Business & employment

Ref. No. 3519/47-9494

In the name of Allah, the most Gracious the most Merciful

The answer to your question is as follows:

If a person uses lawful means within the boundaries of the law to protect their legitimate income from non-obligatory taxes, it is permissible in Shari‘ah. However, it must be noted that engaging in any illegal activity may not only result in financial loss but also harm one’s dignity and reputation. Therefore, all illegal actions must be strictly avoided.

And Allah knows best

Darul Ifta

Darul Uloom Waqf Deoband

ربوٰ وسود/انشورنس

Ref. No. 3518/47-9493

In the name of Allah, the most Gracious the most Merciful

The answer to your question is as follows:

If something (like a plot of land) is bought on installments at a fixed price — and no discount was agreed upon at the time of the contract — and later the seller offers, "If you pay the full amount early, we will give you a discount," then accepting this discount is allowed in Islam and it is not considered interest (riba).

It is permissible for the rightful owner to take the full payment or to forgive part of it. However, if someone demands extra money unfairly — for example, charging a penalty for late payment — this is considered interest (riba) and is forbidden in Islam.

"وإذا كان لرجل على رجل دين إلى أجل، وهو من ثمن مبيع فحط عنه شيئا ‌على ‌أن ‌يعجل ‌له ما بقي فلا خير فيه ولكن يرد ما أخذ والمال كله إلى أجله، وهو مذهب عبد الله بن عمر - رضي الله عنهما - وكان زيد بن ثابت - رضي الله عنه - يجوز ذلك ولسنا نأخذ بقوله؛ لأن هذا مقابلة الأجل بالدراهم ومقابلة الأجل بالدراهم ربا، ألا ترى أن في الدين الحال لو زاده في المال ليؤجله لم يجز فكذلك في المؤجل إذا حط عنه البعض ليعجل له ما بقي والذي روي أن النبي - صلى الله عليه وسلم - «لما أجلى بني النضير فقالوا: إن لنا ديونا على الناس فقال - صلى الله عليه وسلم - ضعوا وتعجلوا» فتأويل ذلك ضعوا وتعجلوا من غير شرط أو كان ذلك قبل نزول حرمة الربا." (المبسوط  للسرخسی، ج:13،ص:126،باب العیوب اللتی یطعن المشتری بہا،دارالمعرفۃ)

"الفضل عند التعجیل فی الثمن لیس بربا لأنہ من باب التنازل لا من باب القرض." (رد المحتار، جلد 6، صفحہ 79)GPT

" حط البائع مقدارا من الثمن المسمى بعد العقد صحيح و معتبر" )شرح المجلة لسليم رستم باز : المادة: 256 ، ص: 133)۔

And Allah knows best

Darul Ifta

Darul Uloom Waqf Deoband

طلاق و تفریق

Ref. No. 3517/47-9485

الجواب

بسم اللہ الرحمن الرحیم: ۔         اسلام میں نکاح ایک پاکیزہ رشتے کا نام ہے،اسلام نے اس کی پائداری پر زور دیا ہے، اور اس کے لیے باہمی الفت ومحبت اور دونوں کو ایک دوسرے کے حقوق کی ادائیگی کی تلقین کی ہے لیکن اگر کسی وجہ سے میاں بیوی کے درمیان نااتفاقی ہونے لگے تو پہلے دونوں خاندان کے بزرگ کو صلح کرانے کی کوشش کرنی چاہیے؛ کیوںکہ اسلام میں طلاق ناپسندیدہ فعل ہے اور بلا ضرورت اسکا استعمال درست نہیں ہے۔ پھر بھی اگر نباہ کی کوئی صورت نہ بن سکے اور فتنہ وفساد کا اندیشہ ہو تو ایک طلاق صریح دے کر دونوں کو الگ ہو جانے کا حکم ہے۔  ایک طلاق کے بعد اگر دوبارہ ساتھ رہنا چاہیں تو عدت میں رجوع کے ذریعہ اور عدت کے بعد نکاح کے ذریعہ دونوں ساتھ رہ سکتے ہیں۔  ایک ساتھ تین طلاق دینا شرعاً گناہ ہے اور ملکی قانون کے مطابق قابل مواخذہ جرم ہے۔

