Ref. No. 918/41-43B

الجواب وباللہ التوفیق 

بسم اللہ الرحمن الرحیم:۔ مسجد  نماز ، ذکر اللہ ، تلاوت، اعتکاف   وغیرہ عبادات کے لئے ہے، اس میں  دعوت  اور کھانے کا نظم کرنے سے گندگی ہوگی، شوروغل ہوگا، اور اس طرح مسجد کا تقدس پامال ہوگا، اس کے علاوہ بھی بہت سی خرابیاں ہیں۔ لہذا مسجد میں ولیمہ کرنا درست نہیں ہے، اس  سےاحتراز کیاجائے۔  

واعلم: أنه كما لا يكره الأكل ونحوه في الاعتكاف الواجب فكذلك في التطوع كما في كراهية جامع الفتاوى ونصه يكره النوم والأكل في المسجد لغير المعتكف وإذا أراد ذلك ينبغي أن ينوي الاعتكاف فيدخل فيذكر الله تعالى بقدر ما نوى أو يصلي ثم يفعل ما شاء. اهـ. (قوله فلو لتجارة كره) أي وإن لم يحضر السلعة واختاره قاضي خان ورجحه الزيلعي لأنه منقطع إلى الله تعالى فلا ينبغي له أن يشتغل بأمور الدنيا بحر (الدرالمختار 2/448)

 واللہ اعلم بالصواب

دارالافتاء

دارالعلوم وقف دیوبند

Ref. No. 1123/42-347

الجواب وباللہ التوفیق 

بسم اللہ الرحمن الرحیم:۔ ہر رکعت کے دونوں سجدے فرض ہیں۔ اگر کوئی ایک سجدہ بھی رہ گیا تو نماز نہیں ہوگی، سجدہ سہو بھی اس میں کافی نہیں ہوگا۔

(ومنها السجود) السجود الثاني فرض كالأول بإجماع الأمة. كذا في الزاهدي  (الفتاوی الھندیۃ 1/70)

 واللہ اعلم بالصواب

دارالافتاء

دارالعلوم وقف دیوبند

Ref. No. 1224/42-538

الجواب وباللہ التوفیق 

بسم اللہ الرحمن الرحیم:۔  صورت مسئولہ میں شرعا ایک طلاق رجعی  واقع ہوگئی۔ شوہر عدت کے اندر رجعت کرسکتا ہے۔

والمعلق بالشرط ينزل عند وجود الشرط كالمنجز (فتح القدیر للکمال ابن الھمام/ باب جنایۃ المملوک 10/345)

واللہ اعلم بالصواب

دارالافتاء

دارالعلوم وقف دیوبند

Ref. No. 1577/43-1116

بسم اللہ الرحمن الرحیم:۔ اگر فوت شدہ کی بیوی یا اولاد ضرورتمند ہیں تو ان  کی مدد کرنی چاہئے جبکہ ادارہ کے قیام کے اولین مقاصد میں سے  غریبوں کی مدد کرناہے۔  اور زکوۃ وغیرہ کی رقم بھی بطور وظیفہ  دی جاسکتی ہے۔ اگر کوئی کاروبار کرنا چاہے تو اس کو بڑی رقم بھی دی جاسکتی ہے، ورنہ وظیفہ متعین کرنے میں اور ہر ماہ تھوڑا تھوڑا دینے میں بھی کوئی حرج نہیں ہے۔   

قال اللہ تعالی: إنما الصدقت للفقراء والمساکین الآیة (سورہٴ توبہ آیت: ۶۰) ، ولا إلی غني یملک قدر نصاب فارغ عن حاجتہ الأصلیة من أي مال کان الخ ((شامی کتاب الزکاة، باب المصرف، ۳: ۲۹۵، ۲۹۶، ط: مکتبة زکریا دیوبند) ۔

. و يكره أن يدفع إلى رجل ماتى درهم فصاعدا وان دفعه جاز.(الھندیۃ 1/188) . و كره اعطاء فقير نصابا أو أكثر الا إذا كان المدفوع إليه مديونا أو كان صاحب عيال. (شامی 2/74) .واذا أهدي للصبي شيء وعلم انه له: فليس للوالدين الأكل منه بغير حاجة كما في الملتقط ”  (الاشباۃ والنظائر 339)

اذَا کَانَ یَعُوْلُ یَتِیْمًا وَیَجْعَلُ مَا یَکْسُوْہُ وَیُطْعِمُہ مِنْ زکوٰةِ مالہ فَفي الکسوةِ لاشکَّ في الجوازِ لِوُجودِ الرُّکْنِ وَہُوَ التَّملیکُ، وأمّا الطعامُ فَمَا یَدفعہ الیہ بِیَدِہ یَجوزُ أیضاً لِما قُلنا بِخلافِ مَا یأکُلہ بِلا دفعٍ الیہ․(شامی 3/172)

