Ref. No. 3192/46-7029

الجواب

بسم اللہ الرحمن الرحیم:۔  بیع کے صحیح ہونے کی ایک شرط یہ ہے کہ مبیع بائع کے قبضہ میں ہو، اور وہ اس کا مالک ہو، حدیث شریف میں ایسی چیز بیچنے سے منع کیاگیاہے جس کا بائع خود مالک نہ ہو۔ صورت مسئولہ میں اگر بیچنے والے کے پاس محض اشتہار ہے اور جب کوئی خریدار سامان طلب کرتاہے تو وہ دوسرے مارکیٹ سے سامان خرید کر دیتاہے تو یہ دھوکہ کے ساتھ دوسرے کا مال بیچن اہے جو ناجائز ہے۔ اور اگر آپ کے اشتہار پر کلک کرکے لوگ اصل بائع تک پہونچتے ہیں اور آپ کوکمپنی سے متعینہ کمیشن ملتاہے تو وہ متعینہ کمیشن جائز ہوگا۔

واللہ اعلم بالصواب

دارالافتاء

دارالعلوم وقف دیوبند

Ref. No. 3190/46-7032

الجواب

بسم اللہ الرحمن الرحیم:۔  طلاق کے لئے کنائی الفاظ استعمال کرتے وقت متصلاً اگر طلاق کی نیت نہیں تھی تو طلاق واقع نہیں ہوئی، بعد میں نیت کا اعتبار نہیں ہوگا، پھر شوہر نے اپنی بیوی کو صریح دو طلاقیں دیں۔ اور پھر نکاح وغیرہ کر کے دونوں میاں بیوی کے طور پر رہنے لگے تو معاملہ بھی درست ہو گیا، اس لئے بشرط صحت سوال صورت مسئولہ میں زید کا نکاح درست ہو گیا اور بچے اسی کی جانب منسوب ہوں گے۔ اور دونوں کا نکاح اب بھی باقی ہے، دونوں کو چاہئے کہ میاں بیوی کے طور پر دونوں ایک ساتھ رہیں اور ذہن کو تمام شکوک وشبہات سے پاک رکھیں۔

واللہ اعلم بالصواب

دارالافتاء

دارالعلوم وقف دیوبند

Ref. No. 3189/46-7030

In the name of Allah the most Gracious the most Merciful

The answer to your question is as follows:

The proper method of halal investment is to invest money in a legitimate, halal trade / business and earn profits in a way where both profit and loss are shared. The profit should not be predetermined or fixed, and the risk of loss should be borne by both parties according to their share of the investment. If the profit is fixed in advance, or if the risk of loss is placed solely on the working party, or if the person receiving the money does not actually invest it in the business but simply provides the money in exchange for a return, all of these situations are impermissible.

This effectively resembles a loan with interest, and as is well-established, charging or earning interest (riba) is strictly forbidden in Islam. Engaging in riba—whether by lending, borrowing, or facilitating it—is unlawful and considered a major sin according to Quran and hadith. Therefore, the transaction your cousin is involved in is a violation of Islamic principles and is haram. It is not permissible to invest in or profit from such a transaction.

"عن جابر، قال: «لعن رسول الله صلى الله عليه وسلم آكل الربا، ومؤكله، وكاتبه، وشاهديه» ، وقال: «هم سواء»". (الصحیح لمسلم، 3/1219، باب لعن آكل الربا ومؤكله، ط:، دار احیاء التراث ، بیروت)(مشکاۃ المصابیح،  باب الربوا، ص: 243)

"كل قرض جر منفعةً فهو رباً". (الجامع الصغیر للسیوطی، ص:395، برقم :9728، ط: دارالکتب العلمیہ، بیروت)

"(ومنها) : أن يكون الربح جزءًا شائعًا في الجملة، لا معينًا، فإن عينا عشرةً، أو مائةً، أو نحو ذلك كانت الشركة فاسدةً؛ لأن العقد يقتضي تحقق الشركة في الربح والتعيين يقطع الشركة لجواز أن لايحصل من الربح إلا القدر المعين لأحدهما، فلايتحقق الشركة في الربح". (بدائع الصنائع، 6/ 59، کتاب الشرکة، فصل في بيان شرائط جواز أنواع الشركة، ط: سعید) 

And Allah knows best

Darul Ifta

Darul Uloom Waqf Deoband

Ref. No. 3187/46-7020

الجواب

بسم اللہ الرحمن الرحیم:۔  کرنسی کے بدلے سونے کی خرید و فروخت "بیعِ صرف" کہلاتی ہ۔ اگر آپ نے بینک کو پیسے دئے اور اس نے اس رقم کے بدلے سونے کی مقدار متعین کرکے آپ کے اکاونٹ میں سونا لکھ دیا اور آپ کو اس کااختیار دیا کہ جب چاہیں آپ اس  سونے کو بھی سکتے ہیں اور بیچ کر اس کی مقدار کو بھی لے سکتے ہیں تو یہ صورت جائز ہے۔ کیونکہ آپ نے بینک سے سونا خریدا اور اس کو بینک کے پاس ہی رکھ دیا اورسونا بینک میں موجود ہے کہ جب آپ چاہیں اس کو لے سکتے ہیں، تو یہ آپ کا قبضہ شمار ہوگا جو بیع صر ف میں ضروری ہے۔

