اسلامی عقائد

Ref. No. 3631/47-9843

الجواب

بسم اللہ الرحمن الرحیم: ۔     نبی کریم ﷺ کی سیرت بیان کرنا، نعتیہ اشعار پڑھنا، اور آپ ﷺ کی محبت کو تازہ کرنے والی محفلیں (خواہ کسی بھی وقت ہوں) فی نفسہٖ جائز اور باعثِ خیر ہیں، بشرطیکہ ان میں کوئی ناجائز بات شامل نہ ہو، مثلاً:گانے بجانے کے آلات کا استعمال نہ ہو۔

جھوٹ، غلو (انتہا پسندی) یا شرکیہ باتیں شامل نہ ہوں۔شریعت کے خلاف طور طریقے نہ ہوں۔اس شرط کے ساتھ سیرت کی محفلیں اور نعتیں پڑھنا درست اور باعثِ ثواب ہے۔قصیدہ بردہ شریف امام بوصیریؒ کی لکھی ہوئی مشہور نعت ہے۔ اس کے اکثر اشعار محبتِ رسول ﷺ پر مشتمل ہیں، اور صدیوں سے اہلِ سنت علما اور عوام میں مقبول ہیں۔ اس میں بعض اشعار ایسے ہیں جن میں مبالغہ پایا جاتا ہے، جنہیں اگر عقیدہ سمجھا جائے تو وہ درست نہیں، لیکن اگر انہیں محبت اور شاعر انہ تخلیات کے انداز میں لیا جائےاور انہیں صرف شاعر کا مبالغہ سمجھا جائے (جیسا کہ شعری اسلوب میں عام ہے) تو وہ درست ہیں اور ان میں شرک نہیں ہے۔

اس لیے علما نے وضاحت کی ہے کہ اگر کوئی شخص ان اشعار کو صحیح عقیدہ کے ساتھ پڑھے اور شرعی اصولوں کے خلاف کوئی معنی مراد نہ لے، تو قصیدہ بردہ پڑھنا جائز ہے۔ البتہ اسے نعتیہ انداز میں، ادب و احترام کے ساتھ پڑھنا چاہئے۔

واللہ اعلم بالصواب

دارالافتاء

دارالعلوم وقف دیوبند

Divorce & Separation

Ref. No. 3629/47-9653

الجواب

بسم اللہ الرحمن الرحیم: ۔  اگر آپ کو دوا کے بغیر بالکل حیض نہیں آتا، یعنی آپ حیض سے محروم سمجھی جائیں، تو آپ کی عدت تین قمری مہینے ہوگی، چاہے دوا کھا کر حیض آ جائے۔اگر طبی طور پر اور شرعاً آپ حیض والی عورت ہیں (یعنی آپ کا رحم حیض کی صلاحیت رکھتا ہے اور دوائی سے حیض آ جاتا ہے)، تو پھر وہ حیض معتبر ہوگا، اور عدت تین حیض سے پوری ہوگی۔در اصل عدت کا ایک  مقصد استبرائے رحم  بھی ہے، تاکہ معلوم  ہوجائے کہ عورت حمل سے نہیں ہے اور رحم خالی ہے اورتاکہ  دوسرے مرد سے نکاح کرنے میں اختلاط نسب  نہ ہو۔

"وَاللَّائِي يَئِسْنَ مِنَ الْمَحِيضِ ... فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ" (الطلاق: 4)

"وَإِنْ كَانَتْ مِمَّنْ تَحِيضُ فَعِدَّتُهَا بِالْقُرُوءِ، وَإِنْ كَانَتْ مِمَّنْ لَا تَحِيضُ فَعِدَّتُهَا بِالشُّهُورِ."(الهداية مع فتح القدير 3/283)

"مَنْ لَا تَحِيضُ لِكِبَرٍ أَوْ صِغَرٍ أَوْ مَرَضٍ فَعِدَّتُهَا ثَلَاثَةُ أَشْهُرٍ."(الدر المختار 3/524)

واللہ اعلم بالصواب

دارالافتاء

دارالعلوم وقف دیوبند

اسلامی عقائد

Ref. No. 3627/47-9684

الجواب

بسم اللہ الرحمن الرحیم: ۔ (۱) سیرۃ النبی  ﷺاز علامہ شبلی نعمانی و سید سلیمان ندوی   (۲) الرحیق المختوم از مولانا صفی الرحمن مبارکپوری (۳) مختصر سیرۃ النبی  ﷺ از علامہ ابن کثیر (۴) رحمت عالم از سید سلیمان ندوی  ۔۔۔وغیرہ کتابیں ہندی زبان میں موجود ہیں۔

