Ref. No. 3270/46-6068

الجواب

بسم اللہ الرحمن الرحیم:۔نیٹ ورک مارکیٹنگ کمپنی میں شامل ہونے اور اس سے نفع حاصل ہونے کی جو شکلیں رائج ہیں وہ سب غیرشرعی اور ناجائز ہیں۔ اس لئے کہ نیٹ ورک مارکیٹنگ کمپنی کا ممبر بننے کے لئےایک متعینہ رقم اداکرکے اس کی مصنوعات خریدنے کی شرط ہوتی ہے جوغیر شرعی شرط ہے۔ اسی طرح  ممبرسازی بڑھنے پر بالواسطہ اور بلاواسطہ کمیشن بھی ملتارہتاہے جس میں آپ کو بلاکسی عمل کے بھی   کمیشن ملتاہے جو ناجائز ہے۔ نیزاس کمپنی کی مصنوعات کی ماہانہ خریداری  کی صورت میں ہی آپ کمیشن کے مستحق ہوں گے۔ اس لئے ان تمام مفاسد کی بناء پر کسی بھی نیٹ ورک مارکیٹنگ میں جس کی یہ صورت ہو شامل ہونا ، ممبربننا، کمیشن لینا اور ان کے ساتھ کاروبار کرنا شرعا جائز نہیں ہے۔آپ نے جس کمپنی کا ذکر کیا ہے ہمیں اس کے  طریقہ کار کا کچھ علم نہیں ہے۔ اس لئے اگر  آپ کی کمپنی  کا طریقہ کار کچھ مختلف ہو تو دوبارہ پوری تفصیل کے ساتھ سوال بھیجیں تاکہ اسی کے مطابق جواب لکھاجائے۔

قال اللہ تعالی:﴿يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ﴾(سورۃ المائدۃ:90) 

لأن القمار من القمر الذي يزداد تارة وينقص أخرى، وسمي القمار قمارا لأن كل واحد من المقامرين ممن يجوز أن يذهب ماله إلى صاحبه، ويجوز أن يستفيد مال صاحبه وهو حرام بالنص۔(رد المحتار، كتاب الحظر والإباحة، باب الإستبراء وغيره، فصل في البيع ، ج:9 ص:577)

 فلو جوزناه لكان استحقاقا بغير عمل ولم يرد به الشرع۔(الھدایة،کتاب المساقاۃ،ج:4،ص:430)

الأمور بمقاصدھا:یعني أن الحکم الذی یترتب علی أمر یکون علی ما ھو المقصود من ذالک الأمر۔(شرح المجلة لسلیم رستم باز،المقالة الثانیة فی بیان القواعد الفقہیة،المادۃ:2،ص:(17

واللہ اعلم بالصواب

دارالافتاء

دارالعلوم وقف دیوبند

Ref. No. 3265/46-8094

بسم اللہ الرحمن الرحیم:۔ سحر و افطار کے اوقات میں مذکورہ احتیاط درست بلکہ ضروری ہے، اس لئے کہ جنتری کے اوقات میں پانچ چھ منٹ  تو عام طور پر مختلف جنتریوں کا فرق رہتاہے، چنانچہ تھانویؒ نے دس منٹ کے احتیاط کو ضروری قرار دیاہے ، لکھتے ہیں: نقشہ ہذا میں صبح صادق کا وقت جو درج ہے وہ علم ہیئت جدید اور مشاہدہ سے بالکل ابتدائے صبح ہے مگر احتیاطا لازم ہے کہ صبح کی اذان کم از کم دس منٹ بعد ہی کہی جائے ، سحری بیس منٹ پہلے ہی ختم کردی جائے، اس میں بداحتیاطی سے کام نہ لیاجائے۔ (بوادرالنوادر 429)۔ اس لئے مذکورہ احتیاط بالکل درست ہے۔

واللہ اعلم بالصواب

دارالافتاء

دارالعلوم وقف دیوبند

Ref. No. 3269/46-8075

In the name of Allah the most Gracious the most Merciful

The answer to your question is as follows:

In matters of Waqf, it is crucial to respect the intent of the donor (Waqif), and the land dedicated for a specific purpose must be utilized strictly for the same purpose. Consequently, land designated as a cemetery for the burial of the deceased cannot be repurposed or incorporated into an Eidgah.

However, if the cemetery is extensive and the portion of land near the Eidgah under consideration is clearly not required for burial purposes now or in the foreseeable future (e.g., the next 10-20 years), certain conditions may permit its use. This would only be allowed if the graves in that area are very old and the buried remains have fully decomposed into the soil. In such cases, a few graves may be leveled, and the land incorporated into the Eidgah.

If, on the other hand, the graves are relatively recent, it would not be permissible to include that portion of the cemetery in the Eidgah premises.

قد تقرر عند الفقہاء أن مراعاة غرض الواقفین واجبة و أن نص الواقف کنص الشارع، کذا في عامة کتب الفقہ والفتاوی،مستفاد:البقعة الموقوفة علی جھة إذا بنی رجل فیھا بناء ووقفھا علی تلک الجھة یجوز بلا خلاف تبعاً لھا، فإن وقفھا علی جھة أخری ، اختلفوا في جوازہ ، والأصح أنہ لا یجوز(الفتاوی الھندیة، ۲: ۳۶۲،ط:المطبعة الکبری الأمیریة، بولاق، مصر)عن الغیاثیة) اھ، وإن اختلف أحدھما بأن بنی رجلان مسجدین أو رجل مسجداً ومدرسة ووقف علیھما أوقافاً لا یجوز لہ ذلک (الدر المختار مع رد المحتار، کتاب الوقف، ۶: ۵۵۱،ط: مکتبة زکریا دیوبند)، قال الخیر الرملي: أقول: ومن اختلاف الجھة ما إذا کان الوقف منزلین أحدھما للسکنی والآخر للاستغلال، فلا یصرف أحدھما إلی الآخر، وھي واقعة الفتوی اھ (رد المحتار ۶: ۵۵۱)۔