شیئرمارکیٹ میں جو سونے کی خریدوفروخت ہے اس میں سونا حقیقتا موجود نہیں ہوتاہے بلکہ صرف ڈیجیٹل طور پر نظر آتاہے، اور اگر آپ اس سونے کو لینا چاہیں تو وہ آپ کو سونا فراہم نہیں کریں گے، بلکہ آپ کو ہر حال میں اس کو بیچنا ہی ہوگا تاکہ ڈیجیٹل طریقہ پر اس کا نفع یا نقصان آپ کو بتایاجاسکے۔ اس لئے جب اس میں سونے پر قبضہ نہیں ہے کیونکہ آپ کو سونا نہیں مل سکتاہے تو یہ بیع قبل القبض والی شکل ہوگئی جو ناجائز ہے۔ اس لئے آن لائن سونے کا کاروبار درست نہیں ہے۔   

هو بيع بعض الأثمان ببعض) كالذهب والفضة إذا بيع أحدهما بالآخر أي بيع ما من جنس الأثمان بعضها ببعض وإنما فسرناه به ولم نبقه على ظاهره ليدخل فيه بيع المصوغ بالمصوغ أو بالنقد فإن المصوغ بسبب ما اتصل به من الصنعة لم يبق ثمنا صريحا ولهذا يتعين في العقد ومع ذلك بيعه صرف ...شرائطه فأربعة، الأول قبض البدلين قبل الافتراق بالأبدان.

قوله: فلو تجانسا شرط التماثل والتقابض) أي النقدان بأن بيع أحدهما بجنس الآخر فلا بد لصحته من التساوي وزنا ومن قبض البدلين قبل الافتراق." (البحر الرائق، باب الصرف، ج:6، ص:209، ط:دارالكتب الاسلامى)

واللہ اعلم بالصواب

دارالافتاء

دارالعلوم وقف دیوبند

Ref. No. 3183/46-7021

الجواب

بسم اللہ الرحمن الرحیم:۔  والد صاحب نے اپنے بالغ بیٹوں کے مہر کی ذمہ داری  تبرعا  لی تھی، مہر اصلا تو بیٹوں پر ہی لازم ہے۔ لہذا اگر والد نے اپنی زندگی میں ادائیگی نہیں کی تو اب  ان کے ترکہ سے اس کو منہا نہیں کیاجائے گا۔ بلکہ کل ترکہ تمام ورثہ میں تقسیم ہوگا، اور بیٹے اپنا حصہ لینے کے بعد اپنی بیویوں کا مہر خود اپنے پیسوں سے ادا کریں گے۔  

ولو کان الابن کبیرا فھو متبرع لانہ لایملک الاداء بلاامرہ (رالمحتار 4/289 زکریادیوبند)

واللہ اعلم بالصواب

دارالافتاء

دارالعلوم وقف دیوبند

Ref. No. 3182/46-7019

الجواب

بسم اللہ الرحمن الرحیم:۔  اللہ تعالیٰ کی ذات، اسماء و صفات  قدیم  ہیں  اور مخلوق کی ذات و صفات حادث ہیں، اس لئے اللہ تعالیٰ  کا کوئی مشابہ نہ موجود ہے اور نہ ہی کوئی  ہوسکتاہے۔ اللہ تعالیٰ کا ارشاد ہے کہ  "لَيْسَ كَمِثْلِهٖ شَيْءٌ."  یعنی اس کی طرح کا کوئی  بھی نہیں ہے۔ اللہ تعالی کے لئے قرآن و حدیث میں جن اعضاء کا ثبوت ملتاہے ان سے مراد اللہ تعالی کی ذاتی صفات ہیں جن کے لئے نہ کسی عضو کی ضرورت ہے اور نہ کسی جسم کی۔ اللہ تعالی  کا دیکھنا یا سننا وغیرہ امور ہماری طرح عضو ِکان اور عضوِ ناک وغیرہ کے محتاج نہیں ہیں۔ اس لئے ہمارا عقیدہ یہ ہے کہ اللہ تعالی کے لئے دونوں ہاتھوں سے پکڑنا یا دونوں آنکھوں سے دیکھنا یا دونوں کانوں سے سننا وغیرہ صفات سے وہ متصف ہے مگر اس کی حقیقت کا  علم  نہیں کہ وہ کس طرح دیکھتا، سنتا اور پکڑتاہے۔ اس لئے یہ کہنا کہ اللہ تعالی اپنی  دونوں آنکھوں سے دیکھ رہاہے جیسا کہ اس کی شان ہے کوئی گناہ یا گمراہی کی بات نہیں ہوگی ۔ جمہور اہل سنت والجماعت کا یہی مذہب ہے کہ نصوص میں وارد صفات اللہ تعالی کے لیے بلاکیف ثابت ہیں، اور متشابہات کے باب میں بہت زیادہ غور خوض کرنے سے منع کیاگیاہے۔

قولہ تعالی: ید اللہ فوقَ أیدِیہم، قولہ تعالی: ما منعک أن تسجد لما خلقتُ بیديَّ اور مثلاً نفس کما فی قولہ تعالی حکایة عن عیسی -علیہ السلام- تعلم ما في نفسي ولا أعلم ما في نفسک․ وفي الحدیث، وفي الحدیث الشریف: أنت کما أثنیتَ علی نفسک․ اور مثلاً لفظ عین (آنکھ) کما في قولہ تعالی: ولتصنع علی عیني وغیرہ۔ (القرآن)

والواجب أن ینظر في ہذا الباب أعني في باب الصفات فما أثبتہ اللہ ورسولہ أثبتناہ وما نفاہ اللہ ورسولہ نفیناہ (شرح الطحاویة: ۱۶۸، ط: سعودی) والمشہور عند الجمہور من أہل السنة وا لجماعة أنہم لا یریدون بنفي التشبیہ نفي الصفات بل یریدون أنہ سبحانہ لا یشبہ المخلوق في أسمائہ وصفاتہ وأفعالہ (شرح الفقہ الاکبر ص:۱۷ ط: اشرفی)

واللہ اعلم بالصواب

دارالافتاء

دارالعلوم وقف دیوبند