Frequently Asked Questions
حدیث و سنت
Ref. No. 3458/47-9370
الجواب
بسم اللہ الرحمن الرحیم: ۔ سید الانبیاء حضرت محمد مصطفی ﷺ کو خواب میں دیکھنے کی سچی تمنا ایک عظیم سعادت اور نیک خواہش ہے۔ لیکن یہ عظیم نعمت عام طور پر ان لوگوں کو عطا ہوتی ہے جو ظاہری و باطنی طور پر سچے عاشقِ رسول ﷺ ہوتے ہیں۔ نیچے چند اعمال دیے جا رہے ہیں جو اس مقصد میں مددگار ثابت ہو سکتے ہیں۔؛۔ (۱) کثرت سے درود شریف پڑھنا (۲) سنتِ نبوی ﷺ کی پیروی (۳) سونے سے پہلے نبی کریم ﷺ کا ذکر و سیرت پڑھنا(۴) حلال کمائی اور طہارت کا اہتمام (۵) نماز کی پابندی(۶) خلوص نیت اور گریہ و زاری سے دعا۔ (۷) پابندی سے مسواک کرنا وغیرہ۔ اسی طرح سونے سے پہلے وضو کر کے بستر پر جائیں، درود شریف پڑھتے پڑھتے سوئیں۔ دل کی صفائی، عشقِ رسول ﷺ، اور خلوص کی شرط کے ساتھ بعض اوقات یہ زیارت جلدی نصیب ہوتی ہے، بعض اوقات وقت لگتا ہے۔عمل کرتے ہوئے صبر، استقامت، اور امید رکھیں۔
واللہ اعلم بالصواب
دارالافتاء
دارالعلوم وقف دیوبند
Family Matters
Ref. No. 3457/47-9369
In the name of Allah, the most Gracious the most merciful
The answer to your question is as follows:
You should not have done this; however, since you used the ₹5000 to purchase clothes and later gave them to him as a gift, this may be regarded as a valid form of fulfilling the trust. Therefore, you are not required to repay the amount again. Nonetheless, it is essential that you sincerely repent and seek Allah’s forgiveness for the wrongdoing.
And Allah knows best
Darul Ifta
Darul Uloom Waqf Deoband
متفرقات
Ref. No. 3456/47-9368
الجواب
بسم اللہ الرحمن الرحیم: ۔ جس فلیٹ میں والد کی رہائش تھی اس کو والد نے اپنی زندگی میں اپنی اہلیہ کےنام کیا ، خالی مکان ان کے حوالہ نہیں کیا تو یہ ہبہ مکمل نہیں ہوا۔ ہبہ کے تام ہونے کے لئے خالی کرکےقبضہ میں دینا ضروری ہے۔ ہبہ تام نہ ہونے کی وجہ سے وہ فلیٹ والد کی ہی ملک شمار ہوگا اور اس میں مرحوم کی اہلیہ کے ساتھ تمام اولاد بھی وراثت میں شریک ہوگی۔ اور کسی وارث کے لئے وصیت بھی غیرمعتبر ہے، اس لئے وہ فلیٹ تمام ورثہ کا ہے۔
"قال: و لايجوز الهبة فيما يقسم إلا محوزة مقسومة وهبة المشاع فيما لايقسم جائزة (و لايجوز الهبة فيما يقسم إلا محوزة) ش: أي مفرغة عن إملاك الواهب." (بنايه، الهبة فیما یقسم، ج۔۱۰،ص۔۱۶۸،ط۔دارالکتب العلمیة)
"و تتم الهبة بالقبض الکامل." (فتاوی شامی، ردّ المحتار علی الدر المختار، کتاب الهبة، ج: ۵، ص:۶۹۰،ط۔ سعید) "
ثم تصح الوصية لأجنبي من غير إجازة الورثة، كذا في التبيين و لاتجوز بما زاد على الثلث إلا أن يجيزه الورثة بعد موته وهم كبار ولا معتبر بإجازتهم في حال حياته، كذا في الهداية ... ولا تجوز الوصية للوارث عندنا إلا أن يجيزها الورثة۔ (الفتاوى الهندية (90/6):
واللہ اعلم بالصواب
دارالافتاء
دارالعلوم وقف دیوبند
فقہ
Ref. No. 3455/47-9373
الجواب
