Frequently Asked Questions
احکام میت / وراثت و وصیت
Ref. No. 3583/47-9602
الجواب
بسم اللہ الرحمن الرحیم: ۔ مرحوم چھوٹے بھائی کا کل ترکہ اٹھارہ حصوں میں تقسیم ہوگا، جن میں سے تین حصے والدہ کو ملیں گے اور باقی پندرہ حصے تینوں بھائیوں میں پانچ پانچ حصے کے اعتبار سے تقسیم ہوں گے۔ یعنی پانچ لاکھ میں سے 27،777 روپئے والدہ کو دینے کے بعد مابقیہ کو تینوں بھائی آپس میں برابر تقسیم کرلیں گے تو ہر ایک بھائی کے حصے میں 1،38،888 روپئے آئیں گے۔ اسی طرح زمین کو بھی اٹھارہ حصوں میں تقسیم کرکے والدہ کو تین حصے دینے کے بعد مابقیہ کو تینوں بھائی آپس میں برابر تقسیم کرلیں گے۔
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3582/47-9601
الجواب
بسم اللہ الرحمن الرحیم: ۔ منھ بولا بھائی یا بہن محض اجنبی ہیں، ان سے اسی طرح پردہ لازم ہے جس طرح ایک اجنبی سے پردہ لازم ہے۔ منھ بولے بھائی یا بہن سے بلاضرورت بات چیت کرنا بھی جائز نہیں ہے۔ان کے ساتھ کھانا پینا اورگھومنا پھرنا حرام ہے۔ اگرچہ صاف اور نیک نیت کے ساتھ کسی کو منھ بولا بھائی یا بہن بنایاجائے، اور کسی طرح کا کوئی فاسد خیال نہ ہو تو بھی ان کے ساتھ بے تکلف ہونا جائز نہیں ہوگا۔ جو کام غلط ہے اس کو خواہ کتنی ہی نیک نیتی سے کیاجائے وہ صحیح نہیں ہوجائےگا۔
واللہ اعلم بالصواب
دارالافتاء
دارالعلوم وقف دیوبند
حج و عمرہ
Ref. No. 3581/47-9600
الجواب
بسم اللہ الرحمن الرحیم: ۔ عمرہ میں طواف کے بعد سعی کرنا واجب ہے، اگر کسی نے سعی ترک کردی تو عمرہ تو ادا ہوجائے گا تاہم اس کو سعی ترک کرنے کی بناء پر دَم دینا واجب ہوگا، اگر وہ حرم سے واپس آگیا ہے تو کسی سے رابطہ کرکے ایک جانور حرم میں ذبح کرادے تاکہ اس کا عمرہ مکمل ادا ہوجائے۔ حرم میں جانور ذبح کرانے سے عمرہ ادا ہوجائے گا، مزید کسی چیز کے کرنے کی ضرورت نہیں ہوگی۔
"(قال:) وإن ترك السعي فيما بين الصفا، والمروة رأسًا في حج أو عمرة فعليه دم عندنا، وهذا؛ لأن السعي واجب، وليس بركن عندنا، الحج والعمرة في ذلك سواء، وترك الواجب يوجب الدم ...، وجحتنا في ذلك قوله تعالى: {فمن حج البيت أو اعتمر فلا جناح عليه أن يطوف بهما} [البقرة: 158]، ومثل هذا اللفظ للإباحة لا للإيجاب فيقتضي ظاهر الآية أن لايكون واجبًا، ولكنا تركنا هذا الظاهر في حكم الإيجاب بدليل الإجماع، فبقي ما وراءه على ظاهره". (المبسوط للسرخسی 4/50)
"ومن ترك السعي بين الصفا والمروة فعليه دم وحجه تام، كذا في القدوري". (الھندیۃ 1/247)
واللہ اعلم بالصواب
دارالافتاء
دارالعلوم وقف دیوبند
نماز / جمعہ و عیدین
Ref. No. 3579/47-9598
الجواب