بشرط صحت سوال صورت مسئولہ میں اگر غصہ کی شدت کو آپ نے جنون سے تعبیر کیا ہے لیکن اصلا جنون نہیں تھا تو شدید غصہ میں بھی طلاق واقع ہو جاتی ہے، اگر تین طلاق دی گئی  ہےتو اب ساتھ رہنا ہرگز جائز نہیں ہے۔

واللہ اعلم بالصواب

دارالافتاء

دارالعلوم وقف دیوبند

طلاق و تفریق

Ref. No. 3516/47-9484

الجواب

بسم اللہ الرحمن الرحیم: ۔          خلع کے لئے شوہر کی رضامندی ضروری ہے۔ اگر شوہر خلع کے لئے تیار نہ ہو اور طلاق بھی نہ دیتا ہو تو کسی قریبی دار القضاء میں جاکر فسخ نکاح کا معاملہ درج کرائیں وہاں سے آپ کو ان شاء اللہ اطمینان بخش جواب ملے گا اور اس کا حل وہاں سے ہی ہوگا۔

واللہ اعلم بالصواب

دارالافتاء

دارالعلوم وقف دیوبند

متفرقات

-Ref. No. 3515/47-9483

الجواب

بسم اللہ الرحمن الرحیم: ۔         دنیا میں بیماریاں ایک مسلمان کے لئے گناہوں کا کفارہ ، اور رفعِ درجات کا ذریعہ بھی ہوتی ہیں، اس لئے آپ بھی دعاء کرتے رہیں اور ان تکالیف پر اللہ کے لئے صبر کرتے رہیں، اللہ تعالیٰ آپ کے لئے آسانیاں پیدا کرے اور مشکلات کو دور فرما کر دنیا وآخرت میں راحت وسکون مقدر فرمائے۔ آمین

واللہ اعلم بالصواب

دارالافتاء

دارالعلوم وقف دیوبند

Masajid & Madaris

Ref. No. 3514/47-9482

الجواب

بسم اللہ الرحمن الرحیم: ۔         مسجد کی چیزیں مسجد کے لئے وقف ہیں مسجد کی چیزیں ذاتی استعمال میں لانا جائز نہیں ہے، مسجد کی انتظامیہ مسجد کی چیزوں کو صحیح طریقہ پر مسجد میں ہی استعمال کر سکتی ہے مسجد کے باہر کسی کو استعمال کے لئے دینا یا اپنے ذاتی استعمال میں لانا جائز نہیں ہے، اگر عوام کو صحیح مسئلہ بتا دیا جائے اور کسی کو بھی مسجد کی چیزیں نہ دی جائیں تو ان شاء اللہ لوگ احتیاط کریں گے اور اختلاف سے بھی نجات مل جائے گی۔

واللہ اعلم بالصواب

دارالافتاء

دارالعلوم وقف دیوبند

Death / Inheritance & Will

Ref. No. 3513/47-9481

الجواب

بسم اللہ الرحمن الرحیم: ۔         (١) ورثہ کے حق میں وصیت کا شریعت نے بالکل اعتبار نہیں کیا ہے، لہٰذا مرحوم کی وصیت غیر معتبر ہوگی۔

(٢) شرعی اعتبار سے وراثت کی تقسیم ان تمام چیزوں میں ہوگی جو مرحوم کی ملکیت میں تھیں  اور لڑکوں کو دوہرا حصہ اور لڑکیوں کو اکہرا حصہ دیا جائے گا، یعنی کل مال کے چھ / حصے کریں گے دونوں بیٹوں کو دو دو حصے اور ہر ایک بیٹی کو ایک حصہ ملے گا۔

(٣) جس کے حصہ میں شرعی طور پر جو مال آئے گا وہی اس کا ہوگا اس سے زیادہ دوسروں کا حق ہے جس کا لینا حرام ہے۔ ایسا کرنے والا حرام کھانے والا ہوگا اور عذاب آخرت کا مستحق ہوگا۔

(٤) ورثہ اگر وراثت کی تقسیم شریعت کے مطابق نہ کریں تو اس کا گناہ مرحوم کو نہ ہوگا، یہی لوگ گنہگار ہوں گے۔