بسم اللہ الرحمن الرحیم: ۔ شرک کی ایک قسم :شرک فی الذات ہے جس کا مطلب ہے کہ اللہ تعالی کی ذات میں کسی کو شریک کرنا یعنی دو یا زیادہ خدا ماننا اور کائنات کا متصرف اللہ کے ساتھ کسی اور کو بھی ماننا ۔ شرک کی دوسری قسم ہے : شرک فی الصفات - اللہ تعالی کی صفات میں کسی کو شریک ٹھرانا۔ اس کی بہت سی قسمیں ہیں ، جیسے : شرک فی العلم یعنی کسی دوسرے کے لئے اللہ تعالی کی مانند علم کی صفت ثابت کرنا۔ شرک فی العبادة ۔ یعنی اللّٰہ تعالٰی کی طرح کسی اور کو عبادت کا مستحق سمجھنا یا کسی مخلوق کے لئے عبادت کی قسم کا کوئی فعل کرنا مثلاً کسی پیر یا قبر کو سجدہ کرنا یا کسی پیر یا نبی یا ولی کے نام کا روزہ رکھنا یا غیراللہ کی نذر ماننا یا کسی جگہ مکان گھر یا قبر کا خانہ کعبہ کی طرح طواف کرنا. شرک فی القدرة یعنی اللہ تعالی کی مانند نفع و نقصان دینے یا کسی چیزکی موت و زندگی یا کسی اور کام کی قدرت کسی اور کے لئے ثابت کرنا۔ اور اسی طرح شرک فی الصفات کی ایک قسم شرک فی القدرة ہے یعنی اللہ تعالی کی مانند نفع و نقصان دینے یا کسی چیزکی موت و زندگی یا کسی اور کام کی قدرت اللہ تعالی کے علاوہ کسی اور کے لئے ثابت کرنا۔
واللہ اعلم بالصواب
دارالافتاء
دارالعلوم وقف دیوبند
متفرقات
Ref. No. 3454/47-9374
الجواب
بسم اللہ الرحمن الرحیم: ۔ جو کچھ جوئے میں رقم آئی اس میں سے اپنی جمع کردوہ رقم حلال ہے اور باقی اضافی رقم حرام ہے، اور حرام ذریعہ سے کمائی ہوئی رقم کا صدقہ کردینا واجب ہے، اس کو کسی بھی طرح اپنے استعمال میں لانایا رفاہ عام میں استعمال کرنا جائز نہیں ہے۔ اس لئے اس رقم کو بلا نیت ثواب غریبوں میں بانٹ دیاجائےگا۔
"والحاصل: أنه إن علم أرباب الأموال وجب رده عليهم، وإلا فإن علم عين الحرام لايحل له ويتصدق به بنية صاحبہ (شامی، ،مَطْلَبٌ فِيمَنْ وَرِثَ مَالًا حَرَامًا، ". 5/99ط: سعید)
واللہ اعلم بالصواب
دارالافتاء
دارالعلوم وقف دیوبند
Business & employment
Ref. No. 3452/47-9372
الجواب
بسم اللہ الرحمن الرحیم: ۔ بشرط صحت سوال صورت مسئولہ میں کمیٹی کی جو تفصیل بیان کی گئی ہے اس میں سود اور جوے کی شکل ہے، کہ جس ممبر نے صرف چند قسطیں جمع کی ہیں اس کا نام قرعہ اندازی میں نکل آنے سے باقی قسطیں معاف ہوجاتی ہیں اور اس کو اپنے ایک دو ہزار جمع کرنے کے بدلہ میں تیس ہزار روپئے مل جاتے ہیں۔ یہ غرر اور دھوکہ کے زمرے میں ہے اور یہ حرام ہے۔ اگر ہر ممبر ایک ہزار تیس ماہ تک دیتارہے قرعہ اندازی میں نام نکلنے کے بعد بھی دیتارہے تبھی یہ کمیٹی جائز ہوگی کہ جس میں ہر آدمی بعجلت یا بدیر پوری رقم جمع کرتاہے اور اپنی پوری رقم واپس لیتاہے۔ کم رقم جمع کرکے زائد رقم لینا تو کھلاہوا سود ہے جس سے بچنا لازم ہے۔ نیز کمپنی کیا کام کرتی ہے یہ بھی واضح نہیں ہے۔
"(قوله: کل قرض جر نفعاً فهو حرام) أی اذا کان مشروطاً." (ج:۵،ص:۱۶۶،ط:سعید)
واللہ اعلم بالصواب
دارالافتاء
دارالعلوم وقف دیوبند
نکاح و شادی
Ref. No. 3451/47-9371
الجواب
بسم اللہ الرحمن الرحیم: ۔ شریعت میں بالغہ لڑکی کے خود نکاح کرنے سے نکاح منعقد ہوجاتاہے، لیکن اس کا مطلب یہ ہے کہ لڑکی اپنے والدین اور گھروالوں سے الگ ہوکر اپنا نکاح کرے، ایسا نکاح شرعا پسندیدہ نہیں۔ ۱۴ سال کی عمر بہت چھوٹی عمر ہے، ابھی کسی چیز کا تجربہ نہیں ہے، دنیا کے احوال سے کوئی واقفیت نہیں ہے، لڑکے کے انتخاب میں غلطی کا بہت زیادہ امکان ہے، ظاہر ہے کہ شادی صرف وقتی طور پر اپنی خواہش پوری کرنے کا نام نہیں ہے، یہ ایک طویل مدتی سفر ہے، اور زندگی بھر کے لئے ایک فیصلہ کن مرحلہ ہے۔ اگر ایسے میں کوئی غلط قدم اٹھالیا تو زندگی بھر کی جو اذیت ہے وہ بہت دشوار کن ہے۔ ابھی اپنے جذبات پر کنٹرول رکھنے کے لئے خود کو پڑھائی لکھائی، کڑھائی، بُنائی سلائی وغیر امور میں مصروف رکھنا بہتر ہوگا تاکہ جلد بازی میں کوئی فیصلہ غلط نہ ہوجائے۔ آپ اپنی والدہ سے بات کریں، دیگر رشتہ دار خواتین کو بھی شامل کریں تاکہ وہ والدین کو آمادہ کرسکیں۔ والدین اگر تیار ہوں تبھی آپ نکاح کے لئے راضی ہوں ، والدین کے خلاف جاکر کود سے نکاح کرنا آپ کے لئے بالکل مناسب نہیں ہے۔ آپ ایک اچھی اور دیندار لڑکی ہیں ، آپ نے شرعی رہنمائی کے لئے دارالافتا سے رابطہ کیا۔ اللہ آپ کے لئے آسانیاں پیداکرے، آپ کی عصمت عفت کی حفاظت فرمائے، والدین کے زیرسایہ رہ کر اپنے مستقبل کو طے کرنے کی توفیق بخشے۔ اگر شہوت کا غلبہ ہو تو نفلی روزوں کا اہتمام کریں۔
واللہ اعلم بالصواب
دارالافتاء
دارالعلوم وقف دیوبند
نکاح و شادی
Ref. No. 3449/47-9367
الجواب
بسم اللہ الرحمن الرحیم: ۔ رضاعت یعنی کسی عورت کا دودھ پینے سے حرمت چابت ہوجاتی ہے۔ اس لئے جب آپ نے خالہ کا دودھ پیا ہے تو خالہ کی بیٹی آپ کی رضاعی بہن ہوگئی، اس سے نکاح حرام ہے۔ وہ آپ کی حقیقی بہن کی مانند ہے۔ ایک مرتبہ دودھ پینے سے یا چند قطرے دودھ پینے سے بھی رضاعت ثابت ہوجاتی ہے، متعدد مرتبہ پینا یا پیٹ بھرکر پینا ضروری نہیں ہے۔ عام حالات میں تو اس رضاعی بہن سے پردہ بھی نہیں ہے، تاہم اگر فتنہ کا اندیشہ ہو تو پردہ کرنا لازم ہوگا۔
واللہ اعلم بالصواب
دارالافتاء
دارالعلوم وقف دیوبند
طلاق و تفریق
Ref. No. 3448/47-9366
الجواب
بسم اللہ الرحمن الرحیم: ۔ مشت زنی کا مطلب اپنے ہاتھ کے عمل سے منی خارج کرنا ہے ، لہذا جس نے مشت زنی پر طلاق کو معلق کیا تھا اگر انزال سے قبل رک گیا تو مشت زنی کا عمل مکمل نہیں ہوا اس لئے اس کی بیوی پر کوئی طلاق واقع نہیں ہوئی۔ تاہم خیال رہے کہ مشت زنی ایک بہت ہی گندی حرکت ہے اور باعث گناہ ہے، اس سے احتراز لازم ہے۔ جب شہوت کا غلبہ ہو تو بیوی سے ملاقات کرلینی چاہئے، اور ایسی حرکت سے بچناچاہئے کہ اس کے جسمانی نقصانات بھی بہت زیادہ ہیں۔ پھر ابھی اگر شہوت کا غلبہ ہو تو نفلی روزوں کا اہتمام کیجئے۔
واللہ اعلم بالصواب
دارالافتاء
دارالعلوم وقف دیوبند
مساجد و مدارس
Ref. No. 3445/47-9365
الجواب
بسم اللہ الرحمن الرحیم: ۔ مذکورہ دینی مکتب کا اصل مقصد قرآن کریم اور دینی کتابوں کی تعلیم ہے، تاہم اگر اس کے ساتھ کوئی عصری تعلیم بھی ضمنا ہو تو اس میں کوئی حرج نہیں ہے، البتہ مسجد کے آداب کا بہمہ وجوہ خیال رکھنا ضروری ہے، عصری تعلیم کی کتابوں میں تصاویر وغیرہ عموما شامل ہوتی ہیں جن کا مسجد میں لانا آدابِ مسجد کے بھی خلاف ہے، اس لئے بہتر ہے کہ مسجد کے باہر کسی جگہ تعلیم کا انتظام کیاجائے جہاں دینی وعصری دونوں تعلیم دی جائے، اس میں بہت احتیاط ہے، ورنہ مشاہدہ یہ ہے کہ شروع میں مسجد کے آداب کا خیال رہتاہے لیکن آہستہ آہستہ یہ آداب فوت ہوجاتے ہیں اور بے احتیاطی ہونے لگتی ہے۔ اس لئے گوکہ اس دینی مکتب میں کچھ عصری تعلیم کی بھی گنجائش ہے مگر بہتر ہے کہ الگ نظم کیاجائے۔
واللہ اعلم بالصواب
دارالافتاء
دارالعلوم وقف دیوبند