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:مذکورہ طریقہ غیر اسلامی ہے، شریعت اسلامیہ میں اس کی کوئی حیثیت نہیں ہے ’’من أحدث في الإسلام رأیا لم یکن لہ من الکتاب والسنۃ سند ظاہر وخفي ملفوظ أو مستنبط فہو مردود‘‘ (۱) اور یہ فعل اہل سنت والجماعت کے عقیدے وطریقہ کے خلاف بھی ہے اور ہر وہ فعل جو خلاف شرع ہو وہ ناجائز ہے ’’قال الکشمیري -رحمہ اللّٰہ- : ولم یکن لہ أصل من الشریعۃ الغراء‘‘ (۲) ’’واعلم أن النذر الذي یقع للأموات من أکثرا العوام وما یؤخذ من الدراہم والشمع والزیت ونحوہا إلی ضرائح الأولیاء الکرام تقربا إلیہم فہو بالاجماع باطل وحرام‘‘ (۳) الغرض نذر ونیاز کرنا، قبروں پر چادر چڑھانا مٹھائیاں اور شیرنی وغیرہ تقسیم کرنا بدعت ہے، یہ فعل غیر اللہ سے مدد اور  نصرت مانگنا ہوا؛ جو بالاجماع باطل ہے، اور کاروبار میں ترقی کے لئے مذکورہ رقم آپ غرباء پر تقسیم کردیں کاروبار میں ترقی اور ثواب بھی حاصل ہوگا ’’إن شاء اللّٰہ‘‘ {إِنَّمَا الصَّدَقٰتُ لِلْفُقَرَآئِ وَالْمَسٰکِیْنِ} (۱)

(۱) ملا علي قاري، مرقاۃ المفاتیح، ’’کتاب الإیمان: باب الاعتصام بالکتاب والسنۃ، الفصل الأول‘‘: ج ۱، ص: ۳۳۶، رقم: ۱۴۰۔
(۲) علامہ أنور شاہ الکشمیري، العرف الشذي، ’’أبواب العیدین، باب ما جاء في التکبیر في العیدین‘‘: ج ۱، ص: ۵۶۸۔
(۳) ابن عابدین، الدر المختار مع رد المحتار، ’’کتاب الصوم: باب ما یفسد الصوم وما لا یفسدہ، مطلب فی النذر الذي یقع للأموات من أکثرا العوام‘‘: ج ۳، ص: ۴۲۷۔
(۱) سورۃ التوبۃ: ۶۰۔
 

فتاوی دارالعلوم وقف دیوبند ج1ص347

Ref. No. 2374/44-3586

بسم اللہ الرحمن الرحیم:۔  محض شک و شبہہ کی بنا پر اس کے پیچھے نماز نہ پڑھنے کا فیصلہ کرنا درست نہیں ہے،۔ بعض مرتبہ حقیقت حال کا علم نہ ہونے کی وجہ سے محسوس ہوتاہے کہ وہ جھوٹ بول رہاہے جبکہ وہ سچ بول رہاہوتاہے ۔ اس لئے محض شک کی بناپر کوئی فیصلہ نہیں کیا جاسکتاہے۔

واللہ اعلم بالصواب

دارالافتاء

دارالعلوم وقف دیوبند

الجواب وباللّٰہ التوفیق:مذکورہ روایت صحیح ہے، امام ابن ماجہ کے علاوہ امام احمد، ابوداؤد، ترمذی، مؤطا، نسائی میں یہ روایت مذکور ہے، امام ترمذی نے اس روایت پر ’’ہذا حدیث حسن‘‘ کہا ہے اور امام حاکم نے ’’ہذا حدیث صحیح الإسناد‘‘ لکھا ہے۔ امام ذہبی نے بھی اس کی تصحیح کی ہے۔(۱)

(۱) وعن أبي ہریرۃ رضي اللّٰہ عنہ قال: قال رسول اللّٰہ صلی اللّٰہ علیہ وسلم: إن سورۃً في القرآن ثلاثون آیۃ شفعت صاحبہا حتی غفر لہ: تبارک الذي بیدہ الملک۔ (أخرجہ ابن ماجہ، في سننہ، ’’کتاب الأدب: باب ثواب القرآن‘‘: ج ۲، ص: ۴۴، رقم: ۳۷۸۶)
تبارک الذي بیدہ الملک أي: إلی أخرہا رواہ أحمد، والترمذي، وأبو داود، والنسائي، وابن ماجہ، وقد رواہ ابن حبان والحاکم وروي الحاکم عن ابن عباس مرفوعاً۔ (ملا علي قاري، مرقاۃ المفاتیح: ج۷، ص: ۲۲، رقم: ۲۱۵۳)
وعن أبي ہریرۃ رضي اللّٰہ عنہ قال: قال رسول اللّٰہ صلی اللّٰہ علیہ وسلم: إن سورۃً في القرآن ثلاثون آیۃ شفعت لرجل حتی غفر لہ: وہي تبارک الذي بیدہ الملک رواہ أحمد، والترمذي، وأبو داؤد، والنسائي، في الکبریٰ، وابن ماجہ، في باب ثواب القرآن وأخرجہ أیضاً: ابن حبان في صحیحہ والحاکم: ج ۱، ص: ۵۶۵، وابن القریس وابن مردویہ والبیہقي في شعب الإیمان قال الترمذي: ہذا حدیثٌ حسنٌ، وقال الحاکم: ہذا حدیثٌ صحیح الإسناد۔ (ملا علي قاري، مرقاۃ المفاتیح، ’’کتاب فضائل القرآن: الفصل الثاني‘‘: ج ۷، ص: ۲۱۹، رقم: ۲۱۷۲)