(٥) مرحوم نے اپنی زندگی میں اگر شہاب کو مکان کا ایک حصہ دے کر مالک بنا دیا تھا اور قبضہ دیدیا تھا تو وہ مکان کا حصہ خالص شہاب کا ہے اس کا بیچنا اور دوسرے بھائی کا خریدنا درست ہے، نیز اس حصہ کو چھوڑ کر باقی حصہ کو وراثت میں تقسیم کیا جائے گا، اور اگر باپ نے مالک بنا کر قبضہ نہیں دیا تھا تو وہ حصہ بھی مکان میں شامل کر کے وراثت میں تقسیم ہوگا۔

واللہ اعلم بالصواب

دارالافتاء

دارالعلوم وقف دیوبند

احکام میت / وراثت و وصیت

Ref. No. 3512/47-9480

الجواب

بسم اللہ الرحمن الرحیم: ۔         سرکار کی طرف سے ملنے والی رقم سرکار کی طرف سے میت کے اہل خانہ کے لئے تحفہ اور عطیہ ہے، سرکار جس کو جتنی رقم دینا چاہے دے سکتی ہے اور اگر کسی کو کم یا زیادہ دیتی ہے تو دوسروں کو اعتراض کا کوئی حق نہیں ہے۔ سرکار کا عطیہ جس کے نام سے جتنا آئے گا وہ خالص اس کا حق ہوگا، لہٰذا جس بہن کو سرکار کی طرف سے زیادہ ملا ہے دیگر بہنوں کا اس میں سے برابر حصہ مانگنا شرعاً درست نہیں ہے،نیز سرکار کا یہ عطیہ ہر ایک کے لئے استعمال کرنا جائز اور درست ہے۔

واللہ اعلم بالصواب

دارالافتاء

دارالعلوم وقف دیوبند

تجارت و ملازمت

Ref. No. 3508/47-9497

الجواب

بسم اللہ الرحمن الرحیم: ۔          بائع نے جب مبیع کے عیوب کو بیان کردیا اور ان عیوب کی بنا پر اس کی قیمت میں کمی بھی واقع ہوئی اور ان عیوب کے ساتھ مشتری خریدنے پر رضامند بھی تھا تو اب ان مذکورہ عیوب کی بنا پر مزید کوئی خیار نہیں ملے گا، بلکہ وہ عقد تام ہوگیا ہے اور مشتری کو  وہ چیز لازم ہوچکی ہے۔ البتہ اگر کوئی نیا عیب ظاہر ہو جس کا ذکر عقد کے وقت نہیں ہواتھا تو اس کی بنا پر رجوع کا اختیار ہوگا۔

واضح رہے کہ آن لائن  مبیع کی تصاویر دیکھنے  سے خیار الرؤیت  کا حق ختم نہیں ہوگا بلکہ مبیع کے  مشتری کے پاس پہونچنے کے بعد مشتری کو خیار رویت حاصل ہوگا۔

واللہ اعلم بالصواب

دارالافتاء

دارالعلوم وقف دیوبند

Miscellaneous

Ref. No. 3507/47-9498

الجواب

بسم اللہ الرحمن الرحیم: ۔          فقہ کا قاعدہ ہے – ’’الناس عند شروطھم‘‘- لہذا ملازم کے سامنے مالک نے جو شرطیں رکھی ہیں اگر وہ قبول کرلیتاہے تو اس کی پاسداری لازم ہوگی۔ چنانچہ اگر کوئی ملازم کلاک ان نہیں کرتاہے تو شرط کے مطابق وہ اجرت کا مستحق نہیں ہوگا۔ تاہم اگر ملازم نے حاضر رہ کر کام کیا ہے تو مالک کو چاہئے کہ اس کی مناسب اجرت بطور ہدیہ اس کو دیدے تاکہ دلجمعی سے کام کرنے میں اس کو سہولت ہو کہ فارسی کا مقولہ  ہے:  ’’ کہ مزدور خوش دل کند کار پیش‘‘۔

    واللہ اعلم بالصواب

دارالافتاء

دارالعلوم وقف دیوبند