بسم اللہ الرحمن الرحیم: ۔ (۱) تعویذ اگر شرعی دائرہ میں ہو تو اس میں کوئی حرج نہیں ہے ، یعنی اگر تعویذ قرآن مجید، اسمائے الٰہی یا ثابت شدہ ادعیہ و اذکار پر مشتمل ہو اور اس میں کوئی شرکیہ یا ناجائز کلمات نہ ہوں تو ایسا تعویذ جائز ہے۔ فقہاء نے لکھا ہے کہ قرآن کے ذریعہ علاج کرنا بالاتفاق جائز ہے۔ (۲) دم یا تعویذ پر اجرت لینا اصلًا پسندیدہ نہیں، لیکن فقہائے احناف نے حدیثِ صحیحہ کی روشنی میں اس کی گنجائش دی ہے؛ البتہ بہتر یہی ہے کہ اسے پیشہ نہ بنایا جائے بلکہ لوجہ اللہ کیا جائے، اور لوگ اپنی خوشی سے ہدیہ دیں تو زیادہ بابرکت ہے۔اس لئے عامل صاحب کا اپنے عمل پر فیس لینا کوئی ناجائز عمل نہیں ہے؛ نیز شرعی پردے اور آداب کے ساتھ محض ضرورت کی حد تک (مثلاً مرض یا مسئلہ بیان کرنے کے لیے) نامحرم عورتوں سے گفتگو کی گنجائش ہے، مگر بلا ضرورت اور بے تکلفانہ کلام ناجائز اور گناہ ہے۔
الغرض صورت مسئولہ میں مذکورہ حافظ صاحب کو امام بنانا درست ہے۔ ان کے پیچھے نماز پڑھنے میں کوئی گناہ نہیں، ان کے پیچھے سب کی نماز درست ہے۔ لوگوں کا یہ کہنا کہ نماز درست نہیں ہوگی غلط ہے اور جہالت کی بات ہے۔ تاہم اگر وہ غیرشرعی امور میں ملوث ہیں مثلا سفلی عملیات کرتے ہوں یا بے پردہ عورت سے بے تکلف بات چیت کرتے ہوں تو ان کو امام بنانا درست نہیں ہے، گوکہ نماز ان کے پیچھے پھربھی صحیح ہوجائے گی۔
“والرُّقْيَةُ بِآيَاتِ الْقُرْآنِ وَأَسْمَاءِ اللهِ تَعَالَى جَائِزَةٌ عِنْدَ الْأَئِمَّةِ الثَّلَاثَةِ.” (فتاویٰ ہندیہ (ج 5، ص 356)
“وأَخْذُ الْأُجْرَةِ عَلَى الرُّقْيَةِ بِآيَاتِ الْقُرْآنِ جَائِزٌ.” ۔(الدر المختار مع رد المحتار (ج 6، ص 66)
“التحدث مع الأجنبية إن كان لحاجة وبقدرها لا بأس، وإلا لا يجوز.” (فتاویٰ عالمگیریہ (ج 5، ص 329)
“إِمَامَةُ الْفَاسِقِ مَكْرُوهَةٌ كَرَاهَةَ تَحْرِيمٍ، وَالصَّلَاةُ خَلْفَهُ صَحِيحَةٌ.” (فتاویٰ ہندیہ (ج 1، ص 84)
واللہ اعلم بالصواب
دارالافتاء
دارالعلوم وقف دیوبند
Business & employment
Ref. No. 3580/47-9599
In the name of Allah, the most Gracious the most Merciful
The answer to your question is as follows:
It is not permissible to invest money in a company on the basis of a fixed return. This amounts to earning interest, which is prohibited. Just as lending money and taking back more than the principal is considered interest (usury), in the same way, investing in a company and receiving a predetermined monthly or annual return also constitutes interest and is forbidden. If you have invested in such a scheme, you have to withdraw your funds as soon as possible, and any amount received over and above the principal must be given to the poor as charity, without the intention of earning reward.
