الجواب وباللّٰہ التوفیق:(۱) پیشاب کے قطروں سے حفاظت کے لیے ٹیشو پیپر کا استعمال کرنا درست ہے، اور اس قدر اہتمام سے بھی عذاب قبر سے نجات ہوگی ’’إن شاء اللّٰہ‘‘ (۲)اگر قطرہ نکلنے کا شبہ ہوا تو کھول کر دیکھنا ضروری ہوگا، دیکھنے کے بعد تسلی ہوگئی، اب پھر شبہ ہوا تو اب اسی میں نماز پڑھے جب تک نکلنے کا غالب گمان نہ ہوجائے۔ اور اس صورت میں اگر سوراخ کی جانب ٹیشو پیپر پر تری نظر نہیں آتی ہے، تو پاک سمجھا جائے گا، اور اسی میں نماز ہوجائے گی (۳) اگر نماز کے بعد ٹیشو پیپر کھول کر دیکھا تو سوراخ سے چپکاہوا تھا؛ لیکن اس کے علاوہ ٹیشو کے دوسرے حصے گیلے نہیں ہوئے تھے، تو بھی نماز ہوگئی۔
’’قلت: ومن کان بطیء الاستبراء فلیفتل نحو ورقۃ مثل الشعیرۃ ویحتشی بہا في الإحلیل، فإنہا تتشرب ما بقی من أثر الرطوبۃ التی یخاف خروجہا، وینبغی أن یغیبہا في المحل؛ لئلا تذہب الرطوبۃ إلی طرفہا الخارج‘‘(۱)
’’قال العلامۃ الحصکفی رحمہ اللہ: (کما) ینقض (لو حشا إحلیلہ بقطنۃ وابتل الطرف الظاہر) ہذا لو القطنۃ عالیۃ أو محاذیۃ لرأس الإحلیل، وإن متسفلۃ عنہ لا ینقض (وإن ابتل) الطرف (الداخل لا) ینقض ولو سقطت، فإن رطبہ انتقض، وإلا لا‘‘(۲)

(۱) ابن عابدین، الدر المختار  مع رد المحتار، ’’فروع في الاستبراء‘‘: ج ۱، ص: ۳۴۵۔
(۲) ابن عابدین، الدرالمختار مع رد المحتار، ’’باب سنن الوضوء‘‘: ج ۱، ص: ۱۴۸۔
 

فتاوی دارالعلوم وقف دیوبند ج3 ص418

الجواب وباللّٰہ التوفیق:یورینل (Urinal) بطورِ خاص مریضوں کے پیشاب کرنے کے لیے ہی بنایا گیا ہے۔ اس کی ضرورت تب ہی پیش آتی ہے جب مریض اُٹھ کر باتھ روم تک جانے کی قوت وطاقت نہ رکھتا ہو۔ یقینا ایسی صورت میں مریض باتھ روم جانے کا مکلف نہیں ہے؛ کیوںکہ اللہ تعالیٰ نے انسان کو اتنے ہی کام کا مکلف ٹھہرایا ہے جتنا کہ اس میں استطاعت موجود ہے جیساکہ قرآن میں ہے:
{لَا یُکَلِّفُ اللّٰہُ نَفْسًا إِلَّا وُسْعَہَا} (۱)
’’اللہ تعالیٰ کسی جان کو اس کی طاقت سے زیادہ تکلیف نہیں دیتا‘‘
ایک اورآیت میں ہے کہ {فَاتَّقُوْا اللّٰہَ مَا اسْتَطَعْتُمْ} (۲)
’’پس جہاں تک تم سے ہوسکے اللہ تعالیٰ سے ڈرتے رہو‘‘
اور امام بخاریؒ نے ایک روایت نقل کی ہے ’’وإذا أمرتکم بأمر فأتوا منہ ما استطعتم‘‘(۳)
’’جب میں تمہیں کسی کام کا حکم دوں تو حسب استطاعت اس پر عمل کرلیا کرو‘‘
حدیث سے یہ بھی ثابت ہے کہ نبی کریم صلی اللہ علیہ وسلم بیماری کی حالت میں چار پائی پر ایک لکڑی سے بنے برتن میں ہی پیشاب کرلیا کرتے تھے۔ جیسا کہ اس حدیث میں ہے: ’’کان للنبي قدح من عیدان تحت سریرہ یبول فیہ باللیل‘‘(۴)
اس حدیث کی شرح میں علامہ شمس الحق عظیم آبادی فرماتے ہیں کہ’’نبی صلی اللہ علیہ وسلم حالت مرض میں ایسا کیا کرتے تھے‘‘(۵)
مذکورہ آیات اور احادیث سے معلوم ہوا کہ مریض کے لیے یورینل کا استعمال مباح وجائز ہے؛ البتہ ہوش مند مریض کے لیے پیشاب کے بعد استنجا کرنا ضروری ہے۔ اگرپانی سے استنجا ممکن نہ ہو، تو مٹی کے ڈھیلے استعمال کرے، اگر یہ بھی ممکن نہ ہو، تو ٹشو پیپر سے ہی استنجا کرلے۔