فتاوی دارالعلوم وقف دیوبند ج2ص35

Ref. No. 2644/45-4017

بسم اللہ الرحمن الرحیم:۔ ایسی صورت میں سجدہ سہو لازم نہیں ۔ ہاں البتہ اگر ہاتھ باندھ کر تلاوت شروع کردی تو اب سجدہ سہو تلاوت کی وجہ سے واجب ہوگا۔  

"وَلَا يَجِبُ السُّجُودُ إلَّا بِتَرْكِ وَاجِبٍ أَوْ تَأْخِيرِهِ أَوْ تَأْخِيرِ رُكْنٍ أَوْ تَقْدِيمِهِ أَوْ تَكْرَارِهِ أَوْ تَغْيِيرِ وَاجِبٍ بِأَنْ يَجْهَرَ فِيمَا يُخَافَتُ وَفِي الْحَقِيقَةِ وُجُوبُهُ بِشَيْءٍ وَاحِدٍ وَهُوَ تَرْكُ الْوَاجِبِ، كَذَا فِي الْكَافِي". (الھندیۃ،  كتاب الصلاة، الْبَابُ الثَّانِي عَشَرَ فِي سُجُودِ السَّهْوِ ، ١ / ١٢٦)

واللہ اعلم بالصواب

دارالافتاء

دارالعلوم وقف دیوبند

الجواب باللّٰہ التوفیق:بندر کا جھوٹا ناپاک ہے، عام طور پر ٹینکوں میں موجود پانی ماء راکد قلیل (ٹھہرا ہوا تھوڑا پانی) ہوتا ہے، بندر کے جھوٹا کرنے کی وجہ سے ٹنکی میں موجود پانی کو نکال دے، پانی نکالنے کا طریقہ یہ ہے کہ ایک طرف سے پانی داخل کیا جائے اور دوسری طرف سے نکال دیا جائے جب ٹینک سے پانی نکل جائے گا تو ٹنکی اور پائپ سب پاک ہو جائیں گے ’’وسؤر خنزیر و کلب وسبع بھائم نجس‘‘(۱)
’’وقال أبوجعفر الھندواني: یطھر بمجرد الدخول من جانب والخروج من جانب وإن لم یخرج مثل ما کان فیہ، وھو أي قول الھندواني اختار الصدر الشہید حسام الدین لأنہ حینئذ یصیر جاریًا والجاری لا ینجس ما لم یتغیر بالنجاسۃ‘‘(۲)
نیز ٹنکی میں اگر بندر بول وبراز (گندگی) کردے تو اس صورت میں پاک کرنے کا طریقہ یہ ہے کہ نجاست اور ٹنکی میں موجود پانی کو اولاً نکالا جائے گا اور اگر ٹنکی زیادہ بڑی ہو یا کسی وجہ سے مکمل خالی کرنا بہت مشکل ہو، تو اس میں ایک طرف سے پانی ڈالا جائے اورایک طرف سے جاری کردیا جائے، (یعنی مسلسل اس میں پاک پانی آتارہے اور ناپاک پانی نکلتا رہے) یہاں تک کہ پانی کے تینوں اوصاف (رنگ، مزہ، بو) اپنی اصلی حالت پر آجائیں، تو ٹنکی پاک ہو جائے گی؛ البتہ مسجد کے انتظامیہ کی ذمہ داری ہے کہ ٹنکی کو بہتر طریقہ سے ڈھک دیں یا جال وغیرہ لگا دیں تاکہ بندر پانی کو ناپاک نہ کر سکیں۔
’’یجب أن یعلم أن الماء الراکد إذا کان کثیراً فہو بمنزلۃ الماء الجاري لا یتنجس جمیعہ بوقوع النجاسۃ في طرف منہ إلا أن یتغیر لونہ أو طعمہ أو ریحہ۔ علی ہذا اتفق العلماء، وبہ أخذ عامۃ المشایخ، وإذا کان قلیلاً فہو بمنزلۃ الحباب والأواني یتنجس بوقوع النجاسۃ فیہ وإن لم تتغیر إحدی أوصافہ‘‘ (۳)

(۱) ابن عابدین، الدر المختار مع رد المحتار، ’’کتاب الطہارۃ: باب المیاہ، مطلب في السؤر‘‘: ج ۱، ص: ۳۸۲۔
(۲) إبراہم الحلبي، الحلبي الکبیري، ’’کتاب الطہارۃ: فصل في أحکام الحیض‘‘: ج ۱، ص: ۸۸۔
(۳) برہان الدین، المحیط البرہاني، ’’کتاب الطہارات: الفصل الرابع: في المیاہ التي یجوز التوضوء، في الحیاض والعذران والعیون‘‘: ج ۱، ص: ۹۲۔
 

فتاوی دارالعلوم وقف دیوبند ج3 ص73