وأن يكون الربح جزءا شائعا في الجملة لا معينا فإن عينا عشرة أو مائة أو نحو ذلك كانت الشركة فاسدة، كذا في البدائع (الفتاوى الهندية، کتاب الشرکت ج نمبر ۲ ص نمبر ۳۰۲،دار الفکر)
"(وأما) الشركة الفاسدة وهي التي فاتها شرط من شرائط الصحة، فلا تفيد شيئا مما ذكرنا؛ لأن لأحد الشريكين أن يعمله بالشركة الصحيحة، والربح فيها على قدر المالين؛ لأنه لا يجوز أن يكون الاستحقاق فيها بالشرط؛ لأن الشرط لم يصح، فألحق بالعدم، فبقي الاستحقاق بالمال، فيقدر بقدر المال، ولا أجر لأحدهما على صاحبه عندنا." (بدائع الصنائع في ترتيب الشرائع، کتاب الشرکۃ ج نمبر ۶ ص نمبر ۷۷ ،دار الکتب العلمیہ)
And Allah knows best
Darul Ifta
Darul Uloom Waqf Deoband
تجارت و ملازمت
Ref. No. 3578/47-9629
الجواب
بسم اللہ الرحمن الرحیم: ۔ كما أرسلتَ هذا السؤال، أرسل جميع أسئلتك الأخرى أيضًا، وانتظر الجواب. اكتبْ سؤالك باللغة الأُردية، ونحن نقوم بمراجعته وتصحيحه ثم نرسل الیك الجواب بعون الله تعالى۔
واللہ اعلم بالصواب
دارالافتاء
دارالعلوم وقف دیوبند
طلاق و تفریق
Ref. No. 3577/47-9603
الجواب
بسم اللہ الرحمن الرحیم: ۔ اگر اسلامی عدالت نے آپ کے شوہر کی موجودگی میں، اس کے علم کے ساتھ، اور جج کے فیصلے کے مطابق خلع دیا اور آپ نے عدت بھی پوری کرلی، تو شرعاً نکاح ختم ہوچکا ہے۔ عدت کے بعد آپ اپنے نکاح سے آزاد ہیں اور دوسری شادی کرسکتی ہیں۔
واللہ اعلم بالصواب
دارالافتاء
دارالعلوم وقف دیوبند
طلاق و تفریق
Ref. No. 3576/47-9594
الجواب
بسم اللہ الرحمن الرحیم: ۔ میں خدا اور رسول کو نہیں مانتا یہ انتہائی خطرناک اور ایمان کے لئے نقصاندہ جملہ ہے۔ لیکن تنبیہ ہونے پر اس نے توبہ کرلیا تو اس کا ایمان برقرار ہے،اور آئندہ خیال کرنا چاہئے۔ جاؤتم میری طرف سے فارغ ہو، یہ کنائی جملہ ہے اس سے وقوع طلاق کے لئے نیت ضروری ہے، اور یہاں پر نیت نہیں ہے، اس لئے طلاق واقع نہیں ہوئی، سات ماہ دونوں میں ملاپ نہ ہونے سے نکاح پر کوئی اثر نہیں پڑتاہے، دونوں کو چاہئے کہ مصالحت کے ذریعہ اپنے معاملات درست کرلیں تا کہ دونوں خاندان کے لوگ بیٹھ کر مسئلہ کو حل کرلیں۔فقط
واللہ اعلم بالصواب
دارالافتاء
دارالعلوم وقف دیوبند
عائلی مسائل
Ref. No. 3575/47-9604
الجواب
بسم اللہ الرحمن الرحیم: ۔ آپ کا نکاح قائم ہے، آپ کے حقوق آپ کی بیوی پر باقی ہیں۔ بیوی کے والدین کا بیٹی کو روکنا اور پیسے کا مطالبہ کرنا ظلم اور سخت گناہ ہے۔ اصل گناہ والدین پر ہے، اور اگر بیوی والدین کا ساتھ دے کر آپ کے حقوق ادا نہیں کر رہی تو وہ بھی قصوروار ہے۔ آپ کو چاہیے کہ صبر، دعا، اور حکمت کے ساتھ علماء اور عدالت دونوں کے ذریعے اپنا حق لینے کی کوشش کریں۔
واللہ اعلم بالصواب
دارالافتاء
دارالعلوم وقف دیوبند
Business & employment
Ref. No. 3574/47-9573
In the name of Allah, the most Gracious the most Merciful
The answer to your question is as follows:
What is EPFO, and why have you received ₹3200 in it? Is any amount deducted from your account, and does the government also contribute to it? To what extent do you have control or choice in this matter? Kindly provide all these details so that it will be easier to give a proper reply.
And Allah knows best
Darul Ifta
Darul Uloom Waqf Deoband