واللہ اعلم بالصواب

دارالافتاء

دارالعلوم وقف دیوبند

نماز / جمعہ و عیدین

Ref. No. 3626/47-9669

الجواب

بسم اللہ الرحمن الرحیم: ۔اگر کوئی شخص کھڑا ہونے پر قادر نہیں لیکن بیٹھ کر نماز پڑھ سکتا ہے اور زمین پر سجدہ بھی کرسکتا ہے، تو اس کے لیے کرسی پر نماز پڑھنا جائز نہیں ہے۔  ایسے شخص پر لازم ہے کہ وہ بیٹھ کر (زمین پر) نماز پڑھے اور زمین پر ہی سجدہ کرے۔اگر وہ کرسی پر بیٹھ کر نماز پڑھے اور زمین پر سجدہ کرنے کے بجائے محض اشارے سے سجدہ کرے، تو ایسی صورت میں نماز ادا نہ ہوگی، کیونکہ اس نے اپنی قدرت کے باوجود اصلی سجدہ ترک کر دیا۔"من قدر على السجود على الأرض لا يجزئه الإيماء." (الفتاوى الهندية 1/135)

واللہ اعلم بالصواب

دارالافتاء

دارالعلوم وقف دیوبند

تجارت و ملازمت

Ref. No. 3622/47-9667

الجواب

بسم اللہ الرحمن الرحیم:  ۔  اب تک کا کام آپ نے براہِ راست ٹھیکیدار سے لیا تھا، اور پیسوں کی طے شدہ شرح بھی اسی سے ہوئی تھی۔  اور اب جب کہ مالک چاہتا ہے کہ آئندہ آپ سے ہی معاملہ ہو۔تو اب آپ مالک کے ساتھ واضح معاہدہ کریں کہ باقی کام کتنے ریٹ پر اور کن شرائط پر ہوگا تاکہ بعد میں کوئی الجھن نہ ہو۔نیزیہ بھی طے کریں کہ پچھلے کام کا حساب کس کے ذمے ہے: مالک یا ٹھیکیدار؟ (کیونکہ پچھلا معاہدہ آپ کا ٹھیکیدار سے تھا، تو بہتر ہے کہ اس کا حساب آپ اسی سے لیں)۔

واللہ اعلم بالصواب

دارالافتاء

دارالعلوم وقف دیوبند

نکاح و شادی

Ref. No. 3621/47-9654

الجواب

بسم اللہ الرحمن الرحیم:  ۔  جب آپ نے دوگواہوں کی موجودگی میں نکاح کرلیا تو نکاح درست ہوگیا، اب شرعا وہ آپ کی بیوی ہے، بلاوجہ شرعی طلاق دینا یا عورت کا طلاق کا مطالبہ کرنا گناہ ہے۔ لہذا لڑکی کے والد سے بات کریں، اور گھر والوں کے مشورہ سے نکاح کو باقی رکھنے کی کوشش کریں۔ صلح وصفائی سے معاملہ کو حل کرنا ہی شریعت کی اہم تعلیم ہے۔

واللہ اعلم بالصواب

دارالافتاء

دارالعلوم وقف دیوبند

نکاح و شادی

Ref. No. 3620/47-9662

الجواب

بسم اللہ الرحمن الرحیم:  ۔  ابوداؤد وغیرہ کی بعض روایات سے پتہ چلتا ہے کہ اللہ کے نبی علیہ السلام نے امہات المؤمنین میں سے حضرت حفصہ کو طلاق دی تھی ، پھر آپ ﷺنے رجوع بھی کر لیا تھا، جس کی وجہ یہ تھی کہ آپ نے حضرت حفصہ کو ایک راز پوشیدہ رکھنے کا حکم فرمایا تھا، مگر وہ پوشیدہ نہ رکھ سکیں اور انہوں نے حضرت عائشہ کے سامنے اس کا افشاء کر دیا اس پر آں  حضرت ﷺ نے حضرت حفصہ کو طلاق دی دے تھی، پھر حضرت جبرئیل علیہ السلام کے مشورے سے آپ نے اس سے رجوع بھی کر لیا تھا؛ البتہ طبرانی وغیرہ کی بعض روایات سے پتہ چلتا ہے کہ آپﷺ  نے طلاق دینے کا محض ارادہ فرمایا تھا ، اسی دوران حضرت جبرئیل علیہ السلام تشریف لے آئے اور فرمایا کہ آپ طلاق نہ دیجیے ؛ اس لیے کہ وہ روزہ دار، نماز کی پابند اور بے حد عبادت گزار ہیں اور جنت میں آپ کی بیویوں میں سے ایک ہیں، چناں چہ آپ نے طلاق دینے کا ارادہ ترک کر دیا۔