(۱) سورۃ البقرۃ: ۲۸۶۔                    (۲) سورۃ التغابن: ۱۶۔
(۳) أخرجہ البخاري، في صحیحہ، ’’کتاب الاعتصام بالکتاب والسنۃ: باب الاقتداء بسنن رسول اللّٰہ صلی اللّٰہ علیہ وسلم‘‘: ج ۲، ص: ۱۰۸۲، رقم: ۷۲۸۸۔
(۴) أخرجہ أبوداود، في سننہ، ’’کتاب الطہارۃ: باب الرجل یبول باللیل في الإناء‘‘: ج ۱، ص:۵ رقم: ۲۴۔(مکتبۃ نعیمیہ دیوبند)
(۵) شمس الحق عظیم آباد، عون المعبود شرح أبوداود: ج ۱، ص: ۲۸۔(القاھرۃ: القدس للنشر والتوزیع، مصر)

فتاوی دارالعلوم وقف دیوبند ج3 ص419

الجواب وباللّٰہ التوفیق:اگر وہ اس قدر معذور ہیں کہ وضو اور نماز کے بقدر بھی عذر سے خالی وقت نہیں ملتا ہے تو پھر ہر نماز کے لیے وضو کرلیں اور پیمپر بدل لیں، اور اگر پیمپر بدلنے میں کافی دشواری ہو تو بدلنا ضروری نہیں ہے، اسی نجس پیمپر میں نماز صحیح ہوجائے گی؛ لیکن اگر اتنا وقت بغیرعذر کے مل جاتا ہے جس میں وضو کرکے فرض نماز ادا کرسکیں تو پھر وہ معذور کے حکم میں نہیں ہوں گے اور ہر نماز کے لیے وضو کرنے کے ساتھ پیمپر بدلنا لازم ہوگا ورنہ نماز نہیں ہوگی۔
’’مریض تحتہ ثیاب نجسۃ، وکلما بسط شیئا تنجس من ساعتہ صلی علی حالہ وکذا لو لم یتنجس إلا أنہ یلحقہ مشقۃ بتحریکہ‘‘(۱)

(۱) ابن عابدین، الدرالمختار مع رد المحتار، ’’باب سجود التلاوۃ‘‘: ج ۲، ص: ۱۰۳۔
 

فتاوی دارالعلوم وقف دیوبند ج3 ص421

الجواب وباللّٰہ التوفیق:اگر پیمپرپر قدرِ درہم سے زیادہ نجاست لگی ہو، تو اس کے ساتھ نماز پڑھنا شرعاً جائز نہیں ہے؛ البتہ قطرہ آنے کی شکایت اتنی زیادہ ہو کہ ایک پیمپر یا کپڑا ہٹا تے ہی دوسرا ناپاک ہوجاتا ہو بغیر قطرے کے نماز کا وقت نہ ملتا ہو اور اس حالت میں نماز کے پانچ اوقات سے زیادہ گزر جائیں تو اسے معذور قرار دیا جائے گا اور پھر اس عذر کی وجہ سے ناپاک پیمپر کے ساتھ بھی نماز پڑھنے کی گنجائش ہے۔
’’مریض تحتہ ثیاب نجسۃ وکلما بسط شیئا تنجّس من ساعتہ یصلّی علی حالہ وکذا لو لم یتنجس الثانی لکن یلحقہ زیادۃ مشقّۃ بالتحویل کذا فی فتاوی قاضی خان‘‘(۱)
’’المستحاضۃ ومن بہ سلس البول أو استطلاق البطن أو انفلات الریح أو رعاف دائم أو جرح لا یرقأ یتوضؤن لوقت کل صلاۃ ویصلون بذلک الوضوء ما شاؤا من الفرائض والنوافل‘‘(۲)

(۱) جماعۃ من علماء الہند، الفتاویٰ الہندیہ، ’’ ‘‘: ج ۱، ص: ۱۳۷۔
(۲) جماعۃ من علماء الہند، الفتاویٰ الہندیۃ، ’’مما یتصل بذلک أحکام المعذور‘‘: ج ۱، ص: ۹۵، زکریا دیوبند۔

