فقہ

Ref. No. 3656/47-9752

الجواب

بسم اللہ الرحمن الرحیم:  ۔ شرعی حدود میں  رہ کر تعویذ وعملیات کے ذریعہ لوگوں کا علاج کرنا  اور اس پر اجرت لینا جائز ہے۔ اور اگر غیرشرعی امور کا ارتکاب کرتے ہیں تو اس کا گناہ ان پر ہوگا ۔  عملیات میں جائز و ناجائز دونوں طرح لوگ کام کرتے ہیں، اس سے امام صاحب غلط کررہے ہوں کوئی ضروری نہیں ہے۔ امام صاحب کو بھی اس سلسلہ میں احتیاط کرنی چاہئے، اور اپنے عملیات کا مقصد لوگوں کا علاج ہونا چاہئے اصل مقصود پیسہ نہیں ہونا چاہئے گوکہ کچھ اجرت کے طور پر لینے میں بھی کوئی مضائقہ نہیں ہے۔

 واللہ اعلم بالصواب

دارالافتاء

دارالعلوم وقف دیوبند

نکاح و شادی

Ref. No. 3655/47-9753

الجواب

بسم اللہ الرحمن الرحیم:  ۔  دوگواہوں کی موجودگی میں آپسی رضامندی سے کیا ہوا نکاح شرعی طور پر درست  اور معتبر  ہے۔ اس نکاح کے بعد دونوں  میاں بیوی  ہیں۔ عورت کے بلاوجہ محض انکار کرنے سے مذکورہ نکاح پر کوئی فرق نہیں پڑے گا، نکاح ختم نہیں ہوگا۔ ایک شخص کی بیوی ہوتے ہوئے اس کا کسی دوسرے سے نکاح حرام ہے، اگر نکاح کرے گی تو نکاح منعقد ہی نہیں ہوگا۔

تاہم اگر عورت اپنے شوہر سے خلع لے لے یا شوہر اس کو طلاق دیدےتو اب عدت گزارنے کے بعد دوسری جگہ نکاح کرسکے گی۔ شوہر سے طلاق لئے بغیر عورت کا  دوسری جگہ نکاح حرام ہے۔

 واللہ اعلم بالصواب

دارالافتاء

دارالعلوم وقف دیوبند

طلاق و تفریق

Ref. No. 3654/47-9754

الجواب

بسم اللہ الرحمن الرحیم:  ۔ اسلام میں نکاح ایک پاکیزہ رشتے کا نام ہے،اسلام نے اس کی پائداری پر زور دیا ہے، اور اس کے لیے باہمی الفت ومحبت اور دونوں کو ایک دوسرے کے حقوق کی ادائیگی کی تلقین کی ہے لیکن اگر کسی وجہ سے میاں بیوی کے درمیان نااتفاقی ہونے لگے تو پہلے دونوں خاندان کے بزرگ کو صلح کرانے کی کوشش کرنی چاہیے؛ کیوںکہ اسلام میں طلاق ناپسندیدہ فعل ہے اور بلا ضرورت اسکا استعمال درست نہیں ہے۔ پھر بھی اگر نباہ کی کوئی صورت نہ بن سکے اور فتنہ وفساد کا اندیشہ ہو تو ایک طلاق صریح دے کر دونوں کو الگ ہو جانے کا حکم ہے۔  ایک طلاق کے بعد اگر دوبارہ ساتھ رہنا چاہیں تو عدت میں رجوع کے ذریعہ اور عدت کے بعد نکاح کے ذریعہ دونوں ساتھ رہ سکتے ہیں۔  ایک ساتھ تین طلاق دینا شرعاً گناہ ہے اور ملکی قانون کے مطابق قابل مواخذہ جرم ہے۔

بشرط صحت سوال صورت مسئولہ میں عورت پر تین طلاقیں واقع ہوچکی ہیں، اور میاں بیوی اجنبی ہوچکے ہیں، ان کا آپس میں ملنا باتیں کرنا حرام ہے۔ ان کا فی الحال آپس میں  نکاح  کرنا بھی حرام ہے۔ البتہ عورت عدت گزارنے کے بعد کسی دوسرے مرد سے نکاح کرنے کے لئے آزاد ہوگی۔