اس کے علاوہ وہ خواتین جن سے آپ نے صرف عقد کیا تھا، پھر ان سے رخصتی کی نوبت نہیں آئی یا صرف پیغام نکاح بھیجا تھا ، پھر کسی وجہ سے عقد نہیں کیا، ان کی تعداد اور اسباب فرقت میں بڑا اختلاف ہے، علامہ ابن قیم جوزی نے " زاد المعاد فی ھدی خیر العباد میں ایسی عورتوں کی تعداد پانچ سے چھ بتائی ہیں، جب کہ علامہ یوسف الصالحیی الشامی نے ” سبل الهدی والرشاد میں ان کی تعداد تیس  تک ذکر کی ہے ، بعض نے اس سے بھی زائد ذکر کیا، جن میں کچھ وہ خواتین ہیں جن کا تذکرہ صحیح روایات میں بھی آیا ہے، جیسے : ابنہ الجون جن کا تذکرہ بخاری وغیرہ میں بھی ہے، فاطمہ بنت الضحاک، امیمہ بنت شراحیل وغیرہ وغیرہ۔ لہذا اس اعتبار سے اگر ان خواتین کو بھی شامل کیا جائے جن سے صرف آپ کا عقد ہوا تھا یا جنہوں نے صرف پیغام نکاح بھیجا تھا پھر ان سے عقد نہیں ہوا تو اس طرح اس مولانا صاحب کا دعوی درست ہو سکتا ہے ممکن ہے مولانا نے اس طرف اشارہ کیا ہوتا ہم مبہم انداز میں اس طرح عمومی مجمع میں بیان کرنے سے احتراز کرنا چاہیے ۔

 عن عمر: أن رسول اللہ صلی اللہ علیہ وسلم طلق حفصة ، ثم راجعها ( أبوادو د ، کتاب الطلاق، تیم الحديث : ۲۲۸۳) قوله : (طلق حفصة ) فيه جواز التطليق وأنه لا يتنافى الكمال إذا كان لمصلحة ( حاشية السندى على سفن ابن ماجه .

 

۱/۶۲۲) عن عمار بن یاسر قال : أراد رسول الله من أن يطلق حفصة فجاء جبرئیل، فقال: (أطلتها إف إنهاصة امته قوامة ، و إنها زوجتك في الجنة (النجم الكبير للطبرانی ، ۱۸۸ / ۲۳ ، رقم الحدیث: ۱۱۰۳) در ایقاعه مباح عند العامة ل إطلاق الآيات ۔۔ (وفی هامشه : نه مل ان طلق حفصة لالربة ولاكبر -- الخ (الدر مع الرد، ۳/۲۲۸، دار الفکر بیروت)

جہاں تک تعدد ازواج کی ترغیب کا تعلق ہے، تو اس سلسلے میں نصوص شرعیہ سے یہ بات واضح ہوتی ہے کہ تعدد ازواج کی اجازت عدل وانصاف کے ساتھ مقید ہے ، لہٰذا اگر کسی خاص علاقہ میں لوگ عدل وانصاف کرتے ہوں اور وہاں تعدد ازواج کی ضرورت ہو تو ایسے خاص مواقع پر تعدد ازواج کی ترغیب دی جاسکتی ہے ؟ تاہم عمومی بیانات میں لوگوں کے عام طور پرعدل و انصاف کے تقاضے پورے نہ کرنے کی وجہ سے اس طرح کی ترغیب دینے سے احتراز کرنا چاہیے۔

واللہ اعلم بالصواب

دارالافتاء

دارالعلوم وقف دیوبند

احکام میت / وراثت و وصیت

Ref. No. 3619/47-9656

الجواب

بسم اللہ الرحمن الرحیم:  ۔  خیال رہے کہ میراث انتقال کے وقت کے زندہ وارثوں میں تقسیم ہوتی ہے۔  جو وارث مرحوم کے انتقال کے وقت زندہ تھا، اس کا حصہ اس کی ملکیت بن گیا، چاہے بعد میں وہ فوت ہو جائے۔ پھر اس فوت ہونے والے وارث (زید) کا حصہ اس کے اپنے ورثاء (بیوی و بیٹا) کو الگ سے منتقل ہوگا۔