فتاوی دارالعلوم وقف دیوبند ج3 ص422

Ref. No. 1306/42-677

الجواب وباللہ التوفیق

بسم اللہ الرحمن الرحیم:۔ بچہ کا پیشاب بھی اسی طرح ناپاک ہے جس طرح بڑے کا ناپاک ہے۔ یہ پیشاب نجاست غلیظہ ہے، اگر بچہ کا پیشاب کپڑے پر ایک درھم سے زائد لگ جائے تو اس کا دھونا اور پاک کرنا ضروری ہے، ورنہ نماز نہیں ہوگی۔ اور اگر ایک درھم سے کم لگاہو تو نمازگرچہ درست ہوجائے گی مگر جان بوجھ کر ایسے کپڑے میں نماز پڑھنا ٹھیک نہیں ہے۔

 وکذالک بول الصغیر والصغیرة، أکلاَ أو لا، کذا في الاختیار شرح المختار (ھندیة: 1/100) وقال الطحاوي: النضح الوارد في بول الصبي المراد بہ الصبّ لما روی ھشام بن عمروة عن أبیہ عن عائشة قالت: أتی رسول اللہ صلی اللہ علیہ وسلم بصبي فبال علیہ، فقال صبّوا علیہ الماء صبًّا (مرقاة المفاتیح: 2/189) النجاسۃ اذا کانت غلیظۃ وھی اکثر من قدر الدرھم فغسلھا فریضۃ والصلوۃ بھا باطلۃ وان کانت مقدار درھم فغسلھا واجب والصلوۃ معھا جائز وان کانت اقل من قدر الدرھم فغسلھا سنۃ (ھندیۃ 1/58)

واللہ اعلم بالصواب

دارالافتاء

دارالعلوم وقف دیوبند

Ref. No. 1703/43-1368

بسم اللہ الرحمن الرحیم:۔ ریاح کا نکلنا مطلقا ناقض وضو ہے، ریاح کم ہو یا زیادہ اس کے نکلنے سے وضو ٹوٹ جاتاہے، اسی طرح اس میں بدبو ہو یا نہ ہو، آواز ہو یا نہ ہو، بہرصورت وضو ٹوٹ جائے گا ۔ 

(الفصل الخامس في نواقض الوضوء) منها ما يخرج من السبيلين من البول والغائط والريح الخارجة من الدبر والودي والمذي والمني والدودة والحصاة، الغائط يوجب الوضوء قل أو كثر وكذلك البول والريح الخارجة من الدبر. كذا في المحيط. (الھندیۃ، الفصل الخامس في نواقض الوضوء 1/9) ، وعن ابن مسعود، وابن عباس - رَضِيَ اللَّهُ عَنْهُمْ - قالا. في الودي الوضوء، رواه البيهقي، والمذي والودي غير معتادين، وقد وجب فيهما الوضوء ولأنه خارج من السبيل فينقض كالريح والغائط ولأنه إذا وجب الوضوء بالمعتادة، والذي تعم به البلوى بغيره أولى.  (البنایۃ، ماخرج من السبیلین من نواقض الوضوء 1/258)

واللہ اعلم بالصواب

دارالافتاء

دارالعلوم وقف دیوبند

الجواب وباللہ التوفیق:جب تک اس بات کا یقین نہ ہو کہ غیرمسلم کے ہاتھ نجس ہیں، تو رس و پانی کے ناپاک ہونے کا حکم نہ ہوگا، پس غیر مسلم سے رس خریدنا، اس کا استعمال کرنا اور ان کے ہاتھ کا بنا ہوا کولھو کا سامان خریدنا (گڑ و شکر وغیرہ) جائز اور پاک ہے، ان کے ہاتھ سے لیا گیا پانی پاک ہے، اس سے وضوء درست ہے اور نماز کی ادائے گی اس سے صحیح ہے۔(۲)

(۲)و في الھندیۃ: قال محمد: و یکرہ الأکل والشرب في أواني المشرکین قبل الغسل، و مع ھذا لو أکل أو شرب فیھا قبل الغسل جاز۔۔۔ ھذا إذا لم یعلم بنجاسۃ الأواني۔(جماعۃ من علماء الہند، الفتاوی الھندیۃ، کتاب الکراہیۃ، الباب الرابع عشر في أھل الذمۃ والأحکام التي تعود إلیھم،ج ۵، ص:۳۴۷) 

 فسؤر آدمي مطلقا ولو جنبا أو کافرا أو إمرأۃ لأن علیہ السلام أنزل بعض المشرکین في المسجد علی مافي الصحیحین۔ فالمراد بقولہ تعالیٰ: إنما المشرکین نجس(التوبہ) النجاسۃ في اعتقادھم ( ابن عابدین، الدر المختار مع رد المحتار، کتاب الطہارۃ،باب المیاہ، مطلب في السؤر،ج۱، ص:۳۸۱) ، فأما إذا لم یتیقن نجاستہ فالأصل طھارتہ و کذلک میاھھم و ثیابھم علی الطھارۃ فقد روي أن النبي ﷺ توضأ من مزادۃ مشرکۃ و توضأ عمر من ماء في جرۃ، باب ما یجوز الصید بہ (الإمام البغوي، شرح السنۃ ، ج۱۱، ص:۲۰۰)

 

 فتاوی دارالعلوم وقف دیوبند ج2ص429

Ref. No. 2228/44-2368

بسم اللہ الرحمن الرحیم:۔  شراب حلال اور پاک چیزوں سے بنائی جاتی ہے، ایک خاص حالت میں پہنچنے پر اس میں سکر اور نشہ آجاتاہے، جب اس میں  نشہ آجائے تو اس کی قلیل وکثیر مقدار  حرام  ہے، لیکن جب دوبارہ اس میں سے سکر کا وصف ختم ہوجائے تو اس میں پاکی کا حکم عود کرآئے گا،  برخلاف سوال میں ذکر کردہ چیزوں کے کہ وہ اپنی اصل میں ہی نجس ہیں، لہذا ان کو شراب پر قیاس کرنا درست نہیں ہے۔

واللہ اعلم بالصواب

دارالافتاء

دارالعلوم وقف دیوبند

الجواب وباللہ التوفیق:افیون اور بھنگ وغیرہ نجس اور ناپاک نہیں ہیں، یہ چیزیں نشہ کی وجہ سے حرام ہیں(۱)؛ مگر ناپاک نہیں ہیں(۲) اس لیے اگر ان چیزوں کا اثر پانی میں آجائے، تو پانی ناپاک نہیں ہوتا ہے۔(۳)

(۱)و حرمھا محمد أي الأشربۃ المتخذۃ من العسل والتین و نحوھما۔ قالہ المصنف مطلقا قلیلھا و کثیرھا وبہ یفتی۔قولہ: و بہ یفتی أي بقول محمد، وھو قول الأئمۃ الثلاثۃ لقولہ علیہ الصلاۃ والسلام ’’کل مسکر خمر، و کل مسکر حرام‘‘ رواہ مسلم، (ابن عابدین، الدر المختار مع رد المحتار، کتاب الأشربۃ،ج۱۰، ص:۳۶)
(۲)کیوںکہ افیون، چرس وغیرہ پتوں سے بنائی جاتی ہیں، اپنی ذات میں یہ چیزیں نجس و ناپاک نہیںہیں، البتہ ہر پاک چیز کا حلال ہونا ضروری نہیں، حرام چیز بھی پاک ہوسکتی ہے جیسا کہ مٹی۔ مفتی اعظم مفتی کفایت اللہ صاحبؒ فرماتے ہیں: ’’افیون، چرس، بھنگ، کوکین یہ تمام چیزیںپاک ہیں اور ان کا دوا میں خارجی استعمال جائز ہے۔ نشہ کی غرض سے ان کو استعمال کرنا ناجائز ہے۔(کفایت المفتی، مایتعلق بالبیع الصحیح، ج۱۱، ص:۴۹)

(۳)ولا یضر تغیّر أوصافہ کلھا بجامد کزعفران و فاکھۃ و ورق شجرۃ۔ (الشرنبلالي، نورالإیضاح،کتاب الطھارۃ،ص۲۴)

 

 فتاوی دارالعلوم وقف دیوبند ج2ص430

الجواب وباللہ التوفیق:ناپاک کپڑے کی چھینٹ بھی ناپاک ہے، جس جگہ کپڑے یا بدن وغیرہ پر پڑے گی، اس کو ناپاک کردے گی۔ لہٰذا اگر قدر عفو سے زائد ہو تو کپڑے اور بدن کو دھونا ضروری ہوگا۔(۱)

(۱)غُسالۃ النجاسۃ في المرات الثلاثۃ مغلظۃ في الأصح (طحطاوي، باب الأنجاس والطھارۃ عنھا، ص:۱۵۵) الشي في ماء الحمام لا ینجس مالم یعلم أنہ غسالۃ متنجس (ابن الھمام، فتح القدیر، باب الأنجاس و تطہیرہا، ج۱، ص:۲۱۱)
 

 فتاوی دارالعلوم وقف دیوبند ج2ص431