"قال ابن القاسم: لو أن مقبرة من مقابر المسلمین عفت، فبنی قوم فیها مسجدًا لم أر بذٰلک بأسًا؛ لأن المقابر وقف من أوقاف المسلمین لدفن موتاهم، لا یجوز لأحد أن یملکها، فإذا درست واستغنی عن الدفن فیها جاز صرفها إلی المسجد؛ لأن المسجد أیضًا وقف من أوقاف المسلمین لا یجوز تملیکه لأحد، فمعناهما واحد. وأما المقبرة الداثرة إذا بُني فیها مسجد لیصلي فیها، فلم أر فیه بأسًا؛ لأن المقابر وقف، وکذا المسجد فمعناهما واحد". (عمدة القاري شرح صحیح البخاري / باب هل تنبش قبور مشرکي الجاهلیة ویتخذ مکانها مساجد ۴؍۱۷۴And Allah knows best

Darul Ifta

Darul Uloom Waqf Deoband

Ref. No. 3260/46-8071

الجواب

بسم اللہ الرحمن الرحیم:۔ صورت مذکورہ میں آپ صرف اپنے تین لاکھ روپئے اور تین تولہ سونا واپس لے سکتے ہیں، مزید نفع کا مطالبہ کرنا درست نہیں ہے، اس لئے کہ بیع فاسد میں مشتری صرف اپنے ثمن کا  ہی حق دار ہوتاہے، مزید کسی چیز کا بھی حق دار نہیں ہوگا۔

واللہ اعلم بالصواب

دارالافتاء

دارالعلوم وقف دیوبند

Ref. No. 3264/46-8076

الجواب

بسم اللہ الرحمن الرحیم:۔ بشرط صحت سوال صورت مسئولہ میں جملہ نمبر چار اور پانچ سے دو طلاقیں واقع ہوئیں لیکن آخری جملہ میں صرف لفظ طلاق  کس موقع پر بولا گیا اگر طلاق کی بات کے دوران بولا گیا تو اس سے تیسری طلاق واقع ہوجائے گی۔

واللہ اعلم بالصواب

دارالافتاء

دارالعلوم وقف دیوبند

Ref. No. 3262/46-8073

الجواب

بسم اللہ الرحمن الرحیم:۔ تمام فرائض و واجبات کی ادائیگی تو بہرحال ضروری ہے، تاہم اس کے علاوہ جو نفلی چیزیں ہیں، جیسے صدقہ کرنا، کسی غریب کی مدد کرنا، کسی پریشان حال کی پریشانی دور کرنا ، کسی مغموم ورنجیدہ کی تسلی کا سامان فراہم کرنا،  نفلی نماز پڑھنا، روزہ رکھنا، مریض کی عیادت کرنا یا اہل میت کی تعزیت کرنا وغیرہ جو ثواب کے کام ہیں ان کے کرنے میں بھی پیش پیش رہنا چاہئے۔ اگر کسی کو دیکھے کہ وہ کوئی نیک کام کررہاہے تو خود بھی اس نیت سے کہ میں زیادہ نیکی کا ضرورتمند ہوں اس کام کو کرے، کبھی صدقہ کرتا کسی کو دیکھے تو اس سے بڑھ کر صدقہ کرنے کی کوشش کرے  کہ میں بھی صدقہ کی نیکی  کے ثواب میں فلاں شخص سے بڑھ جاؤں ۔البتہ کبھی کوئی کام کسی دوسرے کو نیچا دکھانے کے لئے  ہرگزنہ کرے بلکہ نیکی کے جتنے کام ہیں ان میں اخلاص کے ساتھ اپنا بھرپور تعاون پیش کرے اور سب سے آگے رہنے کی کوشش کرے اور خود کو ثواب کا زیادہ ضرورتمند سمجھے۔  

واللہ اعلم بالصواب

دارالافتاء

دارالعلوم وقف دیوبند

Ref. No. 3261/46-8074

الجواب

بسم اللہ الرحمن الرحیم:۔ چندہ کی رقم مدرس کے پاس بطور امانت کے ہوتی ہے، مدرس کو چندہ کی رقم خرچ کرنے کی اجازت نہیں ہوتی ہے، اس لئے مدرس کا خود ہی بچوں پر خرچ کرنا مناسب نہیں ہے، گوکہ وہ چندہ مدرسہ کے بچوں کے ہی لئے ہوا ہے، طلبہ پر خرچ کرنے کے لئے  بھی مہتمم یا متعلقہ ذمہ دار افراد کو مطلع کرنا اور ان سے اجازت لینا ضروری ہے، تاکہ شفافیت اور امانت داری برقرار رہے۔ بغیر اطلاع یا اجازت کے چندے کی رقم خرچ کرنا مناسب نہیں ہے، کیونکہ اس سے اعتماد مجروح ہوتاہے اور خیانت کا الزام آسکتاہے۔ یہ کسی بھی ادارہ کی پالیسی  اور انتظام کے خلاف عمل ہے، اس لئے ایسا کرنا مناسب نہیں ہے تاہم اب تک جو ہوا اس کا ضمان اس مدرس پر نہیں لگایا جاسکتاہے۔

واللہ اعلم بالصواب

دارالافتاء

دارالعلوم وقف دیوبند