صورت مسئولہ میں والد کا ترکہ چونسٹھ ( 64)  حصوں میں تقسیم ہوگا، جن میں سے مرحوم کی بیوہ کو آٹھ حصے، ہر ایک بیٹے کو چودہ حصے اور ہر ایک بیٹی کو سات حصے ملیں گے۔ پھر بیٹے زید کا حصہ اس کی اولاد میں اس طرح تقسیم ہوگا کہ زید کی بیوی کو آٹھواں حصہ دینے کے بعد مابقیہ لڑکےکو بطور عصبہ دیدیاجائےگا۔

وشرطہ وھو حیاۃ الوارث بعد موت المورث۔  (البحرالرائق، کتاب الفرائض میراث ذوی الارحام8/577)

فَاِنْ  كَانَ  لَكُمْ  وَلَدٌ  فَلَهُنَّ  الثُّمُنُ  مِمَّا  تَرَكْتُمْ  مِّنْۢ  بَعْدِ  وَصِیَّةٍ  تُوْصُوْنَ  بِهَاۤ  اَوْ  دَیْنٍؕ- (سورۃ النساء ۱۲)

واللہ اعلم بالصواب

دارالافتاء

دارالعلوم وقف دیوبند

نکاح و شادی

Ref. No. 3618/47-9655

الجواب

بسم اللہ الرحمن الرحیم:  ۔ غیربرادری میں شادی کرنا گوکہ شرعا درست ہے  اورنکاح میں اصل معیار شریعت کی رو سے دین و اخلاق ہے، نہ کہ حسب و نسب یا برادری۔ البتہ یہ بھی ایک حقیقت ہے کہ بعض مرتبہ غیر برادری میں شادی کرنے سے گھریلو ماحول، خاندانی ہم آہنگی اور تہذیبی یکسانیت متاثر ہوتی ہے، جس کا اثر بچوں کی تربیت اور نشوونما پر بھی پڑ سکتا ہے۔ اس پہلو کو بھی نظر انداز کرنا دانشمندی نہیں ہے۔

بہتر یہ ہے کہ دین و اخلاق کو اصل معیار رکھتے ہوئے، والدین کو ساتھ لے کر فیصلہ کیا جائے تاکہ نکاح برکت اور سکون کا باعث بنے اور گھریلو کشیدگی سے بھی بچا جا سکے۔

إِنَّ أَكْرَمَكُمْ عِندَ اللَّهِ أَتْقَاكُمْ (الحجرات: 13)

إذا جاءكم من ترضون دينه وخلقه فزوجوه، إلا تفعلوا تكن فتنة في الأرض وفساد عريض (ترمذی)

واللہ اعلم بالصواب

دارالافتاء

دارالعلوم وقف دیوبند

Fiqh

Ref. No. 3617/47-9663

الجواب

بسم اللہ الرحمن الرحیم:  ۔  سوال میں ذکر کردہ تفصیلات کی سچائی کی ذمہ داری سائل پر ہے اگر واقعی امام کی یہی صورتحال ہے تو ایسا شخص فاسق ہے اس کی امامت مکروہ تحریمی ہے حکمت و مصلحت کے ساتھ ایسے شخص کو ہٹایا جا سکتا ہے جب اہل محلہ میں سے دو تہائی لوگ امام کو اس کے غلط عمل کی وجہ سے ناپسند کرتے ہوں تو ان کو خود بھی چاہیے کہ امامت سے استعفاء دے دیں تاکہ اختلاف و انتشار ختم ہو ۔

اگر لوگوں نے امام صاحب کو دیانت دار اور ان کے ادارے کو مستحق زکوۃ سمجھ کر زکوۃ دیا بعد میں معلوم ہوا کہ ان کا ادارہ مستحق زکوۃ نہیں ہے یا امام صاحب نے مصرف میں خرچ  نہیں کیا ہے تو زکوۃ دہندگان کی زکوۃ ادا ہو گئی اور غلط بیان اور غلط خرچ کا وبال امام صاحب پر ہوگا ہاں اگر کسی نے یہ جانتے ہوئے کہ یہ مدرسہ زکوۃ کا مصرف نہیں ہے زکوۃ دیا ہے تو ان کی زکوۃ ادا نہیں ہوئی ان کو دوبارہ زکوۃ نکالنی ہوگی۔

واللہ اعلم بالصواب

دارالافتاء

دارالعلوم وقف دیوبند