 واللہ اعلم بالصواب

دارالافتاء

دارالعلوم وقف دیوبند

The Holy Qur’an & Interpretation

Ref. No. 3653/47-9755

الجواب

بسم اللہ الرحمن الرحیم:  ۔ لحن جلی کے ساتھ نماز درست نہیں ہوتی ہے، لہذا ایسے امام سے امامت کرانا بھی  درست نہیں ہے۔ اگرامام صاحب اپنی اصلاح کرلیں اور اپنی قرات کی غلطیوں کو ٹھیک کرلیں تو ان کو امامت پر باقی رکھاجاسکتاہے اور یہ بہتر ہوگا۔ اور جب تک نائب امام صاحب امامت کے فرائض انجام دیتے رہیں، تاہم اگر امام صاحب اپنی اصلاح کے لئے تیار نہ ہو ں تو  وہ بھی  گنہ گار ہوں گے ۔اور جو انتظامیہ ان کواما مت پر باقی رکھے گی  وہ بھی گنہ  گار ہوگی ۔  شرعا ایسے امام کو برطرف کرنا لازم ہے ۔ خواص اپنی نماز کا اعادہ کریں  گے،  جبکہ  عوام کو نماز کے اعادہ  کا حکم نہیں دیاجائےگا ۔   اور اب تک جو امام صاحب نے امامت کے لئے وقت دیا اس کی تنخواہ  ان کےلئے           حلال  ہے ۔ 

 واللہ اعلم بالصواب

دارالافتاء

دارالعلوم وقف دیوبند

Fiqh

Ref. No. 3651/47-9751

الجواب

بسم اللہ الرحمن الرحیم:  ۔  کھانا وغیرہ بنانے کے لئے یا کھانا کھانے کے لئے مسجد کا استعمال کرنا  درست  نہیں  ہے،  مسجد کی تعظیم واجب ہے۔ بدبودار چیزوں کا مسجد میں لانا بھی درست نہیں  ہے۔ کھانا پکانا، کھانا کھانا، کھانا کھلانا یا کھانے کے سامان کاٹنا یہ سارے کام مسجد کے خارجی حصہ میں کرنا ضروری ہے۔ مسجد کا شرعی حصہ ہمیشہ نمازیوں کے لئےخالی اورہر طرح کی آلودگی سے   پاک صاف رہنا چاہئے۔

 واللہ اعلم بالصواب

دارالافتاء

دارالعلوم وقف دیوبند

Family Matters

Ref. No. 3650/47-9750

الجواب

بسم اللہ الرحمن الرحیم:  ۔ (۱)  مرحوم کی دوسری بیوی جس مکان میں رہتی ہے، وہ مکان وراثت میں تقسیم ہوگا، اور اس مکان کے متعلق مرحوم کی وصیت کا اعتبار نہیں کیاجائےگا۔ جس مکان میں وہ رہتی ہے اس میں سے صرف ان بیوی کو آٹھواں حصہ ملے گا اور اگر اس عورت کے بھائی بہن یا والدین وغیرہ ہوں گے تو ان کو اسی آٹھویں حصہ سے وراثت ملے گی۔ اور جس بلڈنگ میں پانچ فلیٹ بنائے گئے ، تو اگر والد نے اپنی اولاد کو ان فلیٹوں پر قبضہ دیدیاتھا تو یہ اولاد کی ملکیت ہے جس میں وراثت جاری نہیں ہوگی۔ اور اگر قبضہ نہیں دیا تھا تو یہ بھی ترکہ ہے، دوسری بیوی کا آٹھواں حصہ ہوگا، اور مابقیہ کے ساتھ حصے کرکے دو حصے ہر بھائی کو اور ایک حصہ ہر بہن کو ملے گا۔ (۲) والد صاحب نے جتنی رقم چھوڑی ہے اس میں سے بھی دوسری بیوی کو آٹھواں حصہ دیں گے، اور مابقیہ کو بھائی بہنوں میں للذکر مثل حظ الانثیین کے ھساب سے تقسیم کریں گے۔ (۳)  دوسری بیوی نے  جس سونے پر دعوی کیا ہے اگر گواہ نہ ہوں تو قسم کے ساتھ ان کی بات معتبر ہوگی، اور اولاد کا اس پر کوئی حق نہیں ہوگا۔ (۴) گاڑیوں کی بازاری قیمت معلوم کرلی جائے، اور جو لینا چاہے وہ اس کی قیمت دے کر لے لے یا پھر اس کو بازار میں بیچ دیاجائے اور جو رقم ملے اس کو بھی اسی طرح تقسیم کریں کہ دوسری بیوی  کو آٹھواں حصہ دینے کے بعد مابقیہ  رقم کو بھائی بہنوں میں للذکر مثل حظ الانثیین کے حساب سے تقسیم کریں۔

 واللہ اعلم بالصواب

دارالافتاء 

دارالعلوم وقف دیوبند

Divorce & Separation

Ref. No. 3649/47-9749

In the name of Allah, the Most Gracious, the Most Merciful

The answer to your question is as follows:

If there is no valid Shar‘i (Islamic) reason, the sin of severing family ties will fall upon the husband, not the wife. However, if there is a valid Shar‘i reason, the details may be written and submitted for further consideration.

And Allah knows best

Darul Ifta

Darul Uloom Waqf Deoband

تجارت و ملازمت

Ref. No. 3648/47-9748

الجواب

بسم اللہ الرحمن الرحیم:  ۔  میت کو غسل دینے، کفن پہنانے اور دفن کرنے کی اجرت لینا جائز ہے، اور یہ کمائی حلال ہے گرچہ پسندیدہ نہیں ہے۔   تاہم اگر کوئی دوسرا غسل دینے اور تدفین کے لئے موجود نہ ہو تو اس مسلمان پر اس کی تدفین واجب ہوگی۔ اور اجرت لینا درست نہ ہوگا کیونکہ یہ ایک مسلمان کے دوسرے مسلمان  پر حقوق سے متعلق ہے۔

والافضل ان یغسل المیت مجانا فان ابتغی الغاسل الاجر جاز ان کان ثمۃ غیرہ والالا لتعینہ علیہ (شامی، 2/199)

"أخبرنا بكر بن محمد الصيرفي بمرو ثنا عبد الصمد بن الفضل ثنا عبد الله بن يزيد المقري ثنا سعيد بن أبي أيوب عن شرحبيل بن شريك المعافري عن علي بن رباح اللخمي عن أبي رافع قال: قال رسول الله صلى الله عليه و سلم: من غسل ميتًا فكتم عليه غفر له أربعين مرةً، و من كفن ميتًا كساه الله من السندس و استبرق الجنة، و من حفر لميت قبرًا فأجنه فيه أجرى له من الأجر كأجر مسكن أسكنه إلى يوم القيامة. هذا حديث صحيح على شرط مسلم و لم يخرجاه". (المستدرك علی الصحیحین للحاکم، کتاب الجنائز: ۱/۵۰۵، رقم الحدیث:۱۳۰۷، ط: دارالکتب العلمیہ بیروت)

 واللہ اعلم بالصواب

دارالافتاء

دارالعلوم وقف دیوبند

احکام میت / وراثت و وصیت

Ref. No. 3647/47-9747

الجواب

بسم اللہ الرحمن الرحیم:  ۔  یہ مکان جو آپ نے اپنی ذاتی رقم سے خریدا ہے یہ آپ کی ملکیت ہے، اس میں بھائیوں کا یاوالدین کا کوئی حصہ شرعا واجب نہیں ہے، یہ آپ کی ذاتی ملکیت ہے اور آپ کو اس میں تصرف کا مکمل اختیار ہے۔ البتہ اگر آپ نے وہ مکان والد کے نام کردیا تھا اور ان کو مالک بنادیا تھا تو اب اس مکان میں وراثت جاری ہوگی۔

 واللہ اعلم بالصواب

دارالافتاء

دارالعلوم وقف دیوبند

طلاق و تفریق

Ref. No. 3646/47-9746

الجواب

بسم اللہ الرحمن الرحیم:  ۔  بشرط صحت سوال صورت مسئولہ میں تین طلاق دی کہتے وقت  اپنی بیوی کی طرف طلاق کی نسبت نہ تو صراحتا پائی گئی نہ حکما، اس لئے محض اس جملہ سے کوئی طلاق واقع نہیں ہوئی۔ اور میں نے رجوع کرلیا کہنے سے بھی کوئی طلاق واقع نہیں ہوئی ، البتہ اس طرح وسوسوں کا شکار ہونا خطرناک ہے، طلاق کے بارے میں اپنے ذہن و دماغ کو صاف رکھئے تاکہ آئندہ زبان محفوظ رہے۔

 واللہ اعلم بالصواب

دارالافتاء

دارالعلوم وقف دیوبند