میں لکھا ہے کہ: باوضو شخص اگر شرمگاہ کو چھوتا ہے، تو چھونے کی وجہ سے وضو نہیں ٹوٹے گا، لیکن مستحب ہے کہ ہاتھ دھولے؛ ایسے ہی اگر اس نے عورت کو چھو لیا یا امرد کو ہاتھ لگا دیا؛ تویہ بھی ناقض وضو نہیں ہے۔
لا ینقضہ مس ذکر لکن یغسل یدہ ندباً۔ وامرأۃ و أمرد لکن یندب۔(۴) عن  النبي صلی اللّٰہ علیہ وسلم: أنہ سألہ رجل فقال یا نبی اللّٰہ ماتری في مس الرجل ذکرہ بعد ما توضأ؟ فقال النبي صلی اللّٰہ علیہ وسلم: ہل ہو إلا بضعۃ منک أو مضغۃ منک  ہذا حدیث ملازم، صحیح مستقیم الإسناد،(۱) و منہا: مس إمرأۃ الخ۔(۲)
 

(۴) ابن عابدین، ردالمحتار، کتاب الطہارۃ، مطلب في ندب مراعاۃ الخلاف إذا لم یرتکب مکروہ مذہبہ، ج۱، ص:۱۴۷
(۱) أخرجہ أبوجعفر أحمد بن محمد، المعروف بـ الطحاوي، شرح معاني الآثار، ’’باب مس الفرج ھل یجب فیہ الوضوء أم لا‘‘، ج۱، ص:۷۶، رقم: ۴۶۱
(۲) مراقی الفلاح شرح متن نور الإیضاح، حسن بن عمار المصري الحنفي، وراجعہ، نعیم زردور۔ ’’کتاب الطہارۃ، فصل عشرۃ أشیاء لا تنقض الوضوء‘‘، ج۱، ص:۳۸

 

فتاوی دارالعلوم وقف دیوبند ج3 ص232

طہارت / وضو و غسل

 الجواب وباللّٰہ التوفیق:فرض غسل کے اندر پورے جسم تک پانی پہنچانا فرض ہے   اس لیے بلاضرورت اس طرح کے چپ کا استعمال درست نہیںہوگا اور اگر کوئی اس طرح کا چپ استعمال کرے، تو اس کا فرض غسل صحیح نہیں ہوگا، ہاں اگر مریض کو اس طریقۂ علاج کی ضرورت ہو اور اس طرح سے فائدہ کا یقین یا ظن غالب ہو، تو اس طرح کے چپ کے استعمال کی اجازت ہوگی اور اگر غسل فرض کی ضرورت ہو اور چپ نکالنے میں نقصان اور ضرر نہ ہو، تو چپ نکالنا ضروری ہے ورنہ اسی چپ کے ساتھ غسل کرلے۔ اس چپ کو پٹی کے مشابہ قرار دیا جائے گا اس کے ظاہر پر پانی پھیر لینا کافی ہوگا۔
و یجب أي یفرض (غسل) کل ما یمکن من البدن بلا حرج مرۃ کأذن و سرۃ و شارب و حاجب و أثناء لحیۃ و شعر رأس ولو متلبداً لما في -فاطھروا- من المبالغۃ.و أما إذا لم یضرہ فلا یمسح علی الجبائر.(۱) قال قاضی خاں : و یمسح علی العصابۃ  کان تحتہ جراحۃ أو لا۔۔۔ لأن العصابۃ لا تعصب علی وجہ
یأتي علی موضع الجراحۃ۔ (۲)

(۱) ابن عابدین، رد المحتار، ’’کتاب الطہارۃ، مطلب في أبحاث الغسل‘‘ ج۱،ص:۲۸۵
(۲) محمد بن محمد، العنایۃ شرح الہدایۃ، ’’باب المسح علی الخفین‘‘ ج۱،ص:۱۵۷(بیروت: دارالکتب العلمیۃ، لبنان)

 

 فتاوی دارالعلوم وقف دیوبند ج3 ص322

اسلامی عقائد

Ref. No. 2722/45-4466

بسم اللہ الرحمن الرحیم:۔ وہ اسباب جن کی بناء پر شریعت کسی چیز کو حرام قرار دیتی ہے، وہ پانچ ہیں، ضرر، سکر، خبث، کرامت، نجاست۔

خبث سے مراد یہ ہے کہ ایک سلیم الفطرت انسان اس کو طبعی طور پر ناپسند کرے، اور اس کا مزاج اس سے گھن کھائے اور طبیعت نفرت کرے، اگر کوئی شیئ مضرت یا خبث کی وجہ سے حرام ہو، مگر مجموعہ میں جاکر اس کا خبث دور ہو جائے اور مضرت نہ رہے اور گھن محسوس نہ ہو تو اس کا استعمال جائز ہوگا۔آپ نے جس شیلاک  کا ذکر کیا ہے یہ لیک نامی کیڑے سےنکالا جاتا ہے، اس شیلاک میں اگر کوئی خبث نہیں ہے تواس کا استعمال جائز ہوگا ، اس کو اگر کسی کھانے کی چیز میں ملایا جائے تو عدم استقذا شرط ہے اور اگر خارجی استعمال ہو تواس کے لئے عدم استقذاء شرط نہیں ہے۔

واللہ اعلم بالصواب

دارالافتاء

دارالعلوم وقف دیوبند

 

نماز / جمعہ و عیدین

الجواب وباللّٰہ التوفیق:  بعض اوقات حرف کو گھٹانے یا بڑھانے سے معنیٰ میں فساد پیدا ہو جاتا ہے اور فسادِ معنی سے فسادِ نماز کا اندیشہ ہے، لہٰذا ایسے شخص کو امام صاحب کی غیر موجودگی میں امام نہیں بنانا چاہیے، بلکہ صحیح قرآن پڑھنے والے کو امام مقرر کرنا چاہیے جو قرآن کریم کے حروف کو قواعد کے مطابق صحیح ادائیگی کے ساتھ پڑھ سکے۔(۱)
نیز اگر نمازی میں اس امام سے بہتر کوئی قاری،حافظ اور عالم موجود ہوں تو مذکورہ شخص کے پیچھے نماز درست نہیں ہوگی اگر ان حضرات نے اس کے پیچھے نمازیں پڑھی ہیں تو وہ نماز واجب الاعادہ ہیں۔
البتہ مذکورہ شخص کو چاہئے کہ اس دوران قرآن کی تعلیم لیتا رہے اور حروف کی صحیح ادائیگی کی پوری کوشش کرتا رہے تو اس کے پیچھے ا س جیسا قرآن مجید پڑھنے والے مقتدیوں کی نماز تو درست ہو جائے گی تاہم صحیح پڑھنے والے عالم کا اس کے پیچھے نماز ادا کرنا درست نہیں ہے۔
’’في الدر المختار: (و) لا (غیر الالثغ بہ) أي بالألثغ (علی الأصح) کما في البحر عن المجتبیٰ، و حرر الحلبي وابن الشحنۃ أنہ بعد بذل جھدہ دائما حتما کالأمي فلا یؤم، إلا مثلہ‘‘
’’وفي الشامیۃ تحتہ: (قولہ ولا غیر الألثغ بہ) ھو بالثاء المثلثۃ بعد اللام من اللثغ بالتحریک … زاد في القاموس : أو من حرف إلی حرف … (قولہ فلا یؤم إلا مثلہ) یحتمل أن یراد المثلیۃ في مطلق اللثغ فیصح اقتداء من یبدل الراء المھملۃ غینا معجمۃ بمن یبد لھا لا ما۔ وفي الدر: واعلم أنہ (إذا فسد الاقتداء) بأي وجہ کان (لا یصح شروعہ في صلاۃ نفسہ)‘‘(۱)
’’في الدر المختار: ولا (حافظ آیۃ من القرآن بغیر حافظ لھا) وھو الأمي اھـ۔
’’وفي الشامیۃ تحتہ: (قولہ بغیر حافظ لھا) شمل من یحفظھا أو اکثر منھا لکن بلحن مفسد للمعنی لما في البحر: الأمي عندنا من لا یحسن القراء ۃ المفروضۃ اھـ‘‘(۲)

(۱) ظفر أحمد العثماني، إمداد الأحکام: ج ۲: ص: ۱۸۶۔
(۱) ابن عابدین،  رد المحتار، ’’کتاب الصلاۃ: باب الإمامۃ، مطلب في الألثغ‘‘:  ج ۲، ص:۳۲۹-۳۲۷۔
(۲) أیضًا: ’’مطلب: الواجب کفایۃ ہل یسقط بفعل الصبي وحدہ‘‘: ج۲، ص: ۳۲۴؛ وکذا في مراقي الفلاح مع حاشیۃ للطحطاوي:ص: ۴۳۲۔

 فتاویٰ دارالعلوم وقف دیوبند